2 بطرس 1:11 - ثريفيث 2020

¹¹ أَتَاف اَذَاوم تْوَاسّوْجذ عَاوذ يجّن ن ثوَّارْث ذ ثَصبْحَانْت غَار ڒْمُلْك نّس وَار يفنِّين شَا ن سِيذِيثْنغ عِيْسَى لْمَسِيح ونِّي إِي ذَانغ يسنْجَامن.

2 بطرس 1:11 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

يوحنا 10:10

نتَّا اَشفَّار يتَاس-د غِير اَذ يَاشَار اَذ ينغ اَذ يهْذم. نش ؤُسِيغ-د حمَا اَغَارْسن ثِيڒِي ثُوْذَارْث نِّي ن ثُوذَارْث بْڒَا ڒقْيَاس.

أيث-روما 2:4

نِغ ثْسحْقَارذ لْحَنَانَا يمْغَارن ن أَربِّـي ذ صّْبَر نّس ذ ڒْخَاضَر إِي غَارس؟ مَا وَار ثْسِّينذ أَربِّـي س لْحَنَانَا نّس يرزُّو اَش د يسْبيّن اَبْرِيذ بَاش اَذ تُوْبذ؟

1 أيث-كورينث 15:24

ثُمَّا اَذ يِيڒِي ڒفْنَا ن دُّنشْت-أَ. لْمَسِيح اَذ يقْضَا خ مَارَّا ڒحْكَام ذ ڒْمخْزن ذ جّْهذ إِݣ يدْجَان، ثُمَّا اَذ يجّ ڒحْكَام نِّي نّس إِ أَربِّـي بَابَاس.

22 أيث-كورينث 5:1

شُوْف، نشِّين نسّن مڒَا يرز وقِيضُوْن-أَ يعْنِي دَّات نّغ ن دُّنشْت-أَ، أَتَاف غَارْنغ يجّن ن ثْزدِّيغْث نّغْنِي زِي أَربِّـي. ثَدَّارْث نِّي وَار يبْنِين شَا س يفَاسّن تْدُوْمَا إِ ڒبْدَا.

أيث-ؤفسوس 3:20

إِيوَا سِيذِي أَربِّـي ذ نتَّا إِي يزمَّرن اَذ يݣّ اَطَّاس س وَاطَّاس زِي مِين ذَاس نْتتَّار نِغ ذ مِين نتْخيَّال عْلَاحْسَاب جّْهذ نّس إِي يخدْمن ذَايْنغ.

1 تيموتاوس 6:17

يِنِّي إِݣ يدْجَان ذ تْوَاجَر ذِي دُّنشْت-أَ إِي ذِي ندْجَا تْوصَّا-ثن بَاش وَار ذَايْسن يتِيڒِي شَا تَّكبُّر بَاش وَار تݣّن شَا لْأَمَال نْسن ذݣ وَاݣْڒَا ذِي وَار ثدْجِي بُو تِّقث. لَّا، أَذ يِيڒِي لْأَمَال نْسن ذِي أَربِّـي ونِّي إِي ذَانغ يتْذبَّرن مَارَّا ثِمسْڒَايِين س ڒْخِير اَزَّايْسنْت نْفَرح.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 6:17

خ مَانَايَا يضْمن أَربِّـي مَانَاينِّي س يِجّن ن ثْجَادْجِيث إِ يِنِّي إِي غَا يوَارْثن مِين زِي ثن يوْعذ. يعْنِي يخس اَذَاسن د يسظْهَار مْلِيح طَّبِيعَا ن لْغَرَض نّس عمَّارْص اَذ تْوَابدّڒ.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 1:5

فَا خ سَّبَاب-أَ وَانِيتَان، ݣّث لْمجْهُوْد نْوم مَارَّا بَاش اَذ تَرْنِيم مِين يدْجَان ذ اَصبْحَان غَار لْإِيمَان نْوم؛ سّنِّي اَرْنِيم ثُوْسْنَا اَك مَانَايَا يدْجَان ذ اَصبْحَان؛

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.

لواحي ن يوحنا 5:10

ثݣِّيذ زَّايْسن يجّن ن لْممْلَكَا ن ڒْفُقَهَا إِ أَربِّـي نّغ، أَذ حكّْمن ذِي ثْمُوْرْث."