2 أيث-سلونيك 2:16 - ثريفيث 2020

^16-17 سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

2 أيث-سلونيك 2:16 Σταυροειδείς Αναφορές

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

يوحنا 13:1

قْبڒ إِ ڒْعِيذ اَمقّْرَان، نتَّا عِيْسَى يسّن قَا ڒْوقْث نّس ثُوْوض-د اَذ يمُوْتِّي زِي دُّنشْت-أَ غَار بَابَاس. نتَّا يحِبّ يِنِّي يدْجَان اَكِذس ذِي دُّنشْت، ئِحِبّ-يثن اَڒ ونݣَّارُو.

يوحنا 15:13

وَار ذِنِّي بُو ڒمْحِبّث كْتَار زِي ثنِّي ن بْنَاذم اَذ يصدّق ثُوْذَارْث نّس عْلَاحْسَاب يمدُّوْكَاڒ نّس.

يوحنا 15:9

نش تْحِبِّيغ-كنِّيو اَمشْنَاو مَامش ذَايِي يتْحِبَّا بَابَا. إِڒِيث ذِي ڒمْحِبّث ينُو.

يوحنا 16:22

ؤُڒَا ذ كنِّيو ذَايْوم ڒحْڒِيق ڒخُّو، وَلَكِن اَكنِّيو ࢲرغ عَاوذ. ڒخْدّنِّي اَذ تْفَرْحم س وُوْڒَاون نْوم، وَار ذَاوم يتكّس ڒفْرَاحث نْوم حَدّ.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

ڒخذايم 15:11

نشِّين مِين نْتَامن؟ نْتَامن بلِّي نشِّين أَ ننْجم س اَرْضَا ن سِيذِيثْنغ عِيْسَى مَامّش غَا نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل."

ڒخذايم 18:27

وَامِي يخس أَپُـوْلُوْس اَذ يسَفَر غَار لْإِقْلِيم ن ؤُخَايَا، شجّْعن-ث اَيثْمَاس ؤُرِين-اَسن يجّن ن ثبْرَات إِ يمحْضَارن نِّي ن ذِنِّي بَاش اَزَّايس رحْبن. وَامِي يُوْوض غَار لْإِقْلِيم نِّي يعَاون اَطَّاس يِنِّي يُوْمْنن س اَرْضَا ن أَربِّـي.

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 4:16

س مَانَاينِّي ڒْعَهذ-أَ يبْنَا خ لإِيمَان وَاحْذس: حمَا ڒْعَهذ-أَ اَذ د يَاس زِي اَرْضَا نّس، حمَا اَث يضْمن أَربِّـي إِ مَارَّا دُّوْرِّيث ن بْرَاهِيم. أُو مَاشِي غِير ونِّي يذفَّارن شَّرِيعَا ن مُوْسَى؛ لَّا، ؤُڒَا ذ ونِّي يشَرّْشن ذِي لإِيمَان ن بْرَاهِيم. نتَّا ذ جدِّيثْنغ مَارَّا.

أيث-روما 4:4

فَا ونِّي غَا يݣّن شَان ڒْخذْمث، مَا يسْذَاهدْج اَخَاس يتْوَاخدْجس نِغ لَّا؟ وَاه، مَانَايَا ذ تخْڒِيسث نّس مَاشِي ذ كَادُو.

أيث-روما 5:8

وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 5:25

آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 1:5

لْإِيمَان-أَ ذ ڒمْحِبّث-أَ تَاسن-د زِي لْأَمَال نِّي يتْوَاخمّْڒن إِ كنِّيو ذݣ وجنَّا. تُوْغَا ثسْڒِيم خَاس ذݣ وَاوَاڒ ن ڒْحَقّ يعْنِي ذِي لْإِنْجِيل إِي غَارْوم د يُوْضن. ذِي مَارَّا دُّنشْت-أَ لْإِنْجِيل-أَ يتَارو يتمْغَار، مَامش عَاوذ يخدّم جَارَاوم زݣ وَامِي إِي ذَاس ثسْڒِيم ثْفهّْمم ذ صَّح اَرْضَا ن أَربِّـي.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 3:11

أَذَانغ يرْزم أَربِّـي بَابَاثْنغ اَبْرِيذ غَارْوم نتَّا س يِيخف نّس اَك سِيذِيثْنغ عِيْسَى.

2 أيث-سلونيك 2:13

فَا آي أَيثْمَا إِي خف يعِيزّ سِيذِيثْنغ، لَابُد أَ نْشكَّر أَربِّـي خَاوم مِينْزِي يخْضَر-يكنِّيو ذ يمزْوُوْرَا نِّي يعْنِي ذ يِنِّي إِي تْوَاسْنجْمن س ڒْخذْمث نِّي يسِّيصْفَان ن أَرُّوْح يقدّْسن ذ يِجّن تِّقث نْوم ذِي لْحَقِيقَا.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.

لواحي ن يوحنا 1:5

أُو عَاوذ اَكِذْوم يِيڒِي اَرْضَا زِي عِيْسَى لْمَسِيح نتَّا ذ شَّاهذ ذَايس ڒَامَان. نتَّا إِي د يخڒْقن ذ اَمزْوَارُو ن يِنِّي إِي د يتكَّرن زِي ڒْموْث، ذ نتَّا إِݣ يحكّْمن خ يزدْجِيذن ن ثْمُوْرْث. ئِحِبّ-اَنغ، ئِفكّ-اَنغ زِي ڒْمُعْصِيَاث نّغ س يذَامّن نّس.

لواحي ن يوحنا 22:5

زِي سّنِّي اَڒ ثْسَاونْت وَار ذِنِّي تِيڒِي بُو دْجِيڒث، وَار تحْذِيجِين شَا ثْفَاوْث ن ڒفْنَار نِغ ذ ثْفَاوْث ن ثْفُوْشْت ڒَاحقَّاش سِيذِي أَربِّـي نتَّا اَخَاسن يݣّ ثْفَاوْث نّس. أَذ حكْمن إِ ڒبْدَا ن ڒبْدَاث.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.