2 تيموتاوس 1:7 - ثريفيث 2020

⁷ أَقَا أَربِّـي وَار ذَانغ يُوْشِي شَا يجّن ن اَرُّوْح ن ثِيݣّْوْذِي؛ لَّا، قَا يُوْشَا-ٱنغ-د يجّن اَرُّوْح ن جّْهذ ذ ڒمْحِبّث ذ ڒحْكَام خ يِيخف نّغ س ڒَعْقڒ.

2 تيموتاوس 1:7 Σταυροειδείς Αναφορές

لوقا 10:19

أَقَا تِيشّغ-اَوم جّْهذ إِي زِي غَا ثْعفّْسم خ يفِيغرَان ذ ثْغِرْذمِيوِين ذ مَارَّا جّْهذ ن ڒَعْذُو، وَار كنِّيو يتْضَرِّي وَالُو.

لوقا 15:17

ئِبْذَا ڒخْدّنِّي يتْخمَّام مْلِيح ذݣ يِيخف نّس ينَّا: مشْحَاڒ غَارس ذ يخدَّامن غَار بَابَا يتْشطَّا خَاسن وغْرُوْم، نش اَقَايِي ذَانِيتَا تْمتِّيغ س جُّوْع.

لوقا 24:49

أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."

لوقا 8:35

فّْغن-د يِوْذَان حمَا اَذ ࢲرن مِين يوقْعن. ؤُسِين-د غَار عِيْسَى ؤُفِين اَرْيَاز نِّي فّْغن زَّايس جْنُوْن، ئِقِّيم غَار يضَارن ن عِيْسَى يَرض اَرُّوْض نّس يݣنْفَا يذْوڒ س ڒَعْقڒ نّس. أُوْشَا ݣّْوْذن اَطَّاس.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 21:13

ينَّا-ٱنغ: "مِين كنِّيو يُوْغِين؟ مَايمِّي إِي ذَايِي ثحْفَرم ذݣ وُوْڒ س يمطَّاون نْوم؟ نش اَقَايِي مُوْجُوْد مَاشِي اَذَايِي قّْنن وَاهَا. نش اَقَايِي مُوْجُوْد اَذ مّْثغ ذِي لْقُدْس عْلَاحْسَاب يسم ن سِيذِيثْنغ عِيْسَى!"

ڒخذايم 26:11

مشْحَاڒ ن ثْوَاڒَاثِين تْرَاحغ زِي ثمْزِيذَا غَار ثمْزِيذَا تْعدَّابغ-ثن، رزُّوْغ اَذ سِّيوْڒن س بزّز ڒْعِيب ذِي أَربِّـي. س وغْضَاب نِّي ينُو تْرَاحغ حتَّا غَار ثْندَّام ذِي لْخَرِيج بَاش اَثن عدّْبغ ذِنِّي.

ڒخذايم 26:25

ينَّا-ٱس بُوْلُس: "آ سِي لْوَالِي فَسْتُوْس، لَّا نش وَار فْلِيپَّـاغ شَا. مِين قَّارغ ذ صَّح أُو س ڒَعْقڒ.

ڒخذايم 6:8

سْتِيفَان نِّي نتَّا يشُّوْر س لْبَرَكَا ن أَربِّـي ذ جّْهذ، ئِخدّم جَار يِوْذَان لْبُرْهَانَاث ذ لْمُعْجِيزَات ذ ثِمقّْرَانِين.

ڒخذايم 9:22

شَاوُل نتَّا يَرْنِي يتْحدَّاث س جّْهذ، يسذْهَاش أَيث-إِسْرَائِيل إِݣ يزدّْغن ذِي دِمَشق، ئِسبيّن-اَسن-د س وَاوَاڒ نّس قَا عِيْسَى ذ لْمَسِيح.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

أيث-روما 8:15

لِأَنَّا اَرُّوْح إِي ذَاوم د يمُّوْشن وَار كنِّيو يتَارِّي شَا ذ يسمْغَان حمَا اَذ تْعِيشم عَاوذ ذِي ثِيݣّْوْذِي؛ لَّا، ئِمُّوْش-اَوم-د اَرُّوْح يقدّْسن حمَا اَذ تِيڒِيم ذ ثَارْوَا ن أَربِّـي. س اَرُّوْح نِّي إِي غَا نْڒَغَا: أَبَّا، يعْنِي، أَ بَابَا ينُو.

1 أيث-كورينث 2:4

مِين قَّارغ ذ مِين تْحدَّاثغ وَار يدْجِي شَا س وَاوَاڒن ن ڒفْهَامث بَاش اَكنِّيو سْقنْعن ذغْيَا؛ لَّا، سْخدَّامغ جّْهذ ن اَرُّوْح ن أَربِّـي

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-كولوس 1:8

ئِعَاوذ-ٱنغ خَاوم خ ڒمْحِبّث نْوم لْأَصل ن ڒمْحِبّث-أَ ذ أَرُوْح يقدّْسن.

يعيبرانيين 2:15

أُو عَاوذ عِيْسَى اَذ د يضْڒق إِ يِنِّي يدْجَان ذ يسمْغَان زِي ڒخْڒُوْق يعْنِي يِنِّي خَاسن ثْحكّم ثِيݣّْوْذِي زِي ڒْموْث أُوْشَا اَذ يڒِين حُرّ.

1 بطرس 1:22

ڒخُّو ثسِّيصْفَام يخف نْوم وَامِي ثْطَاعم إِ لْحَقِيقَا بَاش اَذ تِيڒِي ذَايْوم يجّن ن ڒمْحِبّث جَار وَاوْمَاثن بْڒَا نِّفَاق. س مَانَايَا يتْخصَّا-كنِّيو اَذ ثخْسم اَيَاوْيَا اَطَّاس س وُوْڒَاون نْوم.

1 يوحنا 4:18

يعْنِي ڒمْحِبّث وَار ثسِّين شَا ثِيݣّْوْذِي. ڒمْحِبّث إِي يدْجَان ثكْمَاڒ اَذ تَازّڒ خ ثِيݣّْوْذِي، مَايمِّي؟ ڒَاحقَّاش ثِيݣّْوْذِي تَاس-د زِي ڒْخُف ن لْعِقَاب. ونِّي يتݣّْوْذن، نتَّا ڒمْحِبّث نّس عَاذ وَار زَّايس ثجِّيون شَا.