2 تيموتاوس 2:24 - ثريفيث 2020

²⁴ فَا اَخدَّام ن سِيذِيثْنغ لَابُد وَار يتْمنْغِي شَا س وَاوَاڒ اَطَّاس؛ ئِتْخصَّا-ٱس اَذ يِيڒِي ضْرِيف اَك مَارَّا يوْذَان، أَتَاف يسّن اَذ يسڒْمذ، أَتَاف غَارس تَّاسِع ن ڒْخَاضَر.

2 تيموتاوس 2:24 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 12:19

وَار يتْمنْغِي اَك حَدّ، وَار يسْنكَّر بُو ثْغُويِّيث، وَار يتْسْڒِي حَدّ إِ وَاوَاڒ نّس ذݣ يبْرِيذن.

يوحنا 6:52

ئِسْرَائِيلِيْين نِّي منْغن جَارَاسن نَّان: "مَامّش غَا يݣّ وَانِيتَا اَذَانغ يُوْش دَّات نّس اَت نشّ؟"

ڒخذايم 15:2

ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 23:9

ئِوْقع يجّن ن سّْدَع يمْغَار، كَّرن ڒبْعَاض زݣ يمْسڒْمَاذن ن شَّرِيعَا نِثْنِي ذ يفَرِّيسِيْين تمْنَاقَارن س جّْهذ قَّارن: "نشِّين وَار ذَاس نْتِيف بُو شَان لْغَالط ذِي بْنَاذم-أَ، يمْكن يسِّيوڒ اَكِذس شَان ن جّنّ نِغ ذ شَان ن لْمَلَائِكَا."

ڒخذايم 7:26

ثِيوشَّا نّس يُوْفَا ثْنَاين يسْرَائِيلِيْين تْمنْغَان جَارَاسن يخس اَثن يسْمصْڒَاح ينَّا-ٱسن: كنِّيو ذ اَوْمَاثن، مَايمِّي تْعدَّام خ وَايَاوْيَا؟

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 10:4

ڒسْنَاح نّغ مَاشِي اَم ونِّي إِݣ يسْخدَّام بْنَاذم، غَارْنغ يجّن ن ڒسْنَاح نّغ زِي سِيذِي أَربِّـي زَّايس إِي نتْرزَّا يمُوْشَان يجهْذن.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-فيليـپـي 2:14

ݣّث مَارَّا ثِمسْڒَايِين بْڒَا مَا ٱذ تْشثْشَام بْڒَا مَا ٱذ تْمنْغم.

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

أيث-كولوس 3:13

صْبَارث اَك وَايَاوْيَا. مڒَا شَان يِجّن زَّايْوم غَارس شَان لْمُشْكِل إِي زَّايس غَا يشثْشَا خ ونّغْنِي، ئِتْخصَّا يجّن اَذ يسْمح إِ ونّغْنِي. مَامّش ذَاوم يغْفَر أَربِّـي إِ كنِّيو، أَمنِّي إِي غَا ثْسمْحم إِ يِوْذَان.

1 أيث-سلونيك 2:7

وَلَكِن لَّا، نشِّين نْخدّم اَكِذْوم س تَّوَاضُع اَم ثمْغَارْث اَك ثَارْوَا نّس.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

ثبرات غار تيتوس 1:1

نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

ثبرات غار تيتوس 3:2

سْفكَّر-اَثن حمَا وَار تْعيِّبن حَدّ، وَار تْمنْغِين شَا س وَاوَاڒن، أَذ يڒِين تْرَانْكِيڒ، أَذ سْخذْمن يجّن ن تَّوَاضُع اَك مَارَّا يوْذَان.

ثبرات غار يعقوب 1:1

نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

ثبرات غار يعقوب 4:2

خْمِي وَار تِيفم شَا كنِّيو خ مِينْخف ثْرزُّوْم، أَتَاف ثْنقّم. تْمنْغَام تمْنَاقَارم جَارَاوم، مَايمِّي؟ لِأَنَّا كنِّيو وَار ثْزمَّرم شَا اَذ تَاوْضم غَار مِين ثْعشّْقم. وَار غَارْوم شَا، مَايمِّي؟ لِأَنَّا كنِّيو وَار تتَّارم شَا إِ أَربِّـي.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

ثبرات زي يهوذا 1:3

آي يمْعِيزّن ينُو، تُوْغَا رْزُوْغ اَذَاوم اَرِيغ خ ؤُبْرِيذ نِّي إِي زِي نْنجّم نشِّين إِي ذِي نْشَرّش مَارَّا، وَلَكِن ؤُفِيغ أُو لَابُد اَذَاوم اَرِيغ طَّالَب-أَ حمَا اَذ تْمنْغم خ لْإِيمَان-أَ إِي زِي تْوَاكلّْفن صَّالِحِين ذݣ يِجّن ن ثْوَاڒَا إِ ڒبْدَا.