22 أيث-كورينث 7:11 - ثريفيث 2020

¹¹ فكَّارث كنِّيو ذِي مِين ذَايْوم د يتَارو وخِيّق-أَ زِي أَربِّـي. يعْنِي مشْحَاڒ تْحَوَاڒم س وُوْڒ ثْرزُّوْم اَذ تْحلّم مَانَايَا ذغْيَا. يعْنِي مشْحَاڒ ثْندْمم مشْحَاڒ ثنْخڒْعم، ذَايْوم يجّن ن مزْڒِي ذ ثِيݣّْوْذِي. يعْنِي مشْحَاڒ ثسْوجْذم اَذ تْحكْمم نِيشَان. مِين مَا يدْجَان ذِي ثْمسْڒَايْث-أَ كنِّيو وَار ذَايْوم بُو ڒْعِيب.

22 أيث-كورينث 7:11 Σταυροειδείς Αναφορές

مرقس 3:5

ئِخْزَر غَارْسن يعصّب، ئِخيّق ڒَاحقَّاش ؤُڒَاون نْسن قسْحن. ينَّا-ٱس إِ ورْيَاز نِّي: "سَرّح فُوْس نّش." يسَرّح-يث أُوْشَا يذْوڒ وفُوْس نّس يݣنْفَا.

يوحنا 2:17

فكَّرن يمحْضَارن نّس مَانَايَا يُوْسَا-د ذِي لْكِتَاب: "أَذ صدّْقغ ثُوْذَارْث ينُو خ ڒمْحِبّث ن ثمْزِيذَا نّش."

ڒخذايم 17:16

بُوْلُس وَامِي تُوْغَا يتْرَاجَا سِيَلَاس ذ تِيْمُوْتَاوُس ذِي ثنْدِينْت نِّي ن ؤُتِينَا يتْوَاڒَا ثَنْدِينْت نِّي ثْعمَّر س لْأَصْنَامَاث وَار ذَاس يعْجِيب بُو ڒْحَاڒ.

أيث-روما 11:20

وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ!

أيث-روما 14:18

ونِّي إِي غَا يخذْمن إِ لْمَسِيح اَمنِّي، أَقَا أَربِّـي يرطَّا خَاس يوْذَان تْشكَّرن-ث.

أيث-روما 3:5

فَا مڒَا ڒْبَاطڒ نّغ إِي نْتݣّ يسْمظْهَار-د ڒْحَقّ ن أَربِّـي، مِين غَا نِينِي؟ (نش سَّاوَاڒغ عْلَاحْسَاب لْفِكْرَا ن بْنَاذم.) أَربِّـي، مَا يضدْجم-اَنغ خْمِي ذَانغ يتْعَاقَاب؟

1 أيث-كورينث 12:25

أَمُّو وَار يدْجِي بُو لْخِلَاف ذِي دَّات، تْهلَّانْت ذݣ وَايْوَايَا كِيف-كِيف.

1 أيث-كورينث 5:13

لْكُفَّار غَار بَارَّا اَخَاسن يحْكم أَربِّـي. صَافِي، مَامّش يقَّار لْكِتَاب: <سُوْفْغث خَاوم بْنَاذم اَعفَّان.>

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

22 أيث-كورينث 13:7

نْتتَّار-اَس إِ أَربِّـي بَاش وَار ثْعصِّيم شَا، مَاشِي بَاش اَذَانغ اَفن يِوْذَان وَار نسْقِيط شَا ذِي تُّهْمَا-يَا إِي خَاوم نْقدّم؛ لَّا، نشِّين نْرزُّو اَذ تݣّم مِين يدْجَان نِيشَان. مڒَا زْغِيڒ-اَسن إِ ڒبْعَاض قَا نسْقط زَعْمَا ذِي تُّهْمَا-يَا إِي خَاوم نْقدّم، إِيوَا مَعْلِيش.

22 أيث-كورينث 2:6

بْنَاذم-أَ، لْعِقَاب نِّي إِي ذَاس ثݣِّيم تقْڒِيبَان مَارَّا إِذْوم، بَرَكَا خَاس.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

22 أيث-كورينث 7:7

أُو مَاشِي غِير وَامِي د يُوْسَا تِيتُوْس، يعَاون-اَنغ أَربِّـي عَاوذ وَامِي تُوْغَا ذَايس تْهِلَّام. ئِخْبَر-اَنغ تِيتُوْس قَا ثْوحّْشم-اَيِي، قَا ثْندْمم ثْرزُّوْم خَافِي اَطَّاس. أَمنِّي ڒفْرَاحث ينُو ثرْنِي كْتَار.

22 أيث-كورينث 7:9

ڒخُّو نش فَرّْحغ. مَاشِي وَامِي ثْخيّْقم؛ لَّا، وَامِي ثْخيّْقم بَاش اَذ تْتُوْبم. ثْخيّْقم يعْنِي يجّن ن وخِيّق زِي أَربِّـي، أَمنِّي وَار كنِّيو ثڒْقِيف ؤُڒَا ذ يجّن ن ثْخسَّارْث زَّايْنغ.

أيث-ؤفسوس 4:26

عصّْبث بْڒَا مَا اَذ تݣّم ڒْمُعْصِيّث. وَار تجَّاث شَا ثْفُوْشْت اَخَاوم ثغْڒِي كنِّيو عَاذ تْعصِّيبم.

أيث-ؤفسوس 5:11

وَار شَرّْشم شَا ذِي ڒخْذَايم ن ثَادْجسْت وَار تَارْونْت شَا، فضْحم-ثنْت.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

1 أيث-سلونيك 4:6

عْلَاحْسَاب مَانَايَا يتْخصَّا لَابُد ؤُڒَا ذ يجّن وَار يضدْجم ؤُمَاس وَار ث يتْغشِّي شَا لِأَنَّا ذ سِيذِيثْنغ إِݣ يتْخدْجَاسن خ مَارَّا ثِمسْڒَايِين-أَ مَامّش ذَاوم ث ننَّا قْبڒ نعْڒم-اَوم خَاس.

1 تيموتاوس 5:20

ئِمقّْرَانن إِݣ يعصَّان نْهَا-ثن شك زَّاث إِ مَارَّا يوْذَان بَاش ينِّي ينّغْنِي اَذ ݣّْوْذن بَعْدَا.

2 تيموتاوس 2:15

اݣّ لْمجْهُوْد نّش بَاش اَذ تْسحْضَارذ يخف نّش غَار أَربِّـي اَم يِجّن غَارس يدْجَان مقْبُوْل، يعْنِي اَم يِجّن ن وخدَّام وَار غَارس مِينْخف إِي غَا يسذْحَا يتْفسَّار نِيْشَان اَوَاڒ ن لْحَقِيقَا.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 4:1

إِذن فَا عَاذ نْزمَّر أَ نَاذف ذِي اَرَّاحث ن سِيذِي أَربِّـي مِينْزِي ذَانغ يوْعذ. وَا لَابُد أَ نݣّْوذ بَاش وَار يتْغِيمِي ؤُڒَا ذ يجّن زَّايْوم وَار ذِنِّي د يخطّڒ.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

1 بطرس 1:17

مڒَا ثقَّارم-اَس "آ بَابَا" إِ ونِّي يتحْسَابن ڒخْذَايم ن كُڒ بْنَاذم بْڒَا ؤُذمَاون اَتَاف يتْخصَّا اَذ تْعِيشم س يِجّن ن ثِيݣّْوْذِي اَخْمِي غَا ثْعزّْبم ذِي ثْمُوْرْث-أَ.

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

ثبرات زي يهوذا 1:23

فكّث ينّغْنِي، جبْذم-ثن-د زِي ثْمسِّي. ئِنّغْنِي سْبِيّْنم-اَسن-د اَرَّاحْمث ثمْخلّط اَك ثِيْݣّْوْذِي يعْنِي اَذ تْعِيفّم ؤُڒَا ذ اَرُّوْض نْسن إِݣ يخنْزن س طَّبِيعَا نْسن ثَعفَّانْت.

لواحي ن يوحنا 3:19

نش تْربِّيغ نهِّيغ مَارَّا ونِّي تْحِبِّيغ. شك لْإِيْمَان نّش سجْهذ-يث، تُوْب.