2 تيموتاوس 2:22 - ثريفيث 2020

²² فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

2 تيموتاوس 2:22 Σταυροειδείς Αναφορές

ڒخذايم 7:59

قِّيمن رجّْمن سْتِيفَان س وزْرُو نتَّا ينَّا: "آ سِيذِيثْنغ عِيْسَى، قْبڒ بُوْحْبڒ ينُو!"

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

1 أيث-كورينث 1:10

فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

1 أيث-كورينث 1:2

نتْسدْجَام خَاوم كنِّيو إِي يدْجَان ذ جْمَاعث ن ڒْمُوْمِنِين ن أَربِّـي ذِي ثنْدِينْت ن كُوْرِينْث. تْوَاسِّيصْفَام ذِي عِيْسَى لْمَسِيح، تْوَاخْضَرم بَاش اَذ تِيڒِيم ذ صَّالِحِين اَك مَارَّا يِنِّي يتْڒَاغَان خ يِيسم ن سِيذِيثْنغ عِيْسَى لْمَسِيح ذِي مَارَّا يمُوْشَان. نتَّا ذ سِيذِيثْنغ ذ سِيذِيثْسن.

1 أيث-كورينث 10:14

س مَانَاينِّي آي يمْعِيزّن ينُو، اَروْڒث زِي لْأَصْنَام.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 6:18

اَروْڒث زِي لْفَسَاد. كُڒ ڒْمُعْصِيّث نّغْنِي إِݣ يتݣّ بْنَاذم اَذ تِيڒِي غَار بَارَّا ن دَّات نّس. ونِّي يتݣّن لْفَسَاد يعصَّا دَّات نّس نِّيث.

1 تيموتاوس 1:14

أَرْضَا ن سِيذِيثْنغ ينْفيّض-د خَافِي س وَاطَّاس ذ وَاطَّاس، أَكِذس يجّن ن لْإِيمَان ذ يِجّن ن ڒمْحِبّث إِݣ يدْجَان ذِي عِيْسَى لْمَسِيح.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 2:8

فَلِيهَذَا خْسغ يرْيَازن ذِي مَارَّا يمُوْشَان اَذ ࢲَّادْجن اَذ يْسِين يفَاسّن نْسن يصْفَان غَار وجنَّا بْڒَا مَا ٱذ تْعصّْبن بْڒَا مَا ٱذ تْمنْغَان.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

1 بطرس 3:11

ئِتْخصَّا اَذ يݣّْوج خ شَّرّْ اَذ يݣّ ڒْخِير، أَذ يرْزُو خ سَّلَام اَث يذْفَار.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.