1 تيموتاوس 6:2 - ثريفيث 2020

² ئِسمْغَان ؤُمِي غَار يدْجَا اَيثْبَاب نْسن ذ ڒْمُوْمِنِين وَا لَابُد اَذَاسن تْصنَّاطن إِ اَيثْبَاب نْسن مَاشِي اَذَاسن اَݣِين اَذَاسن ينِين لَّا قَا نشِّين ذ اَوْمَاثن. لَّا، أَذَاسن خذْمن كْتَار لِأَنَّا اَيثْبَاب نْسن ذ نِثْنِي إِي غَا يربْحن زِي ڒْخذْمث نِّي أُو نِثْنِي تَامْنن تْوَاعِيزّن. ثِمسْڒَايِين-أَ سڒْمَاذ-يثنْت شك، زيَّار خَاسنْت.

1 تيموتاوس 6:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 23:8

وَلَكِن كنِّيو، وَار تجَّام حَدّ اَذَاوم يڒَاغَا: آ سِيذِيثْنغ. ڒَاحقَّاش كنِّيو مَارَّا ذ اَوْمَاثن غَارْوم يجّن ن سِيذِيثْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:40

أَذ د يَاس وزدْجِيذ اَذَاسن يِينِي: أَقَا تسْڒَام ڒْحَقّ: مِين ثݣِّيم إِ يِجّن ن وُوْمَا ذ اَمزْيَان زݣ أَيثْمَا، ثݣِّيم-اَيِي-ت إِ نش.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:24

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

أيث-روما 11:17

شُوْف، ڒبْعَاض ن ڒفْرُوْع يعْنِي ثِسضْوِين تْوَاقسّنْت زِي ثْزِيتُونْت، سّنِّي شك ثتْوَاڒقّْمذ ذݣ ومْشَان نْسنْت جَار ثِنِّي يقِّيمن وَاخَّا شك ذ اَزمُّوْر، ثْشَرّْشذ ذݣ يࢲوْرَان ن ثْزِيتُونْت ثدَّرذ زَّايْسن.

أيث-روما 8:29

لِأَنَّا يِنِّي إِي تُوْغَا يسّن-يثن زِي قْبڒ، ئِزمّم-يثن زِي قْبڒ حمَا اَذ يڒِين خ صِّيفث ن مِّيس اَذ يڒِين اَم نتَّا. أَمُّو اَذ يِيڒِي نتَّا ذ مِّيس اَمنْزُو ن وَاطَّاس ن أَيثْمَاس.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 1:1

نش ذ بُوْلُس، نش ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي. ؤُرِيغ ثَبْرَات-أَ إِ صَّالِحِين إِي يدْجَان ذِي جْوَايه ن ؤُفَسُوْس إِي يُوْمْنن س عِيْسَى.

أيث-ؤفسوس 1:15

خ مَانَايَا، نش زݣ وَامِي تُوْغَا تسْڒِيغ خ لِإِيمَان نْوم زِي سِيذِيثْنغ عِيْسَى ذ ڒمْحِبّث نْوم إِ مَارَّا صَّالِحِين

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-كولوس 1:2

تَارِيغ ثَبْرَات-أَ إِ وَاوْمَاثن إِي ذِي يدْجَا لْإِيمَان يدْجَان ذ صَّالِحِين ذِي ثنْدِينْت ن كُوْلُوْس. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ.

أيث-كولوس 1:4

لِأَنَّا نتسْڒَا خَاوم خ لْإِيمَان نْوم إِي ذَايْوم خ عِيْسَى لْمَسِيح ذ ڒمْحِبّث نْوم إِي تݣّم إِ صَّالِحِين مَارَّا.

أيث-كولوس 4:1

آي أَيثْبَاب ن يسمْغَان، ذبَّرم خَاسن خ يسمْغَان نْوم س مِين يدْجَان نِيشَان ذ ڒْحَقّ نْسن اَقَا كنِّيو ثسّْنم إِلَّا غَارْوم بَاب نْوم ذݣ وجنَّا.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

1 تيموتاوس 4:11

ثِمسْڒَايِين-أَ تْوصَّا خَاسنْت شك سڒْمَاذ-يثنْت.

1 تيموتاوس 5:1

وَار نهَّا شَا يجّن ن ؤُوسَّار س ڒقْسَاحث؛ لَّا، سِيوڒ اَكِذس اَم بَابَاش. ئِحنْجِيرن اݣّ-يثن اَم اَيثْمَاش.

ثبرات غار تيتوس 2:1

أَمَّا شك، سڒْمَاذ مِين يمُوْنن اَك تَّعْلِيم نِيشَان.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 3:1

آي اَيثْمَا صَّالِحِين، ذ كنِّيو إِي يدْجَان ذ يمْعَشَارن ذݣ ؤُڒَاغِي نِّي إِي د يُوْسِين زݣ وجنَّا. فكَّرث مْلِيح ذِي عِيْسَى، نتَّا ذ اَرَّسُوْل نتَّا ذ ڒفْقِي اَمقّْرَان ن لْإِيمَان إِي خَاس نْشهّذ نشِّين.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

2 بطرس 2:10

خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

ثبرات زي يهوذا 1:8

أَمُّو عَاوذ يثَرَّاسن-أَ. عْلَاحْسَاب ثِيْرْجَا نْسن سخْنَازن دَّات نْسن، نكَّرن سُّلْطَا، قَّارن اَوَاڒن وَار يحْڒِين خ لْمخْلُوْقَاث ن ؤُجنَّا.