3 يوحنا 1:2 - ثريفيث 2020

² آي ؤُمَا ينُو يعِيزّن، تْࢲَادْجِيغ اَخَاك يسّقْسَا ڒْخِير اَغَارك ثِيڒِي صَّاحث نّش وَامِي ثدْجِيذ مْلِيح ذِي ڒَعْمَر نّش.

3 يوحنا 1:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 9:12

ئِسْڒَا-يَاسن عِيْسَى ينَّا-ٱسن: "ئِوْذَان يصحَّان وَار تحْذِيجن بُو وضْبِيب، أَضْبِيب تحْذَاجن-ث يمهْرَاش.

أيث-فيليـپـي 2:27

وَاه، تُوْغَا يهْڒش ذ صَّح. تُوْغَا عْڒَاين يمُّوْث وَلَكِن أَربِّـي يرْحم-يث. وَار يدْجِي شَا نتَّا وَاهَا، يرْحم-اَيِي ؤُڒَا ذ نش بَاش وَار خَافِي يتْمَارْنِي ڒْهمّْ خ ڒْهمّْ.

أيث-فيليـپـي 2:4

ئِتْخصَّا كُڒ يجّن زَّايْوم وَار يخزَّر شَا مِين ث يتْهِيمَان وَاهَا. ئِتْخصَّا-ث عَاوذ اَذ يخْزَر مِين يتْهِيمَان إِ يِنّغْنِي.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

2 أيث-سلونيك 2:13

فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

ثبرات غار يعقوب 5:12

آي أَيثْمَا، أَقَا مِين يدْجَان مُهِم. وَار تْجَادْجَام شَا س وجنَّا نِغ س ثْمُوْرْث نِغ س شَان ثْمسْڒَايْث نّغْنِي. إِيوَا، خْمِي غَا ثِينِيم وَاه، ئِنِيث وَاه. خْمِي غَا ثِينِيم لَّا، ئِنِيث لَّا. حمَا وَار خَاوم د يهوِّي شَا لْعِقَاب.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

3 يوحنا 1:1

نش ذ اَمْغَار، تَارِيغ ثَبْرَات-أَ إِ غَايُوْس ونِّي إِي خَافِي يعِيزّن ذِي لْحَقِيقَا.

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.