2 تيموتاوس 1:10 - ثريفيث 2020

¹⁰ أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

2 تيموتاوس 1:10 Σταυροειδείς Αναφορές

لوقا 11:36

مڒَا مَارَّا دَّات نّش ذَايس ثْفَاوْث وَار ذَايس بُو ثَادْجسْث، أَتَاف اَذ تْشعْشع اَطَّاس اَذ تݣّ ثْفَاوْث اَمشْنَاو مَامّش ذَاوم يتِيشّ ڒْقنْدِيڒ ثْفَاوْث."

لوقا 13:7

ينَّا-ٱس إِ ونِّي يخدّْمن ڒَعْرَاصِي نّس: ثَشجَّارث-أَ ثڒْت سْنِين نش تَاسغ-د غَارس حمَا اَزَّايس ڒقْذغ ثَازَارْث وَار ذَايس تِيفغ وَالُو. أَرَاح-د قسّ-يت! مَايمِّي ت غَا نجّ اَذ تْضيّع ثَمُوْرْث وَاهَا؟

لوقا 2:11

ئِخْڒق-د نْهَارَا ذݣ وبِيلَاج ن دَاود ونِّي إِي كنِّيو غَا يسْنجْمن، نتَّا ذ سِيذِيثْنغ لْمَسِيح.

يوحنا 1:9

يعْنِي نُّوْر نِّي نِيشَان تُوْغَا د يتَاسن غَار دُّنشْت-أَ اَذ يشعْشع خ كُڒ بْنَاذم.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 4:42

نَّان-اَس إِ ثمْغَارْث نِّي نشِّين وَار نْتِيمن شَا ڒخُّو غِير عْلَاحْسَاب مِين ذَانغ ثنِّيذ شم، مِينْزِي يسِّيوڒ اَكِذْنغ س يِيخف نّغ أُو نشِّين نسّن بلِّي ذ صَّح ذ وَا إِݣ يسنْجَامن دُّنشْت.

يوحنا 5:40

وَاخَّا اَمنِّي كنِّيو وَار ثْخِيسم شَا اَغَارِي د تَاسم حمَا اَغَارْوم ثِيڒِي ثُوْذَارْث.

ڒخذايم 13:23

ثُمَّا زِي دُوْرِّيث ن دَاود يسّكّ-د أَربِّـي عِيْسَى غَار أَيث-إِسْرَائِيل يعْنِي ونِّي إِي ثن غَا يسْنجْمن، مَامّش ثن يوْعذ زِي قْبڒ.

ڒخذايم 5:31

يرْفع-يث أَربِّـي اَغَارس يݣِّي-ث خ وفُوْسِي نّس بَاش اَذ يحْكم اَذ يسنْجم، أَذ يُوْش تُوْبَا إِ أَيث-إِسْرَائِيل اَذ يغْفَر ڒْمُعْصِيَاث نْسن.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

1 أيث-كورينث 15:26

ڒَعْذُو اَنݣَّارُو إِي غَا يبطَّڒ نتَّاث ذ ڒْموْث.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

أيث-ؤفسوس 1:18

أَذَاوم د يُوْش يجّن ن نُّوْر إِ وُوْڒَاون نْوم بَاش اَذ تسّْنم مِين يعْنَا لْأَمَال-أَ إِي زِي ذَاوم د يڒَاغَا، ذ مِين يعْنَا وَاݣْڒَا-يَا ن لْوَارث عَظِيم ن صَّالِحِين،

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

2 أيث-سلونيك 2:8

ثُمَّا اَذ د يمظْهَار لْمسْخُوْط، أَخَاس يصُوْض سِيذِيثْنغ عِيْسَى س وقمُّوْم نّس اَث ينغ، أَث يسْبطّڒ س لْعَظَمَا نّس إِي زِي د غَا يعْقب عِيْسَى.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

2 تيموتاوس 1:8

إِذن وَار تْسذْحَا شَا اَذ تْشهْذذ خ سِيذِيثْنغ نِغ خَافِي نش إِي يدْجَان ذ اَمحْبُوْس عْلَاحْسَاب نتَّا؛ لَّا، قبّڒ اَعدَّاب نِّي يدْجَان عْلَاحْسَاب لْإِنْجِيل، س جّْهذ ن أَربِّـي.

2 تيموتاوس 4:1

أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

ثبرات غار تيتوس 2:11

شُوْف، أَرْضَا ن أَربِّـي يتْمظْهَار-اَسن-د إِ مَارَّا يوْذَان يتَاوِي-ثن غَار مَانِي غَا تْوَاسْنجْمن.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

ثبرات غار تيتوس 3:4

وَلَكِن وَامِي د يمظْهَار ڒْخِير ذ لْحَنَانَا ن أَربِّـي ونِّي إِي ذَانغ يسْنجْمن

يعيبرانيين 10:32

فَا عقْڒث خ وُوْسَّان نِّي يعْذُوْن وَامِي خَاوم د يشعْشع نُّوْر. ثصْبَارم خ يِجّن ن ؤُمنْغِي يقْسح، ثْوَاجْهَام اَعدّب.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 1:11

أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

2 بطرس 1:3

أَقَا ثِزمَّار نّس يُوْعْڒَان ثُوْشَا-ٱنغ-د قَاع مِين نحْذَاج عْلَاحْسَاب ثُوْذَارْث ذ طَّاعَا نّغ إِ أَربِّـي. مَانَايَا مِينْزِي نسّن ونِّي ذَانغ د يڒَاغَان غَار لْعَظَمَا نّس ذ ثُوْصُبْحَانْت نّس.

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

2 بطرس 3:2

خْسغ اَذ تْعقْڒم خ وَاوَاڒن نِّي تُوْغَا نَّان ذِي زْمَان لْأَنْبِيَا صَّالِحِين؛ خْسغ اَذ تْعقْڒم عَاوذ خ ڒُوْصِيّث نِّي ن ومْسنْجم نّغ ذ سِيذِيثْنغ يعْنِي ثنِّي إِي ذَاوم د يمُّوْشن س ؤُقمُّوْم ن اَرُّسُل نْوم.

1 يوحنا 1:2

ثُوْسَا-د ثُوْذَارْث ثْمظْهَار-د، نشِّين نْࢲر-يت نشْهذ خَاس. نتْبشَّار-يكنِّيو س ثُوْذَارْث-أَ وَار يفنِّين شَا عمَّارْص. تُوْغَا ثدْجَا ذِنِّي اَك بَابَاس سّنِّي ثْمظْهَار-اَنغ-د.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.

لواحي ن يوحنا 18:1

منْبَعْد إِ مَانَايَا ࢲْرِيغ يجّن ن لْمَلَاك نّغْنِي يهْوَا-د زݣ وجنَّا غَارس سُّلْطَا ذ ثَمقّْرَانْت. ثْشعْشع ثْمُوْرْث س نُّوْر ن لْعَظَمَا ن لْمَلَاك نِّي.

لواحي ن يوحنا 2:7

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن اَذَاس ؤُشغ اَذ يشّ زِي ثْشجَّارْث ن ثُوْذَارث إِي يدْجَان ذِي جّنّث ن أَربِّـي.

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.

لواحي ن يوحنا 22:14

سَّعْذ ن يِنِّي يتْصبَّانن يتْشَامِّيرن نْسن، حمَا اَغَارْسن يِيڒِي ڒْحَقّ ذِي ثْشجَّارْث ن ثُوْذَارْث اَذ اَذْفن ثَنْدِينْت زِي ثوُّوْرَا نّس.

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!