2 تيموتاوس 4:1 - ثريفيث 2020

¹ أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

2 تيموتاوس 4:1 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

لوقا 19:12

ئِنَّا-ٱسن: "ئِجّن ن سِّيّد لْأَصل نّس زݣ يمقّْرَانن يسَفَر زِي ثْمُوْرْث نّس غَار يِجّن ن ثْمُوْرْث ثِݣّْوج حمَا اَذ ييْسِي تسْرِيح اَذ يذْوڒ اَذ يحْكم خ ثْمُوْرْث نّس.

لوقا 19:15

وَامِي يذْوڒ ذ اَزذْجِيذ يعْقب-د، يُوْمَر حمَا اَذَاس د اَوِين يخدَّامن نِّي ؤُمِي يُوْشَا تْمنْيَاث نِّي حمَا اَذ يخْزَر مشْحَاڒ يرْبح مْكُڒ يجّن زَّايْسن.

لوقا 23:42

ڒخْدّنِّي ينَّا-ٱس: "عْقڒ خَافِي آ عِيْسَى خْمِي د غَا ثَاسذ غَار ڒْمُلْك نّش."

ڒخذايم 10:42

نشِّين يوصَّا-يَانغ عِيْسَى اَ نْبشَّر شَّعْب، أَ نشْهذ بلِّي أَربِّـي يخْضَر-يث اَذ يحَاسب يِنِّي يدَّرن ذ يِنِّي يمُّوْثن.

ڒخذايم 17:31

مَايمِّي؟ أَربِّـي يزمّم يجّن ن نْهَار إِي ذِي غَا يحَاسب مَارَّا يوْذَان س ڒْحَقّ خ وفُوْس ن بْنَاذم نِّي إِݣ يخْضَر. يُوْشَا-ٱسن دَّلِيل إِ مَارَّا يوْذَان خ مَانَايَا وَامِي ثِيذ يسكَّر زِي ڒْموْث."

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

1 تيموتاوس 5:21

أَقَا عڒْمغ-اَش زَّاث إِ أَربِّـي ذ عِيْسَى لْمَسِيح ذ لْمَلَائِكَاث يتْوَاخْضَرن قَا لَابُد اَذ تݣّذ ثِمسْڒَايِين-أَ بْڒَا مَا ٱذ تݣّذ ڒْفَرْز اَك شَان حَدّ بْڒَا مَا ٱذ تݣّذ عَاوذ س وُوْذمَاون.

2 تيموتاوس 1:10

أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

2 تيموتاوس 2:14

سْفكَّر ڒْمُوْمِنِين خ ثْمسْڒَاِيِين-أَ. عْڒم-اَسن زَّاث إِ أَربِّـي بَاش وَار تْمنْغِين شَا خ وَاوَاڒن. أَمنْغِي نِّي وَار ذَايس وَالُو، غِير اَذ يسُوْفغ زݣ وبْرِيذ يِنِّي يتسْڒَان.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 بطرس 4:5

وَلَكِن لْحِسَاب نْسن اَث يݣّ ونِّي يوجّْذن اَذ يحَاسب يِنِّي يدَّرن ذ يِنِّي يمُّوْثن.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

2 بطرس 1:17

ڒَاحقَّاش أَربِّـي بَابَاثْنغ يسمْغَار-يث يُوْشَا-ٱس لْعَظَمَا وَامِي غَارس د تنْطق ثْمِيجَّا نِّي زِي لْعَظَمَا يُوْعْڒَان ثنَّا-ٱنغ: قَا ذ وَانِيتَا ذ مِّي يعِيزّن، نش فَرْحغ زَّايس.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.