1 تيموتاوس 4:7 - ثريفيث 2020

⁷ فَا اَوْݣّْوج شك خ ثْحُوْجَا نِّي يدْجَان ضد لْإِيمَان إِي تْعَاوَاذنْت ثْوسُّوْرَا وَاهَا، ستْرِينَار يخف نّش عْلَاحْسَاب لْإِيمَان.

1 تيموتاوس 4:7 Σταυροειδείς Αναφορές

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

1 تيموتاوس 2:10

لَّا، أَذ صَارنْت يخف نْسنْت س لْحَسَانَاث إِݣ يدْجَان لَابُد ذِي ثمْغَارِين نِّي يقَّارن قَا نشِّين نْعبّذ أَربِّـي.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 تيموتاوس 4:8

مڒَا ثسْتْرِينَارذ يخف نّش س اَرِّيَاضَا، أَذ تَاوِيذ يجّن ن اَرْبَاح اَش ينفّع شْوَايْت. مڒَا ثسْتْرِينَارذ س لْإِيمَان، أَذ تَاوِيذ يجّن ن اَرْبَاح اَش ينفّع إِ ثْمسْڒَايِين مَارَّا. لْإِيمَان-أَ يوْعذ-يش عْلَاحْسَاب ثُوْذَارْث-أَ يدْجَان ڒخُّو ذ ثنِّي إِي د غَا يَاسن.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 تيموتاوس 2:16

فَا اَوْݣّْوج زݣ وَاوَاڒن نِّي يخْوَان ن يِوْذَان ن دُّنشْت-أَ مِينْزِي اَوَاڒن نْسن اَذ ارْنِين غِير ذِي ڒقْفَاڒث نْسن خ أَربِّـي.

2 تيموتاوس 2:23

أَوْݣّْوج زݣ ؤُمْنَاقَار نِّي إِي ذِي يدْجَا غِير ثُوْبُوْهْڒِيَا ذ ڒقْفَاڒث وَاهَا مِينْزِي ثسّْنذ بلِّي يتَارو غِير اَمنْغِي أُو صَافِي.

2 تيموتاوس 3:12

ذ صَّح، مَارَّا ونِّي إِي يرزُّوْن اَذ يعِيش س لْإِيمَان يدْجَان ذِي عِيْسَى لْمَسِيح قَا اَذ يتْوَاعدّب.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

2 تيموتاوس 4:4

يِيْنَا اَذ سْبعّْذن يمجَّان نْسن زِي لْحَقِيقَا اَثن اَوِين اَذ سْڒن إِ ثْحُوْجَا وَاهَا.

ثبرات غار تيتوس 1:14

مَاشِي اَذ ݣّن اَرَّاي إِ ثْحُوْجَا نِّي ن أَيث-إِسْرَائِيل نِغ اَذ ݣّن اَرَّاي إِ ڒُوْصِيَاث نِّي ن يِنِّي يسْبعَّاذن يخف نْسن زِي لْحَقِيقَا.

ثبرات غار تيتوس 2:12

أَرْضَا-يَا يتْربَّا-يَانغ أَ ننْكَر شَّرّْ ذ شّهَاوَاث ن دُّنشْت-أَ، أَ نْعِيش ذِي زْمَان-أَ أَ نحْكَام خ ثْنفْسِيث نّغ اَذَايْنغ يِيڒِي لْمَعْقُوْل ذ لْإِيمَان

ثبرات غار تيتوس 3:9

وَلَكِن سِيْݣّْوج يخف نّش زݣ يمْنَاقَارن إِي ذِي ثدْجَا غِير ثُوْبُوْهْڒِيَا أُو عَاوذ زِي لْبَحْت نِّي ن ثْشجُّوْرَا ن ڒجْذُوْذ ذ يمنْغِيْون ذ يمْخَرْوَاضن خ شَّرِيعَا لِأَنَّا نِثْنِي ذ ڒْبَاطڒ وَاهَا وَار نفّْعن شَا قَاع.

يعيبرانيين 5:14

وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.