1 تيموتاوس 4:13 - ثريفيث 2020

¹³ حتَّا ٱڒ د غَا يَاسغ نش سْخدَّام يخف نّش مْلِيح س ثْغُوْرِي ن لْكُتُب ذ وحدّث ذ وسڒْمذ.

1 تيموتاوس 4:13 Σταυροειδείς Αναφορές

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

ڒخذايم 17:11

أَيث-بِيرْيَا نِثْنِي حْسن زݣ اَيث-سَالُوْنِيك، قبّْڒن اَوَاڒ ن أَربِّـي ذغْيَا س ڒفْرَاحث. قَّارن ذِي لْكُتُب كُڒ نْهَار بَاش اَذ سّْنن اَوَاڒ نِّي إِي قَّارن بُوْلُس ذ سِيلَاس مَا ذ صَّح نِغ لَّا.

ڒخذايم 6:4

بَاش نشِّين اَرُّسُل أَ نُوْش ڒْوقْث نّغ إِ ثْࢲَادْجِيث ذ وحدّث."

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 14:3

وَلَكِن ونِّي يسَّاوَاڒن اَك يِوْذَان س مِين يعْڒم زِي أَربِّـي اَتَاف يسَّاوَاض-اَسن يجّن ن وَاوَاڒ بَاش اَذ تْوَاجهّْذن اَذ تْوَاشجّْعن اَذ تْوَاصبَّرن.

1 أيث-كورينث 14:6

فَا ڒخُّو آي اَيثْمَا، مڒَا ؤُسِيغ-د غَارْوم سَّاوَاڒغ نش س لُّغَاث رُوْحِيَاث، مَان نّْفَع إِي زِي كنِّيو غَا نفْعغ إِلَّا مڒَا ؤُوِيغ-اَوم-د شَا ن لْوَاحِي نِغ شَا ن ثُوْسْنَا نِغ شَا ن وَاوَاڒ إِي عڒْمغ زِي أَربِّـي نِغ شَان ن تَّعْلِيم؟

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

1 تيموتاوس 4:6

ثِمسْڒَايِين-أَ مڒَا ثسْبيَّانذ-ثنْت-يد إِ أَيثْمَاثْنغ اَذ تِيڒِيذ شك ذ يجّن ن وخدَّام ذ اَصبْحَان ن عِيْسَى لْمَسِيح، أَذ تِيڒِيذ تْوَاربِّيذ س وَاوَاڒن ن لْإِيمَان ذ تَّعْلِيم نِّي اَصبْحَان إِي ثْذفَّارذ شك.

2 تيموتاوس 3:15

أَقَا زِي ثمْࢲِي نّش ثسّْنذ عَاوذ ثِيْرَا يدْجَان مُقدّْسِين زمَّرنْت اَش د اَرّنْت ذ مِيغِيس عْلَاحْسَاب مَامش إِي غَا ثْنجْمذ س لْإِيمَان نِّي يدْجَان ذِي عِيْسَى لْمَسِيح.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.