1 تيموتاوس 6:4 - ثريفيث 2020

⁴ اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

1 تيموتاوس 6:4 Σταυροειδείς Αναφορές

ڒخذايم 15:2

ئِرُوْح بُوْلُس ذ بَرْنَابَا تمْنَاقَارن اَك يِنِّي إِي د يُوْسِين زِي يَهُوْذِيَا، ئِوْقع جَارَاسن يجّن ن لْخِلَاف ذ اَمقّْرَان. كَّرن جْمَاعث نِّي ن ڒْمُوْمِنِين ذݣ وَانْطَاكْيَا يخْضَرن بُوْلُس ذ بَرْنَابَا بَاش اَثن سّكّن اَك ڒبْعَاض ن ڒْمُوْمِنِين نْسن غَار ثنْدِينْت ن لْقُدْس بَاش اَذ سّقْسَان اَرُّسُل ذ يمقّْرَانن ن جْمَاعث ن ڒْمُوْمِنِين خ لْخِلَاف-أَ إِݣ يوقْعن. وَامِي سّكّن بُوْلُس ذ بَرْنَابَا غَار لْقُدْس خ وبْرِيذ نْسن عْذُوْن خ فِنِيقِيَا ذ سَمَارْيَا. خبَّرن اَيثْمَاثنغ يدْجَان ذِنِّي خ مَامّش إِݣ ؤُمْنن ؤُڒَا ذ يِنِّي وَار يدْجِين شَا زِي أَيث-إِسْرَائِيل. ڒخْبَار نِّي يسْفَرح-يثن اَطَّاس مَارَّا.

ڒخذايم 18:15

وَلَكِن مَانَايَا ذ لْخِلَاف جَارَاوم كنِّيو ذݣ وَاوَاڒن ذ يِيسمَاون ذ شَّرِيعَا نْوم. حلّم مَانَايَا نِّيث جَارَاوم. بْڒَا مَا ٱذ يڒيِغ نش ذ ڒْقَاضِي خ ثْمسْڒَايِين-أَ جَارَاوم."

ڒخذايم 8:9

ذِنِّي ذِي ثنْدِينْت نِّي يجّن ن وسحَّار قّارن-اَس سِمْعَان مشْحَاڒ زݣ وَامِي يسْخدَّام سّْحُوْر. ئِسذْهَاش مَارَّا يوْذَان ن أَيث-سَمَارْيَا، يَارَّا يخف نّس ذ اَمقّْرَان.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 14:1

فَا ونِّي ؤُمِي يضْعف لإِيمَان نّس قبْڒم-ث جَارَاوم بْڒَا مَا اَكِذس ثْمنْغم خ لْأَفْكَار نّس.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

1 أيث-كورينث 11:16

مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.

1 أيث-كورينث 11:18

ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح.

1 أيث-كورينث 3:18

ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

22 أيث-كورينث 11:20

أَقَا ثْصبَّرم ؤُڒَا ذ يِنِّي إِي كنِّيو يتَارَّان ذ يسمْغَان، ذ يِنِّي إِي كنِّيو يتتّن، ذ يِنِّي إِي خَاوم يتْبُوْصَرن، ذ يِنِّي إِي ذِي يدْجَا تَّكبُّر، ذ يِنِّي إِي كنِّيو يشَّاثن س يسقِّيڒن.

أيث-ݣلاطيا 5:15

وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-فيليـپـي 1:15

ذ صَّح ذِنِّي ڒبْعَاض تْبشَّارن س لْمَسِيح س ڒحْسذ ذ لْعَدَاوَا، أُو ذِنِّي ڒبْعَاض تْبشَّارن نِيشَان س ڒْخَاضَر نْسن.

أيث-فيليـپـي 2:14

ݣّث مَارَّا ثِمسْڒَايِين بْڒَا مَا ٱذ تْشثْشَام بْڒَا مَا ٱذ تْمنْغم.

أيث-فيليـپـي 2:3

وَار تݣّم وَالُو زِي لْأَنَانِيَا نِغ زِي تَّكبُّر. بْڒَا تَّكبُّر وقَّرم ينّغْنِي حْسن زݣ يِيخف نْوم.

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

2 أيث-سلونيك 2:4

نتَّا يتْعَارَّاض إِ أَربِّـي يسمْغَار يخف نّس خ مَارَّا مِينْخف يدْجَا يسم ن أَربِّـي ذ مِين عبّْذن يِوْذَان حتَّا اَذ يقِّيم ذِي ثمْزِيذَا ثَمقّْرَانْت ن أَربِّـي اَذ يعيّض اَذ يِينِي قَا نش ذ أَربِّـي.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 1:7

رزُّوْن اَذ دوْڒن ذ يمْسڒْمَاذن ن شَّرِيعَا، وَلَكِن وَار فهّْمن شَا مِين قَّارن ؤُڒَا ذ مِينْخف تْأَكَّادن اَطَّاس.

1 تيموتاوس 3:6

أَرَّايس-أَ، مَاشِي يَالَّاه إِي يسْڒم اَذ يُوْفّ س تَّكبُّر خ ڒْخذْمث-أَ اَذ يوْضَا ذِي لْعُقُوْبَا نِّي ن إِبْڒِيس.

2 تيموتاوس 2:14

سْفكَّر ڒْمُوْمِنِين خ ثْمسْڒَاِيِين-أَ. عْڒم-اَسن زَّاث إِ أَربِّـي بَاش وَار تْمنْغِين شَا خ وَاوَاڒن. أَمنْغِي نِّي وَار ذَايس وَالُو، غِير اَذ يسُوْفغ زݣ وبْرِيذ يِنِّي يتسْڒَان.

2 تيموتاوس 2:23

أَوْݣّْوج زݣ ؤُمْنَاقَار نِّي إِي ذِي يدْجَا غِير ثُوْبُوْهْڒِيَا ذ ڒقْفَاڒث وَاهَا مِينْزِي ثسّْنذ بلِّي يتَارو غِير اَمنْغِي أُو صَافِي.

2 تيموتاوس 3:4

أَذ زّنْزن اَيثْمَاثْسن، أَذ ݣّن ثِمسْڒَايِين بْڒَا ڒَعْقڒ، أَذ ؤُفّن س نْفَاخث، أَذ حِبّن شهْوث نْسن وَار تْحِبِّين شَا أَربِّـي،

ثبرات غار تيتوس 3:9

وَلَكِن سِيْݣّْوج يخف نّش زݣ يمْنَاقَارن إِي ذِي ثدْجَا غِير ثُوْبُوْهْڒِيَا أُو عَاوذ زِي لْبَحْت نِّي ن ثْشجُّوْرَا ن ڒجْذُوْذ ذ يمنْغِيْون ذ يمْخَرْوَاضن خ شَّرِيعَا لِأَنَّا نِثْنِي ذ ڒْبَاطڒ وَاهَا وَار نفّْعن شَا قَاع.

ثبرات غار يعقوب 1:19

شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

لواحي ن يوحنا 3:17

شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.