2 بطرس 2:2 - ثريفيث 2020

² أَطَّاس إِي غَا يقلّْدن ڒقْبَاحث نْسن. خ سَّبَاب-أَ وَانِيتَان يوْذَان اَذ زبّْڒن ذݣ وبْرِيذ ن لْحَقِيقَا.

2 بطرس 2:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 22:16

سّكّن غَارس شَان يمحْضَارن نْسن اَك شَان يِوْذَان زِي ڒْحِزب ن وزدْجِيذ هِيرُوْدُس اَذَاس ينِين: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:14

وَلَكِن ثَوَّارْث يحْصَرن ذ وبْرِيذ يقسْحن نِثْنِي تَاوْين غَار ثُوْذَارْث. ذْرُوْس إِي غَا يعْذُوْن سّنِّي.

مرقس 12:14

وَامِي د ؤُسِين غَار عِيْسَى نَّان-اَس: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش. إِنِي-يَانغ: مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟ مَا ذَاس ت نْخدْجس نِغ لَّا؟"

مرقس 13:22

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن إِڒِي خذْعن ؤُڒَا ذ يِنِّي يخْضَر أَربِّـي.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

ڒخذايم 13:10

ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟

ڒخذايم 14:2

وَلَكِن يسْرَائِيلِيْين إِي يُوْݣِين اَذ اَمْنن سَامَرن يِنِّي وَار يدْجِين شَا زِي أَيث-إِسْرَائِيل خ اَيثْمَاثْنغ، عمَّرن-اَسن اَزدْجِيف.

ڒخذايم 16:17

تْبَاع-اَنغ-د نشِّين ذ بُوْلُس تْعيَّاض ثقَّار قَا يرْيَازن-أَ عبّْذن أَربِّـي يُوْعْڒَان، تْبشَّارن-كنِّيو س وبْرِيذ إِي زِي غَا ثْنجْمم!

ڒخذايم 18:26

ئِبْذَا يسَّاوَاڒ ذِي ثمْزِيذَا ن أَيث-إِسْرَائِيل س زْعَامث. سْڒِين-اَس پْـرِسْكِيلا ذ وَاكِيلَاس، ؤُوِين-ث اَكِذْسن غَار ثدَّارْث نْسن بْذَان سْفهَّامن-ث حْسن خ وبْرِيذ ن أَربِّـي.

ڒخذايم 19:9

ڒبْعَاض زَّايْسن طّْفن اَكِذس ثَغنَّانْت ؤُݣِين اَذ اَمْنن، تُوْكَّارن ذِي تَّعْلِيم ن سِيذِيثْنغ زَّاث إِ يِوْذَان. سّنِّي يفّغ-د بُوْلُس زِي ثمْزِيذَا نِّي يُوْوِي اَكِذس يمحْضَارن نّس، كُڒ نْهَار يسڒْمَاذ-يثن ذِي لْمَرْكز ن تِيرَانُّوْس.

ڒخذايم 22:4

نش تُوْغَا تْعدَّابغ يِنِّي يذْفَارن اَبْرِيذ-أَ حتَّا وَامِي مُّوْثن. طّْفغ يرْيَازن ذ ثمْغَارِين ݣِّيغ-ثن ذِي ڒحْبس.

ڒخذايم 24:14

وَلَكِن قَّارغ-اَش نش تَعْتَرَافغ زَّاثش عبّْذغ أَربِّـي ن ڒجْذُوْذ نّغ عْلَاحْسَاب اَبْرِيذ-أَ إِي حسّْبن نِثْنِي زَعْمَا ذ لْبِدْعَا. تَامْنغ س مَارَّا مِين يتَافَاقن اَك شَّرِيعَا ذ مِين د يُوْرِين ذِي لْكُتُب ن لْأَنْبِيَا.

أيث-روما 2:24

أَقَا مَامّش يقَّار لْكِتَاب: <آي أَيث-إِسْرَائِيل، خ سَّبَاب نْوم مِينْزِي قَّارن اَوَاڒن وَار يحْڒِين خ يِيسم ن أَربِّـي يِنِّي وَار يدْجِين شَا زِي أَيث-إِسْرَائِيل.>

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

ثبرات غار تيتوس 2:5

اَذ حكْمنْت خ ثْنفْسِيث نْسنْت اَذ يڒِينْت صْفَانْت، أَذ ݣّنْت شّْغڒ ذِي ثدَّارْث نْسنْت، أَغَارْسنْت يِيڒِي وُوْڒ ذ اَشمْڒَاڒ، أَذ طَاعنْت إِ يرْيَازن نْسنْت حمَا اَوَاڒ ن أَربِّـي وَار يتْوَاعيِّيب شَا.

ثبرات غار تيتوس 2:8

ذ يِجّن ن وَاوَاڒ ذ صَّح وَار ذَايس بُو ڒْعِيب. أَمُّو اَش سذْحَان يِنِّي ذَاش يتْعَارَّاضن مِنْزِي وَار غَارْسن مِين خَانغ غَا ينِين.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:15

فّْغن اَبْرِيذ نِيْشَان ودَّرن، طّْفن اَبْرِيذ ن نَّبِي بَلْعَام مِّس ن بِعُوْر نتَّا تُوْغَا يتعْجِيب-اَس تْخَاڒُوْس ن شَّرّْ.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

2 بطرس 2:21

مَعْلِيك تُوْغَا عمَّارْص وَار سِّينن شَا ڒُوْصِيّث نِّي ن ڒْحَقّ إِڒِي حْسن زِي مڒَا سّْنن-ت، سّنِّي سمْحن ذِي ڒُوْصِيّث-أَ ثَمْقدّسْت إِي ذَاسن د يمُّوْشن زِي قْبڒ.

2 بطرس 2:7

ئِسنْجم أَربِّـي غِير لُوْط نتَّا ذ يجّن ن بْنَاذم إِي يدْجَان نِيْشَان ثسْخيَّاق-يث ڒقْبَاحث ن لْمُفْسِدِين.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!

ثبرات زي يهوذا 1:15

أَذ يحَاسب مَارَّا يوْذَان. مَارَّا يِنِّي يعصَّان اَذَاسن د يسْمظْهَار مَارَّا ڒفْعَايڒ نْسن ثِعفَّانِين إِي ݣِّين ذݣ ؤُبْرِيذ نْسن اَعفَّان، أَذ سّْنن عَاوذ مَارَّا اَوَاڒن نِّي وَار يحْڒِين إِي خَاس نَّان يِنِّي يعصَّان وَار ذفَّارن شَا أَربِّـي."

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

ثبرات زي يهوذا 1:7

أَمُّو عَاوذ إِي ݣِّين يمزْذَاغ ذِي ثنْدِينْت نِّي ن سَادُوْم ذ ثنْدِينْت نِّي ن عَمْمُوْرَا ذ يبِيلَاجن نِّي إِي ذَاسنْت-يد ينّضن. سلّْمن يخف نْسن إِ لْفَسَاد ذ شّهْوث نِّي مَاشِي طَّبِيعِي. يعْنِي نِثْنِي يݣِّي-ثن أَربِّي ذ لْعِبْرَا، تْوَاعَاقْبن س يِجّن ن لْعِقَاب ن ثْمسِّي وَار يفنِّين شَا عمَّارْص.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.