2 تيموتاوس 1:8 - ثريفيث 2020

⁸ إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

2 تيموتاوس 1:8 Σταυροειδείς Αναφορές

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 9:26

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا نّس ذ لْعَظَمَا ن بَابَاس اَك لْمَلَائِكَاث يقدّْسن.

يوحنا 15:27

أَذ تْشهْذم ؤُڒَا ذ كنِّيو عَاوذ مِينْزِي اَقَا كنِّيو اَكِذِي زݣ ومزْوَارُو."

يوحنا 19:35

ونِّي يࢲْرِين مَانَاينِّي يشْهذ خَاس، أُو مِين يشْهذ نِيشَان إِي يدْجَا. ئِسّن بلِّي مِين يقَّار ذ لْحَقِيقَا أُو يشهّذ بَاش اَزَّايس ثَامْنم ؤُڒَا ذ كنِّيو.

ڒخذايم 5:41

فَرْحن اَرُّسُل وَامِي فّْغن زِي جْمَاعث نِّي ن لْحُكَّام ن أَيث-إِسْرَائِيل، حسّْبن بلِّي غَارْسن لْهِمَّا خ لْإِهَانَا نِّي إِي ذَاسن يوقْعن خ يِيسم ن عِيْسَى.

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 8:36

مَامّش يقَّار لْكِتَاب: <نشِّين خ سَّبَاب نّش شك نتْوَاجَاه ڒْموْث نْهَار يكْمَاڒ. نشِّين نتْوَاحْسَاب اَمشْنَاو يحُوْڒِيْين ؤُمِي غَا غَرْصن.>

أيث-روما 9:33

مَامّش يقَّار لْكِتَاب: <أَقَا ݣِّيغ ذِي ثنْدِينْت ن لْقُدْس يج ن تِّيرْشث إِي ذِي تنْقْڒَاظن يِوْذَان، ذ يِجّن ن وزْرُو إِي ثن يغطّْڒن. ونِّي إِي زَّايس غَا يَامْنن، عمَّارْص اَث خيّْبغ.>

1 أيث-كورينث 1:6

ذَايْوم كنِّيو إِي د يسْمظْهَار أَربِّـي لْحَقِيقَا خ شْهَاذث نّغ خ لْمَسِيح.

22 أيث-كورينث 6:7

س وَاوَاڒ ن لْحَقِيقَا ذ جّْهذ ن أَربِّـي ذ ڒسْنَاح ن ڒْحَقّ إِݣ يدْجَان ذݣ وفُوْسِي ذ وࢲرْمَاض.

أيث-ؤفسوس 3:1

خ مَانَايَا ترْكَاعغ خ يفَادّن ينُو، نش بُوْلُس إِي يدْجَان ذ اَمحْبُوْس عْلَاحْسَاب عِيْسَى لْمَسِيح أُو خَاوم كنِّيو إِي وَار يدْجِين شَا زِي أَيث-إِسْرَائِيل...

أيث-ؤفسوس 3:13

فَلِيهَذَا نِّيغ-اَوم وَار تفْشِيڒث شَا عْلَاحْسَاب اَعدّب ينُو خَاوم ڒَاحقَّاش مَانَايَا اَكنِّيو ينْفع.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-ؤفسوس 4:17

أَقَا مِين ذَاوم قَّارغ ذ ؤُزِيَّار-أَ إِي خَاوم تْزيَّارغ ذِي سِيذِيثْنغ، يعْنِي أُو لَابُد وَار ثݣُّوْرم شَا مَامّش ݣُّوْرن ڒݣْنُوْس س ڒَعْقُوْڒ نْسن يخْوَان.

أيث-فيليـپـي 1:7

غَارِي ڒْحَقّ اَذَايْوم فكَّرغ اَمنِّي ڒَاحقَّاش اَقَا كنِّيو غَارِي ذݣ وُوْڒ ينُو. أَقَا مَارَّا ثْشَرّْشم اَكِذِي ذِي اَرْضَا ن ڒْخذْمث-أَ وَاخَّا اَقَايِي ذِي ڒحْبس نِغ تْذَفَاعغ خ لْإِنْجِيل ذ ڒْحَقّ إِي ذَايس.

أيث-فيليـپـي 3:10

رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.

أيث-فيليـپـي 4:13

قَاع ثِمسْڒَايِين زمَّرغ-اَسنْت س ونِّي إِي ذَايِي يتشّن جّْهذ.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

أيث-كولوس 1:24

ڒخُّو نش فَرّْحغ خ مِينْخف تْعدَّابغ عْلَاحْسَاب كنِّيو. لِأَنَّا ذِي دَّات-أَ ينُو كسِّيغ ڒْحَقّ ينُو زِي مِين عَاذ ينقّْصن زݣ وعدّب نِّي ن لْمَسِيح عْلَاحْسَاب دَّات نّس يعْنِي جْمَاعث ن ڒْمُوْمِنِين.

1 أيث-سلونيك 3:4

وَاه، وَامِي تُوْغَانغ اَكِذْوم قْبڒ نقَّار-اَوم قَا ڒمْحَاين اَخَانغ كّنْت. ذ مَانَايَا إِݣ يوقْعن قَا ثسّْنم كنِّيو.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

2 تيموتاوس 1:10

أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

2 تيموتاوس 1:16

أَذ يبَرك سِيذِي أَربِّـي ڒحْبَاب ن ؤُمَاثْنغ وَانِيْسْفُوْر، أَطَّاس ن ثْوَاڒَاثِين يسرْتَاح-اَيِي وَار يسذْحِي شَا خ سْنَاسڒ ينُو.

2 تيموتاوس 2:3

إِڒِي اَكِذِي ذݣ وعدّب اَم وعسْكَارِي اَصبْحَان ن عِيْسَى لْمَسِيح.

2 تيموتاوس 2:8

فكَّر ذِي عِيْسَى لْمَسِيح ونِّي إِي د يسكَّر أَربِّـي زِي ڒْموْث، نتَّا لْأَصل نّس زِي دَاود. ذ مَانَايَا إِݣ يدْجَان ذِي لْإِنْجِيل إِي تْبشَّارغ نش.

2 تيموتاوس 2:9

خ لْإِنْجِيل-أَ إِي تْوَاعدَّابغ نش قنّن-اَيِي س سْنَاسڒ اَم يِجّن ن لْمُجْرِيم. وَلَكِن اَوَاڒن ن أَربِّـي لَّا، وَار زمَّرن اَثن قنّن س سْنَاسڒ.

2 تيموتاوس 4:17

ذ سِيذِيثْنغ إِي كِذِي يبدّن غَار وغزْذِيس ينُو يُوْشَا-ٱيِي جّْهذ حمَا زَّايِي نش اَذ يتْوَابشَّر لْإِنْجِيل يكْمَاڒ اَث سْڒن مَارَّا يِنِّي وَار يدْجِين شَا زِي أَيث-إِسْرَائِيل، سّنِّي نش فڒْثغ زݣ ؤُقمُّوْم ن سّْبَاع.

2 تيموتاوس 4:5

شك اَرّ-د ڒْبَاڒ نّش ذِي مَارَّا ثِمسْڒَايِين، صْبَر إِ تَمَارَا، اݣّ ڒْخذْمث اَم ونِّي يتْبشَّارن، اݣّ لْوَاجِب ن ڒْخذْمث نّش.

1 بطرس 1:5

عْلَاحْسَاب لْإِيمَان نْوم أَربِّـي يحطَّا-كنِّيو س ثْزمَّار نّس غَار يِجّن ن وسنْجم إِݣ يسوْجذ نتَّا اَثِيذ يسْمظْهَار ذِي نْهَار اَنݣَّارُو.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

ثبرات زي يهوذا 1:24

فَا ونِّي يزمَّرن اَكنِّيو يحْضَا بَاش وَار تنْذْڒِيفم شَا، ئِزمَّر عَاوذ اَكنِّيو يقدّم غَار زَّاث نّس لْعَظِيم اَذ تِيڒِيم بْڒَا ڒْعِيب اَغَارْوم ثِيڒِي يجّن ن ڒفْرَاحث ذ ثَمقّْرَانْت،

لواحي ن يوحنا 1:2

أُو نتَّا ذ شَّاهد خ مَارَّا مِين يࢲْرَا، يعْنِي خ وَاوَاڒ ن أَربِّـي ذ مِين خف يشْهذ عِيْسَى لْمَسِيح.

لواحي ن يوحنا 1:9

نش ذ يُوْحَنَّا ذ ؤُمَاثْوم، شرّْشغ اَكِذْوم ذِي ڒمْحَاين ذ ڒْمُلْك ن أَربِّـي ذْ صّْبَار إِݣ يدْجَان ذِي عِيْسَى. تُوْغَا دْجِيغ ذِي ثيْزِيْرْث ن بَطْمُس عْلَاحْسَاب اَوَاڒ ن أَربِّـي ذ مِين خف يشْهذ عِيْسَى.

لواحي ن يوحنا 12:11

غڒْبن-ث اَيثْمَاثْنغ س يذَامّن ن يِزْمَار ذ شْهَاذث نْسن. ثُوْذَارْث نْسن وَار خَاسن ثْعِيزّ شَا، وجْذن اَذ مّْثن.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."