2 تيموتاوس 3:10 - ثريفيث 2020

¹⁰ وَلَكِن شك ثسّْنذ مْلِيح تَّعْلِيم ينُو ذ وبْرِيذ ن ثُوْذَارْث ينُو ذ لْغَرَض ينُو ذ لْإِيمَان ينُو ذ تَّاسِع ن ڒْخَاضَر ينُو ذ ڒمْحِبّث ينُو ذ صّْبَر ينُو

2 تيموتاوس 3:10 Σταυροειδείς Αναφορές

لوقا 1:3

آ سِيذِي ؤُڒَا ذ نش تْغِيڒ-اَيِي مْلِيح اَذ ݣّغ اَذ اَرِيغ مِين يوقْعن وَامِي بحْثغ ذِي مَارَّا مَانَايَا مْلِيح. أَذَاش ث اَرِيغ ثَا س ثَا حمَا اَذ تسّْنذ ڒْحَقّ ن ثْمسْڒَايِين نِّي إِي ذَاش سڒْمَاذن.

ڒخذايم 11:23

وَامِي د يُوْوض، يُوْفَا مَامّش ثن يبَرك أَربِّـي. ئِفَرح يبْذَا يتْشجَّاع-يثن مَارَّا بَاش اَذ قِّيمن ذݣ وبْرِيذ ن سِيذِيثْنغ س مَارَّا وُوْڒَاون نْسن.

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

ڒخذايم 20:18

وَامِي غَارس د ؤُسِين يمقّْرَانن نِّي ينَّا-ٱسن: "كنِّيو قَا ثسّْنم مَامّش تْعِيْشغ مَارَّا ڒْوقْث نِّي إِي تُوْغَا ٱكِذْوم قِّيمغ، زِي نْهَار نِّي اَمزْوَارُو إِي د ؤُذْفغ غَار آسْيَا.

ڒخذايم 26:4

قَا مَارَّا أَيث-إِسْرَائِيل سّْنن مَامّش تُوْغَا ثدْجَا ثُوْذَارْث ينُو زِي ثمْࢲِي ينُو إِي عِيشغ ذِي ثْمُوْرْث ينُو، عَاوذ ؤُڒَا ذِي ثنْدِينْت ن لْقُدْس.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

22 أيث-كورينث 1:17

وَامِي تُوْغَا نش تْخطَّاطغ اَذ ݣّغ مَانَاينِّي، مَا ذوّْڒغ ذݣ وَاوَاڒ وَاهَا؟ نِغ مَا تْخطَّاطغ اَم يِجّن ن بْنَاذم ن دُّنشْت-أَ وَاهَا، يعْنِي اَذ ينِيغ وَاه-وَاه نِغ لَّا-لَّا ذِي نّفْس ن ڒْوقْث؟

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-فيليـپـي 2:20

وَار غَارِي ذَا حَدّ اَم نتَّا تْهِيمَا-ث لْحَالَا نْوم.

أيث-فيليـپـي 2:22

أَمَّا تِيْمُوْتَاوُس نتَّا ثسّْنم-ث ملْتَازم س يِيخف نّس، ئِخدّم اَكِذِي ذِي لْإِنْجِيل اَم يِجّن ن وحَرْمُوْش يخدّم اَك بَابَاس.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

1 تيموتاوس 4:6

ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

2 تيموتاوس 4:3

أَقَا اَذ تَاس ڒْوقْث نِّي نِثْنِي وَار تْصنِّيطن شَا غَار تَّعْلِيم نِيشَان؛ أَغَارْسن د سْمُوْنن يجّن ن لْعَدَد ن يمْسڒْمَاذن سَّاوَاڒن غِير مِين ذَاسن يعجْبن إِ يمجَّان نْسن وَاهَا.

2 تيموتاوس 4:7

أَمنْغِي-يَا اَصبْحَان منْغغ-ث، ثَازّْڒَا-يَا كمّْڒغ-ت، لْإِيمَان حْضِيغ-ث.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي