1 تيموتاوس 4:2 - ثريفيث 2020

² أَذ يِيڒِي مَانَايَا س نِّفَق ن يرْيَازن يسْخَرِّيقن، ضَّمِيڒ نْسن صَافِي يحَرق مَامش إِي ث يحَرق يجّن ن وَارْشم ن وُوْزّڒ يسّشْمَاضن.

1 تيموتاوس 4:2 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 24:24

أَقَا اَطَّاس إِي د غَا يمظْهَارن س يخَرِّيقن اَذ ينِين اَقَا نش ذ لْمَسِيح نِغ نش زِي لْأَنْبِيَا. أَذ ݣّن لْمُعْجِزَاث ذ ثِمقّْرَانِين ذ ڒَعْجَايب زَعْمَا حمَا اَذ خذْعن يوْذَان. مَعْلِيك زمَّرن يڒِي خذْعن ؤُڒَا ذ يِنِّي يخْضَر أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-روما 16:18

لِأَنَّا يِيْنَا وَار خدّْمن شَا إِ سِيذِيثْنغ عِيْسَى لْمَسِيح، خدّْمن غِير إِ وعدِّيس نْسن وَاهَا. س وَاوَاڒ يِيزِيضن ذ لْمُهَوَاضَا يزوّْقن خدّْعن ؤُڒَاون ن يِنِّي إِي ذِي ثدْجَا نِّيّث.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-ؤفسوس 4:19

فلّْسن قَاع ذفَّارن شّهْوث نْسن أُو صَافِي، ذَايْسن يجّن ن زْعَامث اَذ سْخذْمن إِ كُڒ نُّوْع ن مِين يسخْنِيزن.

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

لواحي ن يوحنا 16:14

يِيْنَا ذ اَرُّوْحَاث ن شَّيَاطِين تݣّن لْمُعْجِزَاث زَعْمَا. تْرَاحن غَار يزدْجِيذن ن ثْمُوْرْث مَارَّا حمَا اَثن سْمُوْنن إِ ڒْحَرْب ذِي نْهَار نِّي اَمقّْرَان ن أَربِّـي إِݣ يزمَّرن إِ كُڒْشِي.