1 تيموتاوس 3:5 - ثريفيث 2020

⁵ إِيوَا بْنَاذم-أَ مڒَا وَار يسِّين شَا اَذ يحْكم خ ثدَّارْث نّس، مَامّش إِي غَا يݣّ اَذ يتْرَايَا خ جْمَاعث ن ڒْمُوْمِنِين ن أَربِّـي؟

1 تيموتاوس 3:5 Σταυροειδείς Αναφορές

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

أيث-ؤفسوس 5:24

أُو مَامّش ثْطَاعَا جْمَاعث ن ڒْمُوْمِنِين إِ لْمَسِيح، أَمنِّي إِي غَا طَاعنْت ثمْغَارِين إِ يرْيَازن نْسنْت ذِي مَارَّا.

أيث-ؤفسوس 5:32

ذݣ وَاوَاڒ-أَ مِيخف نسَّاوَاڒ ذَايس يجّن ن ڒْمَعْنَا ينُوْفَّرن يُودْجغ اَطَّاس. قَّارغ نش بلِّي ڒْمَعْنَا-يَا يسَّاوَاڒ خ لْمَسِيح اَك جْمَاعث ن ڒْمُوْمِنِين.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.