1 تيموتاوس 5:17 - ثريفيث 2020

¹⁷ ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

1 تيموتاوس 5:17 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 24:25

خْزَرم! أَقَا نش عڒْمغ-اَوم خ مَانَايَا قْبڒ مَا ٱذ يوْقع.

لوقا 10:7

قِّيمم ذِي ثدَّارْث نِّي، شّم سْوم زِي مِين غَارْسن مِينْزِي ونِّي يتْبشَّارن غَارس ڒْحَقّ اَذ يتْخَاڒس. وَار تْرَاحم شَا زِي ثدَّارْث غَار ثدَّارْث.

لوقا 12:42

يَارَّا خَاس سِيذِيثْنغ ينَّا-ٱس: "إِيوَا مِين يعْنَا ؤُوقَّاف نِّي يدْجَان ذ اَمِيغِيس ذَايس ڒَامَان؟ نتَّا ذ ونِّي إِݣ يتْكلَّاف سِيذس اَذَاسن يُوْش لْمَكْلَا إِ يخدَّامن نّس ذِي ڒْوقْث نِيشَان.

يوحنا 4:38

نش سّكّغ-د كنِّيو اَذ تمْجَارم مَانِي وَار ثْزرْعم شَا. ئِنّغْنِي زرْعن، كنِّيو ثسْتنْفَعم زِي ڒْخذْمث نْسن."

ڒخذايم 11:30

أَمنِّي إِي ݣِّين جَارَاسن، ؤُشِين لْمُعَاوَنَا نِّي إِ بَرْنَابَا ذ شَاوُل اَت سِّيوْضن إِ يمقّْرَانن ن جْمَاعث ن ڒْمُوْمِنِين إِي يدْجَان ذِنِّي.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

ڒخذايم 28:10

وقَّرن-اَنغ ؤُشِين-اَنغ اَطَّاس ن ثْمسْڒَايِين. وَامِي نكَّر أَ نفّغ ذݣ وغَرَّابُو، ذبَّرن-اَنغ-د ڒْقشّ نِّي إِي نحْذَاج.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

أيث-روما 15:27

أَقَا نِثْنِي تخْسن اَذ ݣّن مَانَايَا، مَانَايَا ذ صَّح ذ يجّن ن لْوَاجِب اَقَاث خَاسن. مَايمِّي؟ لِأَنَّا يِنِّي وَار يدْجِين شَا زِي أَيث-إِسْرَائِيل مڒَا يْسِين زِي لْبَرَكَا رُوْحِيَا ن يسْرَائِيلِيْين، ئِتْخصَّا-يَاسن لَابُد يِنِّي وَار يدْجِين شَا زِي أَيث-إِسْرَائِيل اَذ عَاوْنن يسْرَائِيلِيْين س وَاݣْرَا نْسن.

أيث-روما 16:12

سِيوْضم-اَسنْت سْڒَام إِ ضْرِيفُوْنَا ذ ضْرِيفِيسَا ثِنِّي يخدّْمن اَطَّاس ذِي سِيذِيثْنغ. سِيوْضم-اَس سْڒَام إِ ثَافرْسِيسْت إِي خَانغ يعِيزّن، ثْخدّم اَطَّاس ذِي سِيذِيثْنغ.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 3:9

لِأَنَّا نشِّين نْشَرّش اَك أَربِّـي ذِي ڒْخذْمث-أَ. كنِّيو ذ اَمَرْجع نّس ذ ڒبْنِي نّس.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 6:6

فَا ونِّي ؤُمِي سڒْمَاذن اَوَاڒ ن أَربِّـي، ئِتْخصَّا اَذ يشَرش نتَّا اَك ونِّي يسڒْمَاذن زِي مَارَّا مِين يدْجَان ذ اَصبْحَان.

أيث-فيليـپـي 2:29

رحّْبم-ث س سِيذِيثْنغ س يِجّن ن ڒفْرَاحث ذ تَمقّْرَانْت، وقَّرث يرْيَازن اَم نتَّا.

أيث-فيليـپـي 4:3

وَاه، تتَّارغ ؤُڒَا ذ شك آي اَمْعَشَار ينُو ن صَّح، عَون ثِمْغَارِين-أَ إِي كِذِي يخدّْمن فُوْس ذݣ وفُوْس ذِي لْإِنْجِيل، أَكِذْسنْت عَاوذ كْرِيمُو ذ يمْعَشَارن ينُو نّغْنِي. ئِسمَاون نْسن مَارَّا اَقَاثن ذِي لْكِتَاب ن ثُوْذَارْث.

1 تيموتاوس 3:5

إِيوَا بْنَاذم-أَ مڒَا وَار يسِّين شَا اَذ يحْكم خ ثدَّارْث نّس، مَامّش إِي غَا يݣّ اَذ يتْرَايَا خ جْمَاعث ن ڒْمُوْمِنِين ن أَربِّـي؟

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 تيموتاوس 4:6

ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.

1 تيموتاوس 5:19

وَار قبّڒ شَا تُّوْهْمث ضد إِ ؤُمقّْرَان ن جْمَاعث ن ڒْمُوْمِنِين إِلَّا مڒَا ذِنِّي ثْنَاين نِغ ثْڒَاثَا ن ڒشْهُوْذ تَهَامن-ث.

1 تيموتاوس 5:3

وقَّر ثَاجَّاڒِين إِݣ يدْجَان ذ ثَاجَّاڒِين ذ صَّح.

2 تيموتاوس 2:6

أَفدْجَاح إِݣ يتَمَارن ذِي ڒْخذْمث أُو لَابُد اَذ ييْسِي ڒْحَقّ نّس نتَّا ذ اَمزْوَارُو زِي ثْفدْجَاحْث نِّي.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

يعيبرانيين 13:24

سِيوْضم-اَسن سْڒَام إِ مَارَّا يِنِّي إِي خَاوم يتْرَايَّان ذ مَارَّا صَّالِحِين. يِيْنَا زِي إِطَالْيَا سَاوَّاضن-اَوم-د سْڒَام.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.