2 تيموتاوس 4:10 - ثريفيث 2020

¹⁰ مِينْزِي دِيْمَاس يسْمح ذَايِي ثُوْوِي-ث ڒمْحِبّث ن دُّنشْت-أَ يرُوْح غَار ثنْدِينْت ن سَالُوْنِيك. ئِرُوْح كْرِيسْكُوْس غَار لْإِقْلِيم ن ݣَلَاطْيَا، ئِرُوْح تِيتُوْس غَار جِّهث ن دَلْمَاسْيَا.

2 تيموتاوس 4:10 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 12:32

ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم، أَتَاف اَخَاس يغْفَر. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار خَاس يغفَّر شَا لَّا ذِي دُّنشْت-أَ أُو لَّا ذِي لْأَخِيرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:56

وَلَكِن مَارَّا مَانَايَا يوْقع حمَا اَذ يكمّڒ مِين يُوْرِين ذِي لْكُتُب ن لْأَنْبِيَا." أُوْشَا سمْحن ذَايس مَارَّا يمحْضَارن نّس اَروْڒن.

لوقا 14:33

أَمنِّي عَاوذ وَار يزمَّر شَا ؤُڒَا ذ يجّن زَّايْوم اَذ يِيڒِي ذ اَمحْضَار ينُو إِلَّا مڒَا يسْمح ذِي مَارَّا مِين غَارس.

لوقا 16:13

وَار يزمَّر اَذ يِيڒِي شَان يِجّن ذ اَخدَّام غَار ثْنَاين ن سِيَاذِس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّار. أَذ تْخذْمم إ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين."

لوقا 17:32

فكَّرث ذِي مِين ذَاس يوقْعن إِ ثمْغَارْث ن لُوْط!

ڒخذايم 13:13

ئِنْيَا بُوْلُس ذ يمدُّوْكَاڒ نّس ذݣ وغَرَّابُو، رُوْحن زِي ثنْدِينْت نِّي ن پَـافُوْس غَار ثنْدِينْت ن بَارْجَا ذِي پَـامْفِيْلْيَا. ئِسْمح ذَايْسن ذِنِّي يُوْحَنَّا يذوْڒ-د غَار لْقُدْس.

ڒخذايم 15:38

وَلَكِن بُوْلُس وَار ذَاس يعْجِيب شَا اَث اَوِين اَكِذْسن مِنْزِي مَرْقُس تُوْغَا يسْمح ذَايْسن ذِي پَـامْفِيلْيَا وَار كِيسن يقِّيم شَا ذِي ڒْخذْمث نِّي.

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 17:1

عْذُوْن خ ثنْدِينْت ن ومْفِيپُـوْلِيس ذ ثنْدِينْت ن وپُـوْلُوْنْيَا، ؤُوْضن غَار ثنْدِينْت ن سَالُوْنِيك مَانِي ثدْجَا ذِنِّي يجّن ن ثمْزِيذَا ن أَيث-إِسْرَائِيل.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

ڒخذايم 17:13

ئِسْرَائِيلِيْين نِّي ذِي ثنْدِينْت ن سَالُوْنِيك اَرِّين-د ڒخْبَار بُوْلُس يتْبشَّار س وَاوَاڒ ن أَربِّـي ذِي ثنْدِينْت ن بِيرْيَا. ؤُسِين-د غَار بِيرْيَا بْذَان تݣّن يخَارْوِيضن سْهَاجن خَاس ڒْغَاشِي.

ڒخذايم 18:23

وَامِي إِي ذَايس يكَّا شَان ڒْوقْث، ئِفّغ يعْذُو ذِي جْوَايه ن ݣَالَاطْيَا ذ جْوَايه ن فْرِيجْيَا يتݣّ ؤُڒ ذݣ يمحْضَارن نِّي إِي يدْجَان ذِنِّي مَارَّا.

22 أيث-كورينث 2:13

وَلَكِن ؤُڒ ينُو وَار يدْجِي شَا مرْتَاح وَامِي وَار ؤُفِيغ شَا ذِنِّي ؤُمَا تِيتُوْس، مْصَافَاضغ خَاسن ؤُيُوْرغ غَار مَاسِدُوْنْيَا.

22 أيث-كورينث 7:6

وَلَكِن أَربِّـي، يعْنِى ونِّي يتْعَاوَانن يِنِّي يتْخيَّاقن يعَاون-اَنغ س ومَاثْنغ تِيتُوْس وَامِي د يُوْسَا.

22 أيث-كورينث 8:16

أَ نحْمذ أَربِّـي وَامِي ذَاس يݣَّا ذݣ وُوْڒ إِ تِيتُوْس نّفْس ن ڒْخَاضَر إِي غَارِي نش خَاوم.

22 أيث-كورينث 8:23

مڒَا سّقْسَان خ تِيتُوْس، نتَّا يشَرّش اَكِذِي يخدّم اَكِذِي جَارَاوم. مڒَا سّقْسَان خ أَيثْمَاثْنغ يِيْنَا، نِثْنِي سّكَّانْت-ثن ثْجُوْمَاع ن ڒْمُوْمِنِين سْبيَّانن-د لْعَظَمَا ن لْمَسِيح.

22 أيث-كورينث 8:6

أَمنِّي إِي نْوصَّا تِيتُوْس وَامِي تُوْغَا يبْذَا يجمّع زِي قْبڒ ڒْخِير ن صَّذَاقَا-يَا زَّايْوم، ڒخُّو نْوصَّا-ث اَت يكمّڒ.

أيث-ݣلاطيا 1:2

تَارِيغ ثَبْرَات-أَ نش ذ مَارَّا أَيثْمَا يدْجَان اَكِذِي غَار ثْجُوْمَاع ن ڒْمُوْمِنِين يدْجَان ذِي جْوَايه ن ݣَلَاطْيَا.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

1 تيموتاوس 6:10

لِأَنَّا ڒمْحِبّث ن تْمنْيَاث نتَّا ذ لْأَصل ن وَاطَّاس ن لْأَنْوَاع ن شَّرّْ. ڒبْعَاض ن يِوْذَان إِݣ يتخْسن تْمنْيَاث اَقَا فّْغن اَبْرِيذ سْنُوْقُّوْبن يخف نْسن س وَاطَّاس ن ڒحْرِيقَاث.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

2 تيموتاوس 1:15

شك ثسّْنذ بلِّي مَارَّا يِنِّي يدْجَان ذِي لْإِقْلِيم ن آسْيَا سمْحن ذَايِي ؤُڒَا ذ فِيْخُوْلُوْس ذ هِيْرْمُوْجِيْنُوْس.

2 تيموتاوس 4:16

وَامِي ذَافْعغ خ يِيخف ينُو ثْوَاڒَا ثَمزْوَارُوْت ذِي لْمَحْكَامَا مَارَّا سمْحن ذَايِي ؤُڒَا ذ يجّن مَا يبدّ اَكِذِي. وَار خَاسن ت يتْحِيسِيب شَا سِيذِي أَربِّـي.

ثبرات غار تيتوس 1:4

تَارِيغ ثَبْرَات-أَ إِ تِيتُوْس ونِّي إِي يدْجَان اَم ممِّي ذ صَّح ذِي لْإِيمَان-أَ إِي ذِي نْشَرّش. أَكِذش يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح ونِّي إِي ذَانغ يسْنجْمن.

ثبرات غار فليمون 1:24

سَاوَّاضن-اَش-د سْڒَام عَاوذ مَرْقُوْس ذ أَرِسْتَارْخُوْس ذ دِيْمَاس ذ لُوْقَا يدْجَان مَارَّا ذ يمْعَاشَرن ينُو.

2 بطرس 2:15

فّْغن اَبْرِيذ نِيْشَان ودَّرن، طّْفن اَبْرِيذ ن نَّبِي بَلْعَام مِّس ن بِعُوْر نتَّا تُوْغَا يتعْجِيب-اَس تْخَاڒُوْس ن شَّرّْ.