1 تيموتاوس 4:8 - ثريفيث 2020

⁸ مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

1 تيموتاوس 4:8 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 12:32

ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم، أَتَاف اَخَاس يغْفَر. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار خَاس يغفَّر شَا لَّا ذِي دُّنشْت-أَ أُو لَّا ذِي لْأَخِيرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:29

أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:33

رزُّوْث ذ اَمزْوَارُو خ ڒْمُلْك ن أَربِّـي ذ ثُوْذَارْث إِݣ يدْجَان نِيشَان، سّنِّي ثِمسْڒَايِين-أَ مَارَّا اَذَاوم مَارْنِينْت.

مرقس 10:30

أَتَاف اَغَارس ثِيڒِي مِيَّا ن ثْسقَّار زِي ثُوْذْرِين ذ أَيثْمَاس ذ سُوْيْثْمَاس ذ يمَّاس ذ ثَارْوَا نّس ذ يمَرْجعِيون نّس. أَغَارس يِيڒِي وعدّب ذي زْمَان-أَ، وَلَكِن ذِي زْمَان إِي د غَا يَاسن اَغَارس ثِيڒِي ثُوْذَارْث ن ڒبْدَا.

لوقا 5:38

وَلَكِن اَمَان ن وضِيڒ ذ جْذِيذ خدْجْقن ذݣ يِيڒْمَاون ذ جْذِيذ.

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

1 أيث-كورينث 8:8

إِيوَا مَاشِي ذ لْمَكْلَا إِي ذَانغ غَا يسْقَارّْبن غَار أَربِّـي؛ لَّا، وَار ذَانغ ينفّع شَا مڒَا نشَّا نِغ وَار نشِّي شَا.

1 تيموتاوس 4:7

فَا اَوْݣّْوج شك خ ثْحُوْجَا نِّي يدْجَان ضد لْإِيمَان إِي تْعَاوَاذنْت ثْوسُّوْرَا وَاهَا، ستْرِينَار يخف نّش عْلَاحْسَاب لْإِيمَان.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

1 تيموتاوس 6:6

فَا لْإِيمَان إِي ذِي ثدْجَا ڒقْنَاعث نتَّا ذ يجّن ن اَرْبَاح ذ اَمقّْرَان.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.