1 تيموتاوس 5:8 - ثريفيث 2020

⁸ شُوْف، ونِّي وَار يتْذبِّيرن خ ڒحْبَاب نّس خَاصَّتَان خ لْعَئِلَا نّس اَتَاف نتَّا ينْكَر لْإِيمَان، ونِّي وَار يُوْمِينن قَاع اَتَاف حْسن زَّايس.

1 تيموتاوس 5:8 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 18:17

وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:11

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار. ئِتِيشّ مِين يدْجَان ذ اَصبْحَان إِ يِنِّي ذَاس ث يتتَّارن.

يوحنا 15:22

مَعْلِيك وَار د ؤُسِيغ سِّيوْڒغ اَكِذْسن، أَتَاف وَار غَارسن بُو ڒْمُعْصِيّث. وَلَكِن ڒخُّو وَار غَارْسن بُو لْعُذر خ ڒْمُعْصِيّث نْسن.

1 أيث-كورينث 6:6

وَلَكِن مَاشِي مْلِيح اَوْمَاثن تمْشَرَّاعن اَك وَايَاوْيَا زَّاث إِ يِنِّي وَار يُوْمِينن شَا.

22 أيث-كورينث 12:14

ڒخُّو اَقَايِي وجْذغ اَغَارْوم د اَسغ ذِي زِّيَارَا وِيس ثْڒَاثَا، وَار خَاوم تْبسِّيڒغ شَا، وَار رزُّوْغ شَا خ وَاݣْڒَا نْوم رزُّوْغ خَاوم كنِّيو. ڒَاحقَّاش وَار يتْخصِّي شَا يحنْجِيرن اَذ سْمُوْنن اَݣْڒَا إِ لْوَلِدِين نْسن، ئِتْخصَّا لْوَلِدِين نْسن إِي غَا يسْمُوْنن اَݣْڒَا إِ يحنْجِيرن.

22 أيث-كورينث 6:15

مَا ذِنِّي شَا ن ڒْحَاجث كِيف-كِيف جَار لْمَسِيح ذ إِبْڒِيس؟ لَّا. مَا ذِنِّي شَا ن ڒْحَاجث ثشَرّش جَار ڒْمُوْمن ذ ونِّي وَار يُوْمِينن شَا؟ وَالُو.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

2 تيموتاوس 2:12

مڒَا نصْبَر، أُوْشَا أَ نحْكم اَكِذس. مڒَا ننْكَر-يث، أَوْشَا عَاوذ نتَّا اَذَانغ ينْكَر.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

ثبرات غار تيتوس 1:16

قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

2 بطرس 2:1

إِيوَا زِي زِيش كَّرن شَا ن لْأَنْبِيَا جَار شَّعْب سْنعْمِيڒن وَاهَا. أَمنِّي عَاوذ إِي د غَا كَّرن شَان يمْسڒْمَاذن جَارَاوم زَعْمَا. س ثْنُوْفْرَا يثَرَّاسن-أَ اَذ سِيذْفن تَّعْلِيم ن لْبِدَاع جَارَاوم إِݣ يسْفنَّان وَاهَا. أَذ نْكَرن وَاخَّا ذ سِيذِيثْسن إِي خَاسن يخدْجْسن لْفِدْيَا. يِيْنَا ذغْيَا تَاوِين-د ڒفْنَا خ يِيخف نْسن.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 2:13

نش سّْنغ مَانِي ثْزدّْغذ، ذِنِّي لْعَرْش ن شِّيطَان. شك تطّْفذ ذݣ يِيسم ينُو. وَار ثنْكَرذ شَا لْإِيْمَان إِي زَّايِي ثݣِّيذ، وَاخَّا ذݣ وُوْسَّان نِّي إِي ذِي نْغِين يجّن ن شَّهِيذ ينُو ذَايس ڒَامَان قَّارن-اَس أَنْتِپَـاس. نْغِين-ث زَّاثْوم مَانِي يزدّغ شِّيطَان.

لواحي ن يوحنا 3:8

نش سّْنغ ڒخْذَايم نّش. أَقَا ݣِّيغ زَّاثش يجّن ن ثوَّارْث ثْنُوْرْزم وَار يزمَّر حَدّ اَت يبلّع. وَاخَّا جّْهذ نّش ذ ؤُقْلِيل، ثݣِّيذ اَرَّاي إِ وَاوَاڒ ينُو وَار ثنْكَرذ شَا يسم ينُو.