2 بطرس 3:16 - ثريفيث 2020

¹⁶ ئِتَارِي مَانَايَا ذِي مَارَّا ثِبْرَاثِين نّس يسَّاوَاڒ خ ثْمسْڒَايِين-أَ. ذِي ثبْرَاثِين نّس ذِنِّي شَا ن ثْمسْڒَايِين قسْحنْت اَثنْت ثْفهْمم. ثِمسْڒَايِين نِّي سْعوَّاجن-ثنْت شَان يِوْذَان يقفْڒن وَار تجْهِيذن شَا ذِي لْإِيمَان نْسن، وَا اَمنِّي عَاوذ إِي تݣّن إِ لْكُتُب نّغْنِي. سْخدَّامن مَانَايَا إِ ڒفْنَا نْسن.

2 بطرس 3:16 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 15:3

ئِنْدق-د عِيْسَى ينَّا-ٱسن: "إِيوَا مَايمِّي كنِّيو ثْبطَّاڒم ڒُوْصِيّث ن أَربِّـي حمَا اَذ تسْخذْمم لْعَادَاث نْوم؟

أَسڒْمذ ن سِيذِيثْنغ عِيْسَى لْكِتَاب ن مَتَّى 22:29

ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

يعيبرانيين 5:11

عَاذ نْزمَّر أَ نِينِي اَطَّاس خ ثْمسْڒَايِين-أَ وَلَكِن يقْسح اَكنِّيو نْسفْهم. مَايمِّي؟ لِأَنَّا كنِّيو ثْذقْڒم اَذ تْفهْمم.

ثبرات غار يعقوب 1:8

ئِتْشكَّا، كُڒ ڒَعْقڒ نّس مِين ذَاس يقَّار منْبَعْد يتْذوَّاخ ذݣ يبْرِيذن نّس مَارَّا.

1 بطرس 1:1

نش ذ بُطْرُس ذ اَرَّسُوْل ن عِيْسَى لْمَسِيح. تْسكِّيغ-د ثَبْرَات-أَ إِ يِنِّي إِݣ يخْضَر أَربِّـي إِي يدْجَان ذ يعزَّابن يتمْزدْجَاعن ذِي لْإِقْلِيم ن پُـنْطُس ذ لْإِقْلِيم ن ݣَلَاطْيَا ذ لْإِقْلِيم ن كَفَدُوْسْيَا ذ لْإِقْلِيم ن آسْيَا ذ لْإِقْلِيم ن بِـيْثَانْيَا.

1 بطرس 2:8

أُو عَاوذ يقَّار: <ئِج ن تِّيرْشث إِي ذِي تنْقْڒَاضن يِوْذَان، ذ يجّن ن وزْرُو إِي ثن يغطّْڒن.> قَا تنْقْڒَاضن ذَايس مِينْزِي عصَّان اَوَاڒ نّس، أَمنِّي إِي خَاسن يُوْرَا.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

2 بطرس 2:14

ثِيطَّاوِين نْسن غِير خزَّرنْت ذِي زّْنَا، وَار تْجِيْوِيننْت شَا س ڒْمُعْصِيَاث. نِثْنِي تْحدْجَاقن-د يِنِّي وَار يتجْهِيذن شَا ذِي لْإِيمَان، ؤُوْڒَاون نْسن تْرِينَارن ذِي طّْمَع. نِثْنِي ذ ثَارْوَا ن نَّعْڒث.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

2 بطرس 3:2

خْسغ اَذ تْعقْڒم خ وَاوَاڒن نِّي تُوْغَا نَّان ذِي زْمَان لْأَنْبِيَا صَّالِحِين؛ خْسغ اَذ تْعقْڒم عَاوذ خ ڒُوْصِيّث نِّي ن ومْسنْجم نّغ ذ سِيذِيثْنغ يعْنِي ثنِّي إِي ذَاوم د يمُّوْشن س ؤُقمُّوْم ن اَرُّسُل نْوم.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.