2 تيموتاوس 3:2 - ثريفيث 2020

² قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،

2 تيموتاوس 3:2 Σταυροειδείς Αναφορές

لوقا 12:15

ينَّا-ٱسن: "حْضَام يخف نْوم، بعّْذث خ طّْمَع مِينْزِي ثُوْذَارْث ن بْنَاذم وَار تِيڒِي شَا س وَاطَّاس ن وَاݣْڒَا."

لوقا 16:14

ڒْحِزب ن يفَرِّيسِيْين نِثْنِي زݣ يِنِّي يتخْسن تْمنْيَاث، وَامِي سْڒِين إِ مَارَّا مَانَايَا ضحْشن خَاس.

لوقا 6:35

وَلَكِن خْسث ڒْعَذْيَان نْوم، ݣّث ذَايْسن ڒْخِير. رضْڒث وَار تْرَاجَاث وَالُو. أُوْشَا اَغَارْوم يِيڒِي لْأَجَار ذ اَمقّْرَان، أَذ تِيڒِيم ذ ثَارْوَا ن أَربِّـي يُوْعْڒَان. مِينْزِي نتَّا ذ اَصبْحَان اَك يِنِّي وَار ث يتْشكَّرن شَا ذ يِنِّي يتݣّن شَّرّْ.

ڒخذايم 5:36

قْبڒ إِ وُوْسَّان-أَ، ئِكَّر-د يجّن ن ورْيَاز قَّارن-اَس أَثُوْدَّاس. يَارَّا يخف نّس ذ اَمقّْرَان، ذْفَارن-ث شَان اَرْبعَا مِيَّا ن يرْيَازن. وَلَكِن نْغِين-ث، مَارَّا يِنِّي إي ث يذْفَارن مْسفْرَاقن ذوْڒن ذ وَالُو.

أيث-روما 11:18

وَلَكِن وَار تْسمْغَار شَا يخف نّش خ ڒفْرُوْع نِّي يتْوَاقسّن. مَايمِّي؟ وَار تتُّو شَا بلِّي ذ يࢲوْرَان نِّي إِي شك ييْسِين، وَار يدْجِي بُو ذ شك إِي ثن ييْسِين.

22 أيث-كورينث 5:15

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

1 تيموتاوس 1:20

زَّايْسن حِمِّيت ذ إِسْكَنْدر، جِّيغ-ثن نش إِ شِّيطَان حمَا اَذ تْوَاربَّان وَار قَّارن شَا اَوَاڒن نِّي وَار يحْڒِين خ أَربِّـي.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

1 تيموتاوس 3:3

ئِتْخصَّا وَار يتݣّ شَا لْمَدلَّا ن سّكْرَا، وَار يشِّيث شَا اَذ يِيڒِي تْرَانْكِيڒ. ئِتْخصَّا وَار يتْمنْغِي شَا س وَاوَاڒ، وَار يظمّع شَا ذِي تْمنْيَاث.

1 تيموتاوس 6:10

لِأَنَّا ڒمْحِبّث ن تْمنْيَاث نتَّا ذ لْأَصل ن وَاطَّاس ن لْأَنْوَاع ن شَّرّْ. ڒبْعَاض ن يِوْذَان إِݣ يتخْسن تْمنْيَاث اَقَا فّْغن اَبْرِيذ سْنُوْقُّوْبن يخف نْسن س وَاطَّاس ن ڒحْرِيقَاث.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

2 تيموتاوس 3:4

أَذ زّنْزن اَيثْمَاثْسن، أَذ ݣّن ثِمسْڒَايِين بْڒَا ڒَعْقڒ، أَذ ؤُفّن س نْفَاخث، أَذ حِبّن شهْوث نْسن وَار تْحِبِّين شَا أَربِّـي،

ثبرات غار يعقوب 2:8

ڒُوْصِيّث ن وزدْجِيذ يزدْجِيذن إِي د يُوْسِين ذِي لْكِتَاب ثقَّار: "أَذ تخْسذ اَجَّار نّش اَمشْنَاو يخف نّش." كنِّيو اَذ تݣّم مْلِيح مڒَا ثْخدّْمم زَّايس.

ثبرات غار يعقوب 4:16

وَلَكِن ڒخُّو كنِّيو تفْتَخَارم، تْسمْغَارم يخْف نْوم. مَارَّا تَّكبُّر-أَ ٱم وَانِيتَا نتَّا ذ شَّرّْ.

ثبرات غار يعقوب 4:6

وَلَكِن نتَّا يَرْنِي-يَانغ-د اَرْضَا زَّايس. س مَانَايَا يقَّار لْكِتَاب: <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

1 بطرس 5:5

آي يحنْجِيرن، كنِّيو طَاعث عَاوذ إِ يِنِّي يدْجَان ذ يمقّْرَانن. سْوجْذث يخف نْوم مَارَّا كنِّيو س يِجّن ن اَرَّاي اَك وَايَاوْيَا وَار ذَايس بُو تَّكبُّر مِينْزِي <أَربِّـي اَقَاث ضد ن يِنِّي يسمْغَارن يخف نْسن، يِنِّي يسمْزَاين يخف نْسن يتِيشّ-اَسن اَرْضَا نّس.>

2 بطرس 2:10

خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

2 بطرس 2:3

عْلَاحْسَاب اَعدِّيس نْسن اَذَاوم شّن ڒْمُوْخ س وَاوَاڒن إِي تْسَايَاسن وَاهَا. مشْحَاڒ زݣ وَامِي لْعِقَاب نْسن عَاذ يتْرَاجَا-ثن وَار يتطّص شَا.

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

لواحي ن يوحنا 13:1

ࢲْرِيغ يجّن ن ڒْوَحْش يفّغ-د زِي ڒبْحَر، غَارس سبْعَا ن يقيُّوْعن ذ عشْرَا ن وَاشَّاون، خ وَاشَّاون نّس عشْرَا ن تَّاجَاث. ؤُرِين خ يقيُّوْعن نّس يسمَاون وَار يحْڒِين خ أَربِّـي.

لواحي ن يوحنا 16:11

عْلَاحْسَاب ڒحْرِيق ذ ثْحبَّا إِي ذَايْسن نِثْنِي قَّارن اَوَاڒن وَار يحْڒِين خ أَربِّـي يدْجَان ذݣ وجنَّا، وَار تُوْبن شَا زِي ڒفْعَايڒ نْسن.

لواحي ن يوحنا 16:21

ئِوْضَا-د يشَرَّا ذ اَمقّْرَان زݣ وجنَّا خ يِوْذَان، كُڒ اَبْقُوْق يوزّن اَزْين وقنْدَار. يِوْذَان قَّارن اَوَاڒن وَار يحْڒِين خ أَربِّـي خ سَّبَاب ن لْمُصِيبَا-يَا ن يشَرَّا ڒَاحقَّاش لْمُصِيبَا-يَا ذ ثَمقّْرَانْت اَطَّاس.

لواحي ن يوحنا 16:9

شمْضن يِوْذَان س لْحَرَارَا يجهْذن. وَاخَّا اَمنِّي قَّارن اَوَاڒن وَار يحْڒِين ذݣ يِيسم ن أَربِّـي ونِّي غَار ثدْجَا سُّلْطَا خ لْمُصِيبَاث-أَ. وَار تُوْبن شَا، وَار ث سمْغَارن شَا.