1 تيموتاوس 6:6 - ثريفيث 2020

⁶ فَا لْإِيمَان إِي ذِي ثدْجَا ڒقْنَاعث نتَّا ذ يجّن ن اَرْبَاح ذ اَمقّْرَان.

1 تيموتاوس 6:6 Σταυροειδείς Αναφορές

لوقا 12:15

ينَّا-ٱسن: "حْضَام يخف نْوم، بعّْذث خ طّْمَع مِينْزِي ثُوْذَارْث ن بْنَاذم وَار تِيڒِي شَا س وَاطَّاس ن وَاݣْڒَا."

لوقا 3:14

عَاوذ سّقْسَان-ث ڒْعَسْكَار نَّان-اَس: "ئِي نشِّين مِين غَا نݣّ؟" ينَّا-ٱسن يَحْيَى: "وَار تْكسِّيم بُو تْمنْيَاث س بسِّيف. وَار زْنُوْزَام حَدّ خ ڒْبَاطڒ. قنْعم س مِين ثْربْحم."

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-فيليـپـي 1:21

مِينْزِي غَارِي لْمَسِيح نتَّا ذ ثُوْذَارْث ينُو، غَارِي ڒْموْث نتَّاث ذ لْجَائِزَا ينُو.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

1 تيموتاوس 6:8

فَلِيهَذَا نشِّين نجِّيْون س مِين غَا نشّ ذ مِين غَا نَرض ذ اَرُّوْض أُو صَافِي.

يعيبرانيين 13:5

أَذ تْعِيشم بْڒَا مَا ٱذ تْحِبّم تْمنْيَاث، أَذ تْقنْعم س مِين غَارْوم. أَربِّـي س يِيخف نّس ينَّا قَا عمَّارْص اَش جّغ، عمَّارْص اَذَايك سمْحغ.