2 تيموتاوس 4:14 - ثريفيث 2020

¹⁴ إِسْكَنْدر ونِّي يتْصنَّاعن نّحَّاس يضَرّ-اَيِي اَطَّاس، أَث يخدْجس أَربِّـي خ ڒفْعَايڒ نّس.

2 تيموتاوس 4:14 Σταυροειδείς Αναφορές

أيث-روما 12:19

آي يمْعِيزّن ينُو، وَار تنْتَاقَامم زِي حَدّ، لْعِقَاب جّم-ث إ أَربِّـي. أَقَا لْكِتَاب يقَّار: <ذ نش إِݣ يتنْتَاقَامن، ذ نش إِݣ يتْخدْجَاسن، ئِقَّار-يت سِيذِي أَربِّـي.>

أيث-روما 2:6

ثُمَّا اَذ يخدْجس أَربِّـي مْكُڒ يجّن خ ڒخْذَايم نّس.

2 أيث-سلونيك 1:6

أَربِّـي نتَّا ذ بَاب ن ڒْحَقّ، أَذ يعدّب س ڒمْحَاين يِنِّي إِي كنِّيو يتْمحَّانن،

1 تيموتاوس 1:20

زَّايْسن حِمِّيت ذ إِسْكَنْدر، جِّيغ-ثن نش إِ شِّيطَان حمَا اَذ تْوَاربَّان وَار قَّارن شَا اَوَاڒن نِّي وَار يحْڒِين خ أَربِّـي.

2 تيموتاوس 4:15

ؤُڒَا ذ شك حْضَا يخف نّش زَّايس مِينْزِي نتَّا يتْعَارَّاض اَطَّاس إِ مِين نتْبشَّار.

1 يوحنا 5:16

ونِّي غَا يتْوَاڒَان يجّن ن وُوْمَاس يعْصَا يجّن ڒْمُعْصِيّث إِي وَار يتِيوِين شَا غَار ڒْموْث، نتَّا يتْخصَّا-يَاس اَخَاس يࢲَّادْج غَار أَربِّـي اَتَاف اَذَاس يُوْش ثُوْذَارْث إِ وُوْمَاس نِّي. نِّيغ-اَوم-د مَانَايَا عْلَاحْسَاب يِنِّي ڒْمُعْصِيّث نْسن وَار ثن تِيوِي شَا غَار ڒْموْث. ذِنِّي يجّن ن ڒْمُعْصِيّث إِݣ يتَاوِين غَار ڒْموْث، ثنِّي وَار ذَاوم ت قَّارغ شَا اَخَاس ثࢲَّادْجم.

لواحي ن يوحنا 18:20

آي اَجنَّا، فَرح خ وهْذَام نّس، فَرْحم آ ڒْمُوْمِنِين صَّالِحِين ذ اَرُّسُل ذ لْأَنْبِيَا! أَقَا يحَاسب-يت أَربِّـي خ مِين ذَاوم ثݣَّا."

لواحي ن يوحنا 18:6

أَرّم-اَس مِين ذَاوم ثݣَّا نتَّاث، دُوْبْلَام-اَس ثْنَاين ن ثْوَاڒَاثِين ڒفْعَايڒ نّس. ڒْكَاس نِّي إِي زِي ثْسسّو إِ يِوْذَان، سسّْوم-اَس-ث مَارْثَاين.

لواحي ن يوحنا 6:10

سْنكَّرن ثْغُويِّيث س جّْهذ نَّان: "يَا مَوْلَانَا يَا ونِّي عَظِيم يدْجَان ذ ڒْحَقّ، مشْحَاڒ غَا ثكّذ وَار تْحِيْسِيْبذ يمزْذَاغ ن دُّنشْت-أَ، أَثن ثْعَاقْبذ خ يذَامّن نّغ؟"