22 أيث-كورينث 3:7 - ثريفيث 2020

⁷ فَا شَّرِيعَا نِّي ن ڒْموْث، ثِيرَا نّس نقْشنْت ذِي ثڒْوِيحِين ن وزْرُو. شَّرِيعَا نِّي ثُوْسَا-د س يِجّن ن لْعَظَمَا ذ ثَمقّْرَانْت، أَتَاف أَيث-إِسْرَائِيل وَار زمَّرن اَذ قِّيمن خزَّرن ذݣ وغمْبُوْب ن مُوْسَى س لْعَظَمَا نِّي إِي ذَايس يتْشعْشِيْعن وَاخَّا تِيڒِي تْرَاح-اَس لْعَظَمَا نِّي.

22 أيث-كورينث 3:7 Σταυροειδείς Αναφορές

ڒخذايم 6:15

خزَّرن ذَايس ذِي سْتِيفَان مَارَّا يِنِّي إِي ذِنِّي يدْجَان ذِي جْمَاعث ن لْحُكَّام ن أَيث-إِسْرَائِيل، ؤُفِين اَغمْبُوْب نّس اَم وغمْبُوْب ن لْمَلَائِكَا.

أيث-روما 10:4

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 7:10

ثُمَّا ؤُفِيغ ڒُوْصِيّث نِّي إِي د يُوْسِين اَذَايِي ثُوْش ثُوْذَارْث، لَّا، قَا نش ثُوْوِي-يَايِي غَار ڒْموْث.

أيث-روما 7:22

لِأَنَّا ذِي نّفْس ينُو نش فَرْحغ س شَّرِيعَا ن أَربِّـي،

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

1 أيث-كورينث 13:10

مِين يدْجَان قَاع يكْمَاڒ اَذ د يبَان ذَانِيتَا، سّنِّي مِين يدْجَان ذ اَنقْصِي اَذ يودَّر نتَّا.

22 أيث-كورينث 3:3

ثْبَانم-د بلِّي كنِّيو اَم يِجّن ن ثبْرَات زِي لْمَسِيح، نسِّيوض-يت نشِّين. وَار ثُوْرِي شَا س سْمخ، ثُوْرَا س أَرُّوْح ن أَربِّـي يدَّرن. وَار ثنْقِيش شَا ذِي ثڒْوِيحِين ن وزْرُو، ثنْقش ذِي ثڒْوِيحِين ن وُوْڒ ن بْنَاذم.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 3:8

ڒخُّو ڒْعَهذ رُوْحِيَا، لْعَظَمَا نّس كْتَار اَطَّاس زِي شَّرِيعَا نِّي!

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ݣلاطيا 3:21

إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي.

يعيبرانيين 12:18

شُوْف، كنِّيو وَار ثْقَارّْبم شَا غَار يجّن ن وذْرَار إِي غَا تْحَاذَام س وفُوْس ذَايس ثِمسِّي ثْحدّق ذَايس ثَادْجسْت ذَايس ثُوْبَرْشَانْت ذَايس اَرِّيح اَطَّاس.

يعيبرانيين 3:3

شُوْف، عِيْسَى يُوْفِي-ث يسْذَاهدْج لْعَظَمَا كْتَار زِي نَّبِي مُوْسَى مَامّش يدْجَا بَاب ن ثدَّارْث يسْذَاهدْج شَّان كْتَار زِي أَيثْبَاب ن ثدَّارْث نِّي إِي ذِنِّي د يُوْرو.

يعيبرانيين 9:4

ذَايس ڒْمجْمَار ن تْبَخُوْر يشلّل س دّْهب، أُو ذ تَابُوْت ن ڒْعَهذ مَارَّا يغزْذِيسن نّس أُو ذ ثِيسِي نّس شلّْلن س دّْهب. ذِي تَابُوْت-أَ ذَايس اَقْنُوْش يتْوَاصنّع س دّْهب، أَقْنُوْش نِّي ذَايس اَغْرُوْم ؤُمِي قَّارن لْمَنَّا. تَابُوْت-أَ عَاوذ ذَايس ثَغْرِيث ن هَارُوْن ثْنوَّار، ذ ثڒْوِيحِين ن عشْرَا ن ڒُوْصِيَاث.