2 بطرس 2:10 - ثريفيث 2020

¹⁰ خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

2 بطرس 2:10 Σταυροειδείς Αναφορές

لوقا 11:25

سّنِّي اَغَارس يذْوڒ اَت يَاف ثعْذڒ، ثنْقَا.

لوقا 19:14

وَلَكِن شَّعْب نّس عِيفّن-ث سذْفَارن-اَس شَا ن نُّوْيَاب اَڒ مَانِي غَا يرَاح بَاش اَذ ينِين قَا نشِّين وَار نخْس شَا اَرْيَاز-أَ اَذ يِيڒِي ذ اَزدْجِيذ خَانغ.

ڒخذايم 23:5

ينَّا-ٱسن بُوْلُس: "آي اَيثْمَا، قَا نش وَار ث سِّينغ شَا تُوْغَاث ذ اَرَّايس ن ڒْفُقَهَا مِنْزِي لْكِتَاب يقَّار: <أَرَّايس ن شَّعْب، وَار ذَايس قَّار بُو ڒْعِيب.>"

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

22 أيث-كورينث 10:3

ذ صَّح نتْعِيش اَم بْنَاذم، وَلَكِن وَار نتْحَارِيب شَا اَم بْنَاذم.

أيث-ؤفسوس 4:19

فلّْسن قَاع ذفَّارن شّهْوث نْسن أُو صَافِي، ذَايْسن يجّن ن زْعَامث اَذ سْخذْمن إِ كُڒ نُّوْع ن مِين يسخْنِيزن.

أيث-ؤفسوس 5:5

لِأَنَّا ونِّي يتݣّن لْفَسَاد نِغ ذ مِين يسخْنِيزن نِغ ذ مِين يسظْمَاعن، يعْنِي نتَّا ذ ونِّي يعبّْذن لْأَصْنَام، أَقَا تسّْنم بْڒَا شّكّ بلِّي مَارَّا يِنِّي يتݣّن مَانَايَا وَار غَارْسن بُو لْوَارث ذِي ڒْمُلْك ن لْمَسِيح نِغ ذِي أَربِّـي.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

1 أيث-سلونيك 4:7

مِينْزِي أَربِّـي وَار ذَانغ د يڒَاغِي شَا بَاش أَ نْعِيش ذِي مِين يخنْزن؛ لَّا، ئِڒَاغَا-يَانغ-د أَ نْعِيش ذِي مِين يصْفَان.

2 تيموتاوس 3:2

قَا يوْذَان اَذ تخْسن يخف نْسن، أَذ تخْسن تْمنْيَاث، أَذَايْسن يِيڒِي تَّكبُّر، أَذ سمْغَارن يخف نْسن، أَذ سِّيوْڒن اَوَاڒ وَار يحْڒِين خ أَربِّـي. وَار تْطِيعِين شَا إِ لْوَالِدِين نْسن، وَار تْشكَّرن حَدّ، وَار تِيڒِين شَا صْفَان،

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

2 بطرس 3:3

مِين يدْجَان مُهِم قَاع؟ ئِتْخصَّا أُو لَابُد اَذ تْفهْمم بلِّي ذِي ڒِيَّام نِّي ينݣُّوْرَا اَذ يڒِين مُوْجُوْدِين يوْذَان إِي يضحّْشن خَاوم، أَذ ضحْشن اَذ ذفَارن شّهَاوَاث نْسن أُو صَافِي.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

ثبرات زي يهوذا 1:18

نَّان-اَوم: "ذِي ڒِيَّام نِّي ينݣُّوْرَا اَذ يڒِين مُجُوْدِين يِنِّي يذحّْشن خ يِوْذَان، ذفَّارن شّهَاوَاث نْسن ثِعفَّانِين وَاهَا."

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.