2 بطرس 3:7 - ثريفيث 2020

⁷ ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

2 بطرس 3:7 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:15

أَقَا تسْڒَام ڒْحَقّ: ذِي يُوْم لْحِسَاب ذ لْعِقَاب اَذ يِيڒِي لْعِقَاب ن ثنْدِينْت نِّي كْتَار زِي لْعِقَاب ن ثنْدِينْت ثَعفَّانْت ن سَادُوْم ذ ثنْدِينْت ثَعفَّانْت ن عَمُّوْرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:22

خ مَانَاينِّي اَذَاوم ينِيغ: أَقَا ثِندَّام ثِعفَّانِين نِّي ن صُوْر ذ صَيْدَا اَذ يڒِينْت حْسن زَّايْوم ذِي يُوْم لْحِسَاب ذ لْعِقَاب.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:24

خ مَانَاينِّي اَذَاوم ينِيغ: أَقَا ثَنْدِينْت ثَعفَّانْت نِّي ن سَادُوْم اَذ تِيڒِي حْسن زَّايش ذِي يُوْم لْحِسَاب ذ لْعِقَاب!"

أَسڒْمذ ن سِيذِيثْنغ عِيْسَى لْكِتَاب ن مَتَّى 12:36

أَذَاوم ينِيغ: أَقَا يُوْم لْحِسَاب ذ لْعِقَاب اَذ تْوَاحَاسْبن يِوْذَان خ مْكُڒ اَوَاڒ يخْوَان إِي سِّيوْڒن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:35

أَذ يفْنَا وجنَّا ذ ثْمُوْرْث، وَلَكِن اَوَاڒن ينُو وَار فنِّين شَا عمَّارْص.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:41

ڒخْدّنِّي يِنِّي يدْجَان خ وࢲڒْمَاض اَذَاسن يِينِي ؤُزدْجِيذ: آ يِنِّي ينْعڒ أَربِّـي بعّْذم خَافِي! رُوْحم غَار ثْمسِّي إِي وَار يخسِّين عمَّارْص، ئِسْوجْذن إِ شِّيطَان ذ شَّيَاطِين نّس!

مرقس 6:11

مڒَا وَار كنِّيو قْبِيڒن شَا ذِي شَان ومْشَان نِغ وَار خْسن شَا اَغَارْوم صنّْطن، فّْغم سّنِّي مسْحث ثَعجَّاشْت زݣ يضَارن نْوم اَم شَا ن شْهَاذث خَاسن."

يوحنا 12:48

ونِّي إِي ذَايِي يتْعيَّابن نتَّا وَار يقبّڒ شَا اَوَاڒ ينُو، أَتَاف غَارس وِي ث غَا يحَاسْبن. أَوَاڒَ-أَ إِي نِّيغ ذ ونِّي إِي ث غَا يحَاسْبن ذِي نْهَار اَنݣَّارُو.

أيث-روما 2:5

وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.

أيث-فيليـپـي 1:28

عَاوذ وَار تݣّْوْذم شَا قَاع زݣ يِنِّي إِي ذَاوم يتْعَارَّاضن. مَانَايَا إِي تݣّم اَغَارْسن ثِيڒِي ذ يجّن ن لْعَلَامَا إِي د يسْبيَّانن مْلِيح نِثْنِي اَذ فْنَان كنِّيو اَذ تْنجْمم. مَارَّا مَانَايَا اَذ د يَاس زِي أَربِّـي.

2 أيث-سلونيك 2:3

لَّا، وَار تجَّام حَدّ اَكنِّيو يشْمث س وَالُو. أَتَاف وَار يزمَّر يُوْم نِّي اَذ د يَاس قْبڒ مَا ٱذ سمْحن اَطَّاس اَطَّاس ن يِوْذَان ذ اَمزْوَارُو ذِي أَربِّـي اَذ د يمظْهَار لْمسْخُوْط مِّيس ن ڒفْنَا.

1 تيموتاوس 6:9

يِنِّي يرزُّوْن اَذ يڒِين ذ تْوَاجَر اَتَاف اَذ تْوَاغَرَّان اَذ وْضَان ذݣ يِجّن ن ثخْشبْث ذ وَاطَّاس ن شّهَاوَاث إِݣ يسْبُوْهْڒُوْين إِݣ يسفْشَاذن إِݣ يسْغرَّاقن يرْيَازن ذِي اَرّْوِينَا ذ ڒفْنَا.

يعيبرانيين 12:29

مِينْزِي أَربِّـي نّغ نتَّا ذ يجّن ن ثْمسِّي يسْحَرَّاقن.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

2 بطرس 3:10

وَلَكِن يُوْم ن سِيذِيثْنغ اَذ د يَاس اَم د يُوْسَا يجّن ن وشفَّار. أُوْشَا يجنَّاثن اَذ ودَّرن س يِجّن ن سّْدَع ذ اَمقّْرَان يݣَّا اَم ثْمسِّي يسْحَرَّاقن، ذ مَارَّا يثْرَان ذ ثْزِيرِي اَذ تْوَاسْشمْضن اَذ فْتُوْتّْسن، أَذ تخْڒَا ثْمُوْرْث-أَ ذ مَارَّا مِين ذَايس يتْوَاݣّن.

2 بطرس 3:12

خْمِي تْرَاجَام إِ لْيُوْم ن أَربِّـي اَث تْسݣُّوْرم بَاش ذغْيَا اَذ د يَاس. نْهَار نِّي اَذ د يَاوِي ڒفْنَا ن يجنَّاثن س ثْمسِّي، أَذ تْوَامْحَان مَارَّا يثْرَان ذ ثْزِيرِي اَذ فسْين خْمِي غَا تْوَاسْشمْضن.

1 يوحنا 4:17

أَمُّو إِي ثجِّيون زَّايْنغ ڒمْحِبّث نّس حمَا اَغَارْنغ ثِيڒِي يجّن ن زْعَامث ذِي يُوْم لْحِسَاب ذ لْعِقَاب. ڒَاحقَّاش ذِي دُّنشْت-أَ اَم عِيْسَى اَم نشِّين.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

لواحي ن يوحنا 17:11

ڒْوَحْش نِّي إِي تُوْغَا يدْجَان، ڒخُّو وَار يدْجِي شَا، نتَّا ذ وِيس ثْمنْيَا نتَّا عَاوذ ذ يجّن زِي سبْعَا نِّي قَا يݣُّوْر اَذ يتْوَاهْذم.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.

لواحي ن يوحنا 20:11

ࢲْرِيغ يجّن ن لْعَرْش ذ اَشمْڒَاڒ ذ اَمقّْرَان. ونِّي خَاس يقِّيمن ثَرْوڒ زَّايس ثْمُوْرْث ذ وجنَّا وَار ذَاسن يقِّيم بُو ومْشَان.

لواحي ن يوحنا 21:1

ࢲْرِيغ يجّن ن وجنَّا ذ جْذِيذ ذ يجّن ن ثْمُوْرْث ذ جْذِيذ، ڒَاحقَّاش اَجنَّا اَمزْوَارُو ذ ثْمُوْرْث ثَمزْوَارُوْت صَافِي تْوَاكّْسن، ڒبْحَر وَار يقِّيم شَا.