ڒخذايم 27:6 - ثريفيث 2020

⁶ يُوْفَا ذِنِّي وعَسْكَارِي نِّي اَمقّْرَان يجّن ن وغَرَّابُو يُوْسَا-د زِي ثنْدِينْت ن إِسْكَنْدَارِيَا يتْرَاح ذِي ڒْوقْث نِّي غَار ثْمُوْرْث ن إِطَالْيَا، ئِسْني-اَنغ ذَايس.

ڒخذايم 27:6 Σταυροειδείς Αναφορές

ڒخذايم 18:2

يُوْفَا ذِنِّي يجّن ن وئِسْرَائِيلِي نتَّا ذ مِّيس ن لْإِقْلِيم ن پُـنْطُس قَّارن-اَس أَكِيلَاس. نتَّا تُوْغَا يُوْسَا-د ذݣ وُوْسَّان نِّي زِي ثْمُوْرْث ن إِطَاليَا نتَّا ذ ثمْغَارْث نّس ؤُمي قَّارن پْـرِسْكِيلَا. لِأَنَّا لْمَلِك كْلُوْدْيُوْس تُوْغَا يُوْمَر خ مَارَّا أَيث-إِسْرَائِيل اَثن سُوْفْغن زِي رُوْمَا. ئِرُوْح بُوْلُس غَار وَاكِيلَاس ذ پْـرِسْكِيلَا اَثن يࢲر. ئِقِّيم اَكِذْسن، ئِخدّم اَكِذْسن مِنْزِي نِثْنِي ڒْخذْمث نْسن ذ يشْتن تݣّن يقِيظَان.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 27:1

وَامِي ؤُمَرن اَذَانغ سّكّن ذݣ وغَرَّابُو غَار ثْمُوْرْث ن إِطَالْيَا، سلّْمن بُوْلُس ذ ڒبْعَاض ن يمحْبَاس اَكِذس يجّن ن وعَسْكَارِي ذ اَمقّْرَان ن اَرُّوْمَانُوْس قَّارن-اَس يُوْلْيُوْس. نتَّا يُوْسَا-د زِي ڒْعَسْكَار نِّي ؤُمِي قَّارن <لْفِرْقَا ن قَيْصَر.>

ڒخذايم 28:11

منْبَعْد إِ ثڒْت شْهُوْر، نْݣَعّذ ذݣ يِجّن ن وغَرَّابُو زِي إِسْكَنْدَارِيَا تُوْغَا يسعْذُو ڒْمشْتَا ذِي ثيْزِيرْث نِّي. أَغَرَّابُو نِّي خ وغمْبُوْب نّس ذَايس لْأَصْنَام سمَّان-ثن <ئِشْنِيون ن أَربِّـي.>

ڒخذايم 6:9

كَّرن ڒبْعَاض زِي ثمْزِيذَا ؤُمي قَّارن <لْبَرْتِينُوْن.> نِثْنِي ذ يسْرَائِيلِيْين ن ثنْدِينْت ن لْقُرِينَا ذ ثنْدِينْت ن إِسْكَنْدَرِيَا ذ ينّغْنِي زِي لْإِقْلِيم ن كِيلِيكْيَا ذ لْإِقْلِيم ن آسْيَا. بْذَان تمْنَاقَارن اَك سْتِيفَان،