1 تيموتاوس 4:6 - ثريفيث 2020

⁶ ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.

1 تيموتاوس 4:6 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 13:52

ينَّا-ٱسن: "كُڒ اَمسڒْمَاذ ن شَّرِيعَا ن مُوْسَى إِݣ يفهْمن ڒْمُلْك وجنَّا نتَّا اَم يِجّن ن بَاب ن ثدَّارْث إِݣ يسُوْفُوْغن ثِمسْڒَايِين ثِقْذِيمِين نِغ ذ جْذِيذ زِي مَانِي يخْزن ڒْكنْز نّس."

لوقا 1:3

آ سِيذِي ؤُڒَا ذ نش تْغِيڒ-اَيِي مْلِيح اَذ ݣّغ اَذ اَرِيغ مِين يوقْعن وَامِي بحْثغ ذِي مَارَّا مَانَايَا مْلِيح. أَذَاش ث اَرِيغ ثَا س ثَا حمَا اَذ تسّْنذ ڒْحَقّ ن ثْمسْڒَايِين نِّي إِي ذَاش سڒْمَاذن.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 20:31

إِيوَا إِڒِيث عْلَابَال! وَار تتُّوْم شَا نش ثڒْت-سْنِين إِي كِذْوم كِّيغ، قِّيمغ تْوصِّيغ مْكُڒ يجّن زَّايْوم دْجِيڒث ذ وَاسّ س يمطَّاون ينُو.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

أيث-روما 15:15

وَلَكِن زعْمغ ؤُرِيغ ثَبْرَات-أَ غَارْوم خ ڒبْعَاض ن ثْمسْڒَايِين حمَا وَار ثنْت تتُّوْم شَا. لِأَنَّا نش تݣّغ ڒْخذْمث ن ڒفْقِي تْبشَّارغ س وَاوَاڒ ن أَربِّـي س لْبَرَاكَا نِّي إِي ذَايِي يوْشَا بَاش اَذ يڒِيغ ذ اَخدَّام ن عِيْسَى لْمَسِيح إِ كنِّيو وَار يدْجِين شَا زِي أَيث-إِسْرَائِيل. حمَا اَكنِّيو قدّْمغ اَم يِجّن ن صّذْقث ثصْفَا س اَرُّوْح يقدّْسن حمَا اَت يقْبڒ أَربِّـي.

1 أيث-كورينث 4:17

خ مَانَاينِّي إِي خف كنِّيو د سّكِّيغ تِيْمُوْتَاوُس. نتَّا يعِيزّن خَافِي اَم شَان ممِّي، ذَايس تِّيقث ذِي سِيذِيثْنغ. أَكنِّيو يسْفكَّر خ يبْرِيذن ينُو ذِي لْمَسِيح مَامّش ثن سڒْمَاذغ ذِي مَارَّا يمُوْشَان ذ مَارَّا ثِجُمَاع ن ڒْمُوْمِنِين.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

أيث-ؤفسوس 6:21

رزُّوْغ اَذ تسّْنم مَامش دْجِيغ ذ مِين تݣّغ. ذ ؤُمَا تُوْشِيق يعِيزّن إِي ذَاوم غَا يِينِين مَارَّا مَانَايَا. نتَّا ذ يجّن ن وخدَّام نِيشَان ذِي سِيذِيثْنغ.

أيث-فيليـپـي 2:20

وَار غَارِي ذَا حَدّ اَم نتَّا تْهِيمَا-ث لْحَالَا نْوم.

أيث-فيليـپـي 2:22

أَمَّا تِيْمُوْتَاوُس نتَّا ثسّْنم-ث ملْتَازم س يِيخف نّس، ئِخدّم اَكِذِي ذِي لْإِنْجِيل اَم يِجّن ن وحَرْمُوْش يخدّم اَك بَابَاس.

أيث-فيليـپـي 3:16

وَلَكِن مِين نسّن عَاذ نِيشَان لَابُد اَذَايس نطّف مْلِيح.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 3:16

اجّم اَوَاڒن ن لْمَسِيح اَذَايْوم زذْغن س مَارَّا لْبَرَكَا نْسن. س مَارَّا ڒفْهَامث يتْخصَّا يجّن اَذ يسفْهم ونّغْنِي، ئِجّن اَذ ينْهَا ونّغْنِي. غنّْجم س وَاوَاڒن ن زَّبُوْر ذ لْأَمْدَاح ذ يِيزْڒَان رُوْحِيَا اَكِذس ثݣّم يجّن ن شُّكر ذݣ وُوْڒَاون نْوم إِ أَربِّـي.

أيث-كولوس 4:7

ؤُمَاثْنغ تُوْشِيق اَكنِّيو يخبَّر خ مَارَّا مِين تݣّغ ذَانِيتَا. نتَّا يعِيزّ خَافِي، ئِتْسخَّار إِ أَربِّـي س يِجّن ن تِّقث. نتَّا ذ اَخدَّام يتمْعَشَارن اَكِذِي ذِي ڒْخذْمث ن سِيذِيثْنغ.

1 تيموتاوس 1:10

ذ يِنِّي يتݣّن لْفَسَاد ذ يرْيَازن يفسّْذن اَك وَايَاوْيَا ذ يِنِّي يتَاشَارن يوْذَان حمَا اَثن اَرّن ذ يسمْغَان ذ يِنِّي يقَّارن يخَرِّيقن ذ يِنِّي يشهّْذن ࢲُّوْر نِغ ذ يِنِّي يتݣّن شَان ن ثْمسْڒَايِين نّغْنِي يدْجَان ضد إِ تَّعْلِيم ن لْإِيمَان يدْجَان نِيشَان.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

2 تيموتاوس 1:6

خ مَانَايَا اَش فكَّرغ بَاش اَذ تْسنْهزّذ لْقُدْرَا نِّي إِي ذَايش يدْجَان زِي أَربِّـي عْلَاحْسَاب وَامِي خَاش سرْسغ يفَاسّن ينُو.

2 تيموتاوس 3:10

وَلَكِن شك ثسّْنذ مْلِيح تَّعْلِيم ينُو ذ وبْرِيذ ن ثُوْذَارْث ينُو ذ لْغَرَض ينُو ذ لْإِيمَان ينُو ذ تَّاسِع ن ڒْخَاضَر ينُو ذ ڒمْحِبّث ينُو ذ صّْبَر ينُو

2 تيموتاوس 4:3

أَقَا اَذ تَاس ڒْوقْث نِّي نِثْنِي وَار تْصنِّيطن شَا غَار تَّعْلِيم نِيشَان؛ أَغَارْسن د سْمُوْنن يجّن ن لْعَدَد ن يمْسڒْمَاذن سَّاوَاڒن غِير مِين ذَاسن يعجْبن إِ يمجَّان نْسن وَاهَا.

ثبرات غار تيتوس 2:1

أَمَّا شك، سڒْمَاذ مِين يمُوْنن اَك تَّعْلِيم نِيشَان.

1 بطرس 2:2

إِڒِيث اَم يحْضِيضن، سْغُوْيِوث خ ؤُغِي نِّي يصْفَان ن أَرُّوْح يقدّْسن بَاش اَزَّايس ثمْغَرم ذِي لْإِيمَان نْوم إِݣ يسنْجَامن.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.

ثبرات زي يهوذا 1:5

وَاخَّا سّْنغ بلِّي ثسّْنم مَانَايَا، خْسغ اَكنِّيو سْفكَّرغ مْلِيح بلِّي سِيذِيثْنغ يفكّ شَّعْب نّس زِي مِصْرَا، وَلَكِن منْبَعْد يِنِّي وَار يُوْمِيْنن شَا يمْحَا-ثن قَاع.