1 تيموتاوس 4:16 - ثريفيث 2020

¹⁶ خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 تيموتاوس 4:16 Σταυροειδείς Αναφορές

مرقس 13:9

حْضَام يخف نْوم! أَكنِّيو سلّْمن إِ لْمَحْكَمَاث، أَكنِّيو ؤُوْثن ذِي ثمْزِيذَاوِين نْسن. أَذ تْبدّم زَّاث إِ لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم.

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

ڒخذايم 26:22

وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.

ڒخذايم 6:4

بَاش نشِّين اَرُّسُل أَ نُوْش ڒْوقْث نّغ إِ ثْࢲَادْجِيث ذ وحدّث."

أيث-روما 11:14

رزُّوْغ اَذ سْنكَّرغ لْغِرَا ذݣ أَيثْمَا يسْرَائِيلِيْين حمَا اَذ سْنجْمغ ڒبْعَاض زَّايسن.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

1 أيث-كورينث 9:22

أَرِّيغ يخف ينُو اَم يِجّن يضْعف غَار يِنِّي يضعْفن بَاش اَتَاف اَثن ربْحغ. أَرِّيغ يخف ينُو ذ مَارَّا إِ مَارَّا يوْذَان بَاش اَذ ݣّغ مَارَّا لْإِمْكَانِيَاث اَذ سْنجْمغ شَا زَّايْسن.

1 أيث-كورينث 9:27

لَّا، تْزيَّارغ خ دَّات ينُو تَارِّيغ-ت ذ ثِيسْمغْث ينُو. مَاشِي اَذ بشَّرغ اَوَاڒ إِ يِوْذَان أُو غَار ونݣَّارُو اَذ يڒِيغ اَك يِنِّي إِي ثن يسُوْفُوْغن بْڒَا لْجَائِزَا.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

أيث-كولوس 4:17

إِنِيم-اَس إِ أَرْكِيپُّـوْس أُو لَابُد اَذ تْكمّْڒذ لْوَاجِب ن ڒْخذْمث إِي ثْقبْڒذ زِي سِيذِيثْنغ.

1 تيموتاوس 1:3

نش وَامِي رُوْحغ غَار لْإِقْلِيم ن مَسِدُوْنْيَا وصِّيغ-شك اَذ تقِّيمذ ذِي ثنْدِينْت ن ؤُفَسُوْس بَاش اَذ تنْهِيذ شَان يرْيَازن اَذَاسن ثِينِيذ وَار سڒْمَاذم شَا ثِمسْڒَايِين إِݣ يتْخَلَافن ذِي لْإِيمَان.

1 تيموتاوس 4:15

طبّق ثِمسْڒَايِين-أَ، سلّم-اَسنْت يخف نّش قَاع بَاش اَذ ࢲرن مَارَّا يوْذَان نَّجَاح نّش.

1 تيموتاوس 4:6

ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 3:14

شك لَّا، ارْنِي ذِي مِين ذَاش سْڒمْذن ذ مِين ش يسقْنَاعن مِينْزِي ثسّْنذ يِنِّي إِي ذَاش يسْڒمْذن مَانَاينِّي.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

ثبرات غار فليمون 1:19

قَا نش ذ بُوْلُس تَارِيغ مَانَايَا س وفُوْس ينُو: أَذَاش ث خدْجْسغ نش. بْڒَا مَا ٱذَاش ينِيغ قَا تَّارْسغ-اَش ؤُڒَا ذ ثُوْذَارْث نّش.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.