2 أيث-سلونيك 1:7 - ثريفيث 2020

⁷ أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 أيث-سلونيك 1:7 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:28

أَقَا تسْڒَام ڒْحَقّ: ڒبْعَاض زݣ يِنِّي يدْجَان ذَا اَكِذِي وَار تْمتِّين شَا اَڒ غَا ࢲرن مِّيس ن بْنَاذم يُوْسَا-د ذِي ڒْمُلْك نّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

أَسڒْمذ ن سِيذِيثْنغ عِيْسَى لْكِتَاب ن مَتَّى 26:64

ينَّا-ٱس عِيْسَى: "أَقَا ثنِّيذ-ث شك. إِنَّمَا، أَقَا قَّارغ-اَوم: زِي سَّا اَڒ ثْسَاونْت اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو ن وجنَّا."

مرقس 14:62

ينَّا-ٱس عِيْسَى: "وَاه، ذ نّش. كنِّيو اَذ تࢲرم مِّيس ن بْنَاذم يقِّيم خ وفُوْسِي ن لْقَوِي. أَث ثࢲرم عَاوذ يهوَّا-د اَك وسيْنُو وجنَّا."

مرقس 8:38

ونِّي خَافِي غَا يعفَّرن نش نِغ اَذ يعفَّر خ وَاوَاڒ ينُو ذِي زْمَان-أَ اَعفَّان يخدّْعن أَربِّـي، أَتَاف اَخَاس يعفَّر مِّيس ن بْنَاذم خْمِي د غَا يَاس س لْعَظَمَا ن بَابَاس اَك لْمَلَائِكَاث يقدّْسن.

لوقا 16:25

ينَّا-ٱس بْرَاهِيم: عْقڒ آ مِّي ينُو، شك ثيْسِيذ ڒْحَقّ نّش زِي ڒْخِير ذِي ثُوْذَارْث نّش، لِعَازَر يعِيش مْعَادّب. ڒخُّو نتَّا اَقَاث ذَا مْلِيح، شك اَقَّاش ذِي ڒَعْدَاب.

لوقا 17:30

أَمنِّي إِي غَا يوقْعن ذِي نْهَار نِّي إِي ذِي د غَا يمظْهَار مِّيس ن بْنَاذم.

يوحنا 1:3

زَّايس إِي د يخْڒق أَربِّـي مَارَّا، أُو بْڒَا اَوَاڒ نِّي وَار تِيڒِي ؤُڒَا ذ يجّن ن ثْمسْڒَايْث زِي مِين د يخْڒق.

يوحنا 1:51

أَقَا تسْڒَام ڒْحَقّ: أَذ تࢲرم اَجنَّا ينُوْرْزم، لْمَالَائِكَاث ن أَربِّـي تَاڒِينْت هوَّانْت-يد خ مِّيس ن بْنَاذم."

ڒخذايم 1:11

نَّان-اَسن: "آي يرْيَازن ن ثْمُوْرْث ن لْجَلِيل، مَايمِّي عَاذ ثْبدّم ذَانِيتَا تْخزَّرم ذݣ وجنَّا؟ قَا عِيْسَى-يَا وَانِيتَا إِي ذَاوم يتْوَارْفْعن غَار وجنَّا، مَامّش ث ثࢲْرِيم يݣَعّذ غَار وجنَّا اَمنِّي إِي د غَا يذْوڒ."

ڒخذايم 3:19

س مَانَايَا تُوْبث، ذوْڒث غَار أَربِّـي حمَا اَذ تْوَاكّْسنْت ڒْمُعْصِيَاث نْوم. حمَا اَذ د تَاس ثْسَعَّات ن لْفَرَج زِي سِيذِي أَربِّـي، أَذ د يسّكّ لْمَسِيح إِي تُوْغَا ذَاوم يتْوَاخْضَرن زِي قْبڒ يعْنِي عِيْسَى.

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-ؤفسوس 1:2

أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-كولوس 1:16

زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

2 تيموتاوس 2:12

مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 10:27

لَّا، نشِّين غِير نتْرَاجَا يجّن ن لْحِسَاب ذ لْعِقَاب س ثِيݣّْوْذِي ذ يِجّن ن ثْمسِّي ثْحدّق اَذ تشّ ڒْعَذْيَان ن أَربِّـي.

يعيبرانيين 12:29

مِينْزِي أَربِّـي نّغ نتَّا ذ يجّن ن ثْمسِّي يسْحَرَّاقن.

يعيبرانيين 4:1

إِذن فَا عَاذ نْزمَّر أَ نَاذف ذِي اَرَّاحث ن سِيذِي أَربِّـي مِينْزِي ذَانغ يوْعذ. وَا لَابُد أَ نݣّْوذ بَاش وَار يتْغِيمِي ؤُڒَا ذ يجّن زَّايْوم وَار ذِنِّي د يخطّڒ.

يعيبرانيين 4:11

إِذن وَا لَابُد أَ نݣّ لْمجْهُوْد نّغ بَاش أَ نَاذف ذِي اَرَّاحث نِّي حمَا ؤُڒَا ذ يجّن وَار يوطِّي ذِي نّفْس ن ڒْمُعْصِيّث.

يعيبرانيين 4:9

فَلِهَذَا عَاذ يقِّيم يجّن ن سّبْث، يعْنِي ذ يجّن ن ڒْوقْث ن اَرَّاحث إِ شَّعْب ن أَربِّـي.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 14:10

أَتَاف اَذ يسو زݣ وَامَان ؤُضِيڒ يقسْحن إِݣ يدْجَان ذ اَغْضَب ن أَربِّـي يعْنِي ذ ڒْكَاس ن لْعِقَاب نّس. أَذ يعدّب س ثْمسِّي ذ ڒكْبْرِيْيث زَّاث إِ لْمَلَائِكَاث يصْفَان ذ يِزْمَار.

لواحي ن يوحنا 14:13

سْڒِيغ إِ يِجّن ن ثْمِيجَّا زݣ وجنَّا ثقَّار: "أَرِي مَانَايَا: سَّعْذ ن يمتِّينن إِي غَا يمّْثن سَّا اَڒ ثْسَاونْت ؤُمْنن زِي سِيذِيثْنغ." أَرُّوْح ن أَربِّـي يقَّار: "وَاه، حمَا اَذ ريّْحن زِي تَمَارَا نْسن ڒَاحقَّاش ذفَّارنْت-ثن لْحَسَانَات نْسن."

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."

لواحي ن يوحنا 22:9

ينَّا-ٱيِي: "لَّا! قَا نش ذ ڒْعَبْذ، أَم نش اَم شك اَم أَيثْمَاش لْأَنْبِيَا ذ مَارَّا يِنِّي يتݣّن اَرَّاي إِ وَاوَاڒن ن لْكِتَاب-أَ. سجّذ-اَس إِ أَربِّـي."

لواحي ن يوحنا 6:11

ثُمَّا يمُّوْش-اَسن مَارَّا ئِج-يج، تْشَامِّير ذ اَشمْڒَاڒ يتْوَانَّا-يَاسن عَاذ اَذ تصْبَرم شْوَايْت اَڒ غَا يتْوَاكمّڒ لْعَدَد نِيشَان ن اَيثْمَاثْوم إِي غَا يتْوَانْغن اَمشْنَاو كنِّيو، يعْنِي يِنِّي إِي يعبّْذن اَم كنِّيو.