2 تيموتاوس 3:6 - ثريفيث 2020

⁶ يرْيَازن-أَ ذ يِيْنَا إِي د يسْنُوْقُوْبن ثُوْذْرِين اَم يبُّوْعن تَاذْفن بَاش اَذ سَيْطَرن خ ثمْغَارِين إِي ذِي ثدْجَا نِيّث تْعمَّارنْت س ڒْمُعْصِيَاث تْوَاشمَّاثنْت س وَاطَّاس ن لْأَنْوَاع ن شَّهَوَاث.

2 تيموتاوس 3:6 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:28

آ يِيْن يُوْحْڒن س دْقڒ إِي ثَرْبُوْم، أَرَحم-د غَارِي مَارَّا كنِّيو نش اَكنِّيو سْريّْحغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:14

{يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنافِقين! تتّم إِ ثَاجَّاڒِين مَارَّا مِين غَارْسنْت. ثسْمظْهَارم-د يخف نْوم تْࢲَادْجَام اَطَّاس حمَا اَذ تْبيّْنم إِ يِوْذَان بلِّي ثْصبْحم اَطَّاس زَعْمَا. خ مَانَاينِّي اَذ تْوَاعَاقْبم كْتَار.}

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

مرقس 4:19

ذَايْسن اَمْنُوْس ن دُّنشْت، يشمّث-يثن طّْمَع ن وَاݣْڒَا، ذَايْسن شّهَاوَاث ن ثْمسْڒَايِين نّغْنِي، سّنِّي يتْوَاجيّف وَاوَاڒ ن أَربِّـي وَار ينفّع شَا.

1 أيث-كورينث 12:2

قَا ثسّْنم بلِّي وَامِي تُوْغَا كنِّيو ذ لْكُفَّار تْوَاسُوْفْغم زݣ وبْرِيذ غَار لْأَصْنَام يزيْنُوْنن.

1 تيموتاوس 5:6

وَلَكِن ثنِّي يتْعِيشن ذِي شّهْوث وَاهَا، قَا نتَّاث ثمُّوْث وَاخَّا ثدَّر.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

2 بطرس 3:17

إِذن آي يمْعِيزّن ينُو، كنِّيو ثسّْنم مَانَايَا، حْضَاث يخف نْوم بَاش وَار كنِّيو يتَاوِي شَا لْغَلَط ن لْمُفْسِدِين اَذ د توْضَام زِي دْسَاس نْوم.

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

ثبرات زي يهوذا 1:18

نَّان-اَوم: "ذِي ڒِيَّام نِّي ينݣُّوْرَا اَذ يڒِين مُجُوْدِين يِنِّي يذحّْشن خ يِوْذَان، ذفَّارن شّهَاوَاث نْسن ثِعفَّانِين وَاهَا."

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.