1 تيموتاوس 5:11 - ثريفيث 2020

¹¹ فَا ثَاجَّاڒِين ثِمزْيَانِين وَار ثنْت تْسجَّال شَا عْلَاحْسَاب لْمُعَاوَنَا. نِثنْتِي خْمِي غَا ثذْفَارنْت شّهَاوَاث نْسنْت كْتَار زِي لْمَسِيح اَتَاف رزُّوْنْت اَذ مڒْشنْت.

1 تيموتاوس 5:11 Σταυροειδείς Αναφορές

1 تيموتاوس 4:3

نِثْنِي اَذ سْبدّن يوْذَان بَاش وَار مدْجْشن شَا، قَّارن-اَسن عَاوذ قَا شَا ن لْمَكْلَاث ممْنُوْع اَثنْت شّن. وَلَكِن لْمَكْلَاث نِّي يخْڒق-يثنْت-يد أَربِّـي اَثنْت نقْبڒ نشِّين إِݣ يتَامْنن نسّن لْحَقِيقَا.

1 تيموتاوس 5:12

أَمُّو اَذ تْوَاحكْمنْت مِينْزِي سمْحنْت ذِي لْوَعذ نْسنْت إِي ݣِّينْت ذ اَمزْوَارُو.

1 تيموتاوس 5:14

إِذن، خْسغ ثَاجَّاڒِين ثِمزْيَانِين اَذ مڒْشنْت اَذ د جّنْت يحنْجِيرن اَذ سُوْݣُوْرنْت ثَدَّارْث نْسنْت مْلِيح وَار تجِّينْت بُو شَان لْفُرْصَا إِ ڒْعَذُو اَخَاسنْت يسِّيوڒ س ڒْعِيب.

1 تيموتاوس 5:9

وَار تجَّا ؤُڒَا ذ يشْتن اَذ تْسجّل اَك ثَاجَّاڒِين غَار لْمُعَاوَنَا إِلَّا مڒَا غَارس زِي ستِّين يسݣّْوُوْسَا اَڒ ثْسَاونْت، إِلَّا مڒَا تُوْغَا غَارس يجّن ن ورْيَاز وَاهَا.

ثبرات غار يعقوب 5:5

كنِّيو تْعِيشم ذِي دُّنشْت-أَ س وفلّس ذ شّهْوث نْوم. ثْذوْڒم ثْصَاحّم ثْوجْذم اَم يينْدُوْزن ذِي نْهَار نِّي إِي ذِي ذَاسن غَا غَرْصن.

2 بطرس 2:18

سمْغَارن يخف نْسن س وَاوَاڒن يخْوَان. س ڒقْبَاحث نِّي ن شّهْوث ن بْنَاذم تْحدْجَاقن-د يِنِّي يَالَّاه عَاذ يَروّْڒن زݣ يِوْذَان إِي تْعِيشن ذِي لْغَالَط.

لواحي ن يوحنا 18:3

ڒَاحقَّاش مَارَّا ڒݣْنُوْس سْوِين زݣ وَامَان ن وضِيڒ ن لْفَسَاد نّس وَار يحْڒِي، فسْذن اَكِذس يزدْجِيذن ن ثْمُوْرْث. يسبَّابن ن ثْمُوْرْث ؤُوِين-د اَطَّاس ن وَاݣْڒَا زݣ وفلّس نّس اَمقّْرَان."

لواحي ن يوحنا 18:7

مشْحَاڒ مَا ثْسمْغَار يخف نّس، مشْحَاڒ مَا ثْعِيش ذِي شّهْوث نّس، أَنشْتـنِّي إِي ت غَا ثْعدّْبم، أَنشْتـنِّي إِي ت غَا ثسْخيّْقم. لِأَنَّا نتَّاث ثقَّار ذݣ وُوڒ نّس: أَقَا قِّيمغ ذَا اَم لْمَلِكَا، نش وَار دْجِيغ شَا ذ ثَاجَّاڒْث، عمَّارْص أذ حزْنغ.

لواحي ن يوحنا 18:9

ئِزدْجِيذن ن ثْمُوْرْث إِي كِذس يفسّْذن إِي كِذس يتْعِيشن ذِي شّهْوث نّس، أَخَاس رُون اَخَاس حزْنن خْمِي غَا ࢲرن دّخَّان ن ثْمسِّي نّس.