1 تيموتاوس 5:1 - ثريفيث 2020

¹ وَار نهَّا شَا يجّن ن ؤُوسَّار س ڒقْسَاحث؛ لَّا، سِيوڒ اَكِذس اَم بَابَاش. ئِحنْجِيرن اݣّ-يثن اَم اَيثْمَاش.

1 تيموتاوس 5:1 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 23:8

وَلَكِن كنِّيو، وَار تجَّام حَدّ اَذَاوم يڒَاغَا: آ سِيذِيثْنغ. ڒَاحقَّاش كنِّيو مَارَّا ذ اَوْمَاثن غَارْوم يجّن ن سِيذِيثْوم.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 15:4

وَامِي ؤُوْضن غَار لْقُدْس، رحّْبن زَّايْسن جْمَاعث ن ڒْمُوْمِنِين ذ يمقّْرَانن ن جْمَاعث-أَ ذ ارُّسُل. ذِنِّي بُوْلُس ذ بَرْنَابَا عَاوْذن-اَسن إِ نِثْنِي مَارَّا مِين يݣَّا أَربِّـي خ وفُوْس نْسن.

ڒخذايم 15:6

مُوْنن اَرُّسُل ذ يمقّْرَانن ن جْمَاعث ن ڒْمُوْمِنِين حمَا اَذ خْزَرن ذِي لْخِلَاف-أَ.

أيث-روما 13:7

مْكُڒ يجّن ؤُشم-اَس ڒْحَقّ نّس: ضَّرِيبَا إِ بَاب ن ضَّرِيبَا، ڒَعْشُوْر إِ بَاب ن ڒَعْشُوْر، لإِحْتِرَام إِ بَاب ن لإِحْتِرَام، ڒوْقَار إِ بَاب ن ڒوْقَار.

أيث-ݣلاطيا 6:1

آي أَيثْمَا، مڒَا ثُوْفِيم شَان يِجّن زَّايْوم ثْسحْصر-يث ڒْمُعْصِيّث، لَابُد مڒَا ثْجهْذم كنِّيو س أَرُّوْح يقدّْسن اَثِيذ تَارّم غَار وبْرِيذ س يِجّن ن وُوْڒ يسبَّارن. أُو حْضَا يخف نّش ؤُڒَا ذ شك بَاش وَار ثتْوَاغَرِّيذ شَا.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

1 تيموتاوس 5:2

ثِوسُّوْرَا اݣّ-يثنْت اَم يمَّاثَاش. ثِحنْجِيرِين اݣّ-يثنْت اَم سُوْيْثْمَاش س يِجّن ن وُوْڒ يصْفَا.

ثبرات غار تيتوس 2:2

يِنِّي يمْغَارن اَذَايْسن يِيڒِي لْمَعْقُوْل، أَذ يڒِين مْوقّْرِين، أَذ حكْمن خ ثْنفْسِيث نْسن، أَذ يڒِين نِيشَان ذِي لْإِيمَان ذ ڒمْحِبّث ذ صّْبَر.

ثبرات غار تيتوس 2:6

أَمُّو عَاوذ إِن-اَسن إِ يحنْجِيرن اَغَارْسن يِيڒِي ڒَعْقڒ نْسن.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

ثبرات غار يعقوب 5:14

مڒَا ذِين شَان يِجّن جَارَاوم يتْنزْبَار، ئِتخصَّا-يَاس اَذ د يڒَاغَا خ يمقّْرَانن ن جْمَاعْث ن ڒْمُوْمِنِين اَخَاس ࢲَّادْجن اَث دهْنن س زّشْت س يِيسم ن سِيذِيثْنغ.

1 بطرس 5:1

فَا نش تْڒَاغِيغ-د خ يمقّْرَانن يدْجَان جَار ن ثْجُمَاع، نش إِي يدْجَان ذ يجّن ن ومقّْرَان اَم كنِّيو ذ يِجّن ن شَّاهذ خ مِين خف يتْوَاعدّب لْمَسِيح، نش ذ يِجّن عَاوذ إِي غَا يشَرْشن ذِي لْعَظَمَا إِي د غَا يمظْهَارن.

2 يوحنا 1:1

نش ذ اَمْغَار، تَارِيغ ثَبْرَات-أَ إِ ثمْغَارْث يتْوَاخْضَرن ذ ثَارْوَا نّس إِي تخْسغ ذِي لْحَقِيقَا. مَاشِي ذ نش وَاهَا إِي ثن يتخْسن؛ لَّا، تخْسن-ثن قَاع يِنِّي يسّْنن لْحَقِيقَا.

3 يوحنا 1:1

نش ذ اَمْغَار، تَارِيغ ثَبْرَات-أَ إِ غَايُوْس ونِّي إِي خَافِي يعِيزّن ذِي لْحَقِيقَا.

لواحي ن يوحنا 4:4

نّْضن-اَس-د إِ لْعَرْش-أَ اَرْبعَا و عِشْرِين ن لْعَرْشَاث، خَاسن اَرْبعَا و عِشْرِين ن يمْغَارن ݣِّين اَرُّوْض ذ اَشمْڒَاڒ، كُڒ يجّن زَّايْسن غَارس تَّاج ن دّْهب خ وزدْجِيف نّس.