2 تيموتاوس 2:19 - ثريفيث 2020

¹⁹ وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

2 تيموتاوس 2:19 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:19

إِيوَا رُوْحث غَار يِوْذَان ن مَارَّا ڒݣْنُوْس، أَرّم-ثن ذ يمحْضَارن ينُو. طهَّارم-ثن س وَامَان س يِيسم ن بَابَا ذ مِّيس ذ أَرُّوْح يقدّْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:23

ڒخْدّنِّي اَذَاسن ينِيغ: تُوْغَايِي نش عمَّارْص وَار كنِّيو سِّينغ شَا. بعّْذث خَافِي آ يِنِّي يتݣّن شَّرّْ!

أَسڒْمذ ن سِيذِيثْنغ عِيْسَى لْكِتَاب ن مَتَّى 7:25

يُوْوْثَا ونْࢲَار، حمْڒن-د يغْزْرَان، ئِصُوْض-د اَرِّيح يجْهذ يعْذُو خ ثدَّارْث نِّي. وَاخَّا اَمنِّي وَار ثوْضِي شَا ڒَاحقَّاش ثبْنَا خ دْسَاس ن وزْرُو.

مرقس 12:16

ؤُشِين-اَس-ث-يذ. ينَّا-ٱسن: "وِي يِڒَان تصْوِيرْث-أَ ذ يِيسم-أَ إِي ذَايس؟" نَّان-اَس: "ن قَيْصَر."

مرقس 13:22

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

لوقا 13:27

أَذَاوم يِينِي: نش وَار سِّينغ شَا زِي مَانِيس د تُوْسِيم. بعّْذم خَافِي آ يِنِّي يتݣّن شَّرّْ!

لوقا 6:48

ئِتْشَابَّاه ذݣ يِجّن ن ورْيَاز إِݣ يبنَّان ثَدَّارْث نّس، ئِغْزَا اَطَّاس يݣَّا دْسَاس خ وزْرُو. وَامِي د يحْمڒ يغْزَار يعْذُو خ ثدَّارْث نِّي، وَار يزمَّر اَت يسنْهزّ مِينْزِي ثبْنَا مْلِيح.

يوحنا 10:14

نش ذ ونِّي إِي ثن يَروّْسن ذ صَّح. سّْنغ يحُوْڒِيْين ينُو يحُوْڒِيْين ينُو سّْنن-اَيي، مَامّش ذَايي يسّن بَابَا نش سّْنغ-ث. ثُوْذَارْث ينُو، تْصدَّاقغ-ت خ يحُوْڒِيْين ينُو.

يوحنا 13:18

نش وَار سِّيوِيڒغ شَا خَاوم مَارَّا، نش سّْنغ ؤُݣ يخْضَرغ. ڒخُّو لَابُد اَذ يكمّڒ مِين د يُوْسِين ذِي لْكِتَاب: <ونِّي يشِّين زݣ وغْرُوْم ينُو، يُوْوث-اَيِي س ونِيرز نّس.>

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

ڒخذايم 11:26

وَامِي ث يُوْفَا يُوْوِي-ث-يذ اَكِذس غَار ثنْدِينْت-أَ ن وَانْطَاكْيَا. سعْذُوْن عَام يكْمَاڒ اَك جْمَاعث ن ڒْمُوْمِنِين، سڒْمَاذن اَطَّاس ن يِوْذَان. ذَانِيتَا ذِي وَانْطَاكْيَا-يَا إِي تْوَاسمَّان يمحْضَارن ثْوَاڒَا ثَمزْوَارُوْت س <ئِمَسِيْحِيْين.>

ڒخذايم 15:17

بَاش ينِّي يقِّيمن زݣ يِوْذَان اَذ رْزُوْن خ سِيذِي أَربِّـي، بَاش مَارَّا يِنِّي وَار يدْجِين شَا زِي أَيث-إِسْرَائِيل يِنِّي إِي ييْسِين يسم ينُو اَخَاس رْزُوْن. أَمُّو يقَّار سِيذِي أَربِّـي ثِمسْڒَايِين-أَ إِي دْجَانْت زِي زْمَان، ڒخُّو يسْمظْهَار-يثنْت-يد."

ڒخذايم 9:14

ڒخُّو اَقَاث ذَا، ؤُشِين-اَس اَرُّخْصَا اَرُّوْيَاس ن ڒْفُقَهَا حمَا اَذ يطّف مَارَّا يِنِّي يعبّْذن س يِيسم نّش."

أيث-روما 11:2

أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:

أيث-روما 12:9

ڒمْحِبّث يتْخصَّا اَذ تِيڒِي بْڒَا نِّفَاق. عِيفّث مِين يدْجَان ذ شَّرّْ، طّْفث ذِي مِين يدْجَان ذ ڒْخِير.

أيث-روما 15:20

أُو نش رزُّوْغ اَذ تْبشَّارغ ڒبْدَا س لْإِنْجِيل ذِي ثْمُوْرَا مَانِي وَار خَاس تسْڒِين شَا خ لْمَسِيح بَاش وَار بنِّيغ شَا خ شَا ن دْسَاس إِݣ يݣَّا حَدّ نّغْنِي.

أيث-روما 15:9

عَاوذ بَاش يِنِّي وَار يدْجِين شَا زِي أَيث-إِسْرَائِيل اَذ حمْذن أَربِّـي خ اَرَّحْمث نّس. مَامّش يقَّار لْكِتَاب: <س مَانَايَا إِي شك غَا حمْذغ جَار ڒݣْـنُوْس، أَذ غنّْجغ يزْڒَان إِ يِيسم نّش.>

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

أيث-روما 9:11

ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.

1 أيث-كورينث 1:2

نتْسدْجَام خَاوم كنِّيو إِي يدْجَان ذ جْمَاعث ن ڒْمُوْمِنِين ن أَربِّـي ذِي ثنْدِينْت ن كُوْرِينْث. تْوَاسِّيصْفَام ذِي عِيْسَى لْمَسِيح، تْوَاخْضَرم بَاش اَذ تِيڒِيم ذ صَّالِحِين اَك مَارَّا يِنِّي يتْڒَاغَان خ يِيسم ن سِيذِيثْنغ عِيْسَى لْمَسِيح ذِي مَارَّا يمُوْشَان. نتَّا ذ سِيذِيثْنغ ذ سِيذِيثْسن.

1 أيث-كورينث 8:3

وَلَكِن ونِّي يتْحِبَّان أَربِّـي، أَتَاف أَربِّـي يسّن-يث نتَّا.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

أيث-ݣلاطيا 4:9

وَلَكِن ڒخُّو كنِّيو ثسّْنم أَربِّـي، يعْنِي نتَّا إِي كنِّيو يسّْنن. مَامّش تݣّم عَاوذ ثْذوَّاڒم غَار لْقَوَانِين يقْذِيمن نِّي يتضْعِيفن وَار يتجْهِيذن شَا؟ مَا ثخْسم اَغَارْسن ثْذوْڒم ذ يسمْغَان عَاوذ نِغ؟

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

أيث-ؤفسوس 3:15

زَّايس نتَّا إِي د تكّن يسمَاون ن لْأَصل ن مَارَّا ڒحْبَاب ن وجنَّا ذ ثْمُوْرْث.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

1 تيموتاوس 6:19

أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

يعيبرانيين 11:10

ڒَاحقَّاش بْرَاهِيم يتْرَاجَا ثَنْدِينْت نِّي غَار دْجَان دْسَاسَاث يتْدُوْمَان، ئِخَطّ-يت أَربِّـي يبْنَا-ت.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 21:14

ڒْحِيض ن ثنْدِينْت يبدّ خ ثنْعَاش ن دْسَاسَاث، يُوْرَا خَاسن يسمَاون ن ثنْعَاش ن اَرُّسُل ن يِزْمَار.

لواحي ن يوحنا 22:4

أَذْ ࢲرن اَغمْبُوْب نّس، ئِسم نّس اَقَاث خ ثنْيَارْث نْسن.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.