2 تيموتاوس 1:3 - ثريفيث 2020

³ تْشكَّرغ أَربِّـي ونِّي عبّْذغ زِي ڒجْذُوْذ ينُو س يِجّن ن ضَّمِير يصْفَان. تتَّارغ-اَس إِ أَربِّـي خَاش دْجِيڒث ذ نْهَار بْڒَا مَا ٱذ بدّغ.

2 تيموتاوس 1:3 Σταυροειδείς Αναφορές

لوقا 2:37

ڒخْدّنِّي يمُّوْث نتَّا، ثقِّيم نتَّاث ذ ثَاجَّاڒْث حتَّا وَامِي ثمُّوْث خ اَرْبعَا أُو ثْمَانِين يسݣّْوُسَا. تْغِيمَا ڒبْدَا ذِي ثمْزِيذَا ثَمقّْرَانْت، ثْعبّذ أَربِّـي تْࢲُوْمَّا تْࢲَادْجَا دْجِيڒث ذ وَاسّ.

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 24:14

وَلَكِن قَّارغ-اَش نش تَعْتَرَافغ زَّاثش عبّْذغ أَربِّـي ن ڒجْذُوْذ نّغ عْلَاحْسَاب اَبْرِيذ-أَ إِي حسّْبن نِثْنِي زَعْمَا ذ لْبِدْعَا. تَامْنغ س مَارَّا مِين يتَافَاقن اَك شَّرِيعَا ذ مِين د يُوْرِين ذِي لْكُتُب ن لْأَنْبِيَا.

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

ڒخذايم 26:4

قَا مَارَّا أَيث-إِسْرَائِيل سّْنن مَامّش تُوْغَا ثدْجَا ثُوْذَارْث ينُو زِي ثمْࢲِي ينُو إِي عِيشغ ذِي ثْمُوْرْث ينُو، عَاوذ ؤُڒَا ذِي ثنْدِينْت ن لْقُدْس.

ڒخذايم 27:23

شُوْف، دْجِيڒث-أَ ثَانِيتَا قَا ثْمظْهَار-اَيِي-د يجّن ن لْمَلَائِكَا ن أَربِّـي، أَربِّـي ونِّي ؤُمِي خدّْمغ نتَّا ذ بَاب ينُو.

أيث-روما 9:1

سَّاوَاڒغ ڒْحَقّ ذِي لْمَسِيح وَار يدْجِي بُو ذ يخَرِّيقن. ڒَعْقڒ ينُو أُو ذ اَرُّوْح يقدّْسن اَذَايِي صَحّن مِين غَا ينِيغ.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

أيث-ݣلاطيا 1:14

تُوْغَا نش تْݣَعَّاذغ مْلِيح ذِي دِّين ن أَيث-إِسْرَائِيل عْڒَاين قَاع حْسن زݣ يقْرِينن ينُو. تُوْغَا نش رزُّوْغ اَطَّاس اَذ ݣّغ لْوَاجِب عْلَاحْسَاب لْعَادَاث ن ڒجْذُوْذ ينُو.

أيث-ؤفسوس 1:16

تْشكَّرغ أَربِّـي خَاوم بْڒَا مَا ٱذ بدّغ أُو ڒبْدَا تْفكَّرغ ذَايْوم ذِي ثْࢲَادْجِيث ينُو.

1 أيث-سلونيك 3:10

دْجِيڒث ذ نْهَار نْتتَّار-اَس إِ أَربِّـي س وُوْڒَاون نّغ بَاش اَكنِّيو نْࢲر عَاوذ، أَذَاوم نَرْنِي مِين ينقّْصن ذِي لْإِيمَان نْوم.

1 تيموتاوس 1:19

أَتَاف اَغَارش يِيڒِي لْإِيمَان نّش ذ يِجّن ضَّمِير ذ اَصبْحَان. مَاشِي اَم ڒبْعَاضِيث سمْحن ذِي مَانَايَا أُوْشَا لْإِيمَان نْسن يغَرق اَم يِج وغَرَّابُو ذِي ڒبْحَر.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

1 تيموتاوس 5:5

قَا ثَاجَّاڒْت ن صَّح ثنِّي وَار غَار يدْجِي حَدّ اَقَا ذ نتَّاث يتݣّن لْأَمَال نّس ذِي أَربِّـي تْغِيمَا تدْعَا أَربِّـي تتَّار-اَس دْجِيڒث ذ نْهَار.

2 تيموتاوس 1:5

عقْڒغ خ لْإِيمَان نّش بْڒَا نِّفَاق ونِّي يدْجَان ذ اَمزْوَارُو ذِي حنَّاش لْوِيزَا ذ يمَّاش أَنِيسَا. ڒخُّو تيّْقغ ذ صَّح بلِّي اَقَاث ذَايش ؤُڒَا ذ شك.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.