1 تيموتاوس 3:1 - ثريفيث 2020

¹ أَقَا يجّن ن وَاوَاڒ ذَايس تِّقث يعْنِي ونِّي يرزُّوْن اَذ يِيڒِي ذ اَرَّايس ن جْمَاعث قَا يرزُّو يجّن ن ثْمسْڒَايْث ذ ثَصبْحَانْت.

1 تيموتاوس 3:1 Σταυροειδείς Αναφορές

لوقا 15:10

أَذَاوم ينِيغ: أَمنِّي يجّن مڒَا يعْصَا منْبَعْد يتُوْب، أَتَاف اَكِذس فَرْحنْت لْمَلَائِكَاث ن أَربِّـي."

ڒخذايم 1:20

ئِقَّار لْكِتَاب ن زَّبُوْر: أَربِّـي اَذ يخْڒَا ثَدَّارْث ن ونِّي وَار ذَايس يزدّغ حَدّ. ئِقَّار عَاوذ: ڒْخذْمث نّس اَت يطّف يجّن نّغْنِي.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

أيث-روما 11:13

فَا نش قَّارغ-اَوم مَانَايَا إِ كنِّيو وَار يدْجِين شَا زِي أَيث-إِسْرَائِيل. نش ذ اَرَّسُوْل غَار يِنِّي وَار يدْجِين شَا زِي أَيث-إِسْرَائِيل، نش ڒْخذْمث ينُو حسّْبغ-ت غَارس يجّن ن شّان يمْغَر.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-فيليـپـي 1:1

نش ذ بُوْلُس اَكِذِي تِيْمُوْتَاوُس نشِّين ذ يخدَّامن ن عِيْسَى لْمَسِيح. نْتَارِي ثَبْرَات-أَ إِ صَّالِحِين ن عِيْسَى لْمَسِيح إِي يدْجَان ذِي ثنْذِينْت ن فِيلِيـپِّـي ذ اَرُّوْيَاس نْسن ذ نُّيَاب نْسن.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

1 تيموتاوس 1:15

أَقَا يجّن ن وَاوَاڒ ذَايس تِّقث أُو لَابُد اَذ يتْوَاقْبڒ مَارَّا، يعْنِي عِيْسَى لْمَسِيح يُوْسَا-د غَار دُّنشْت-أَ بَاش اَذ يسنْجم يِنِّي يعصَّان، زَّايْسن نش إِݣ يدْجَان ذ لْعَاصِي ذ اَمقّْرَان خَاسن مَارَّا.

1 تيموتاوس 4:9

أَوَاڒ-أَ ذَايس تِّقث أُو لَابُد اَذ يتْوَاقْبڒ يكْمَاڒ.

2 تيموتاوس 2:11

أَقَا يجّن وَاوَاڒ ذَايس تِّقث: مڒَا نمُّوْث اَكِذس، أُوْشَا أَ ندَّر اَكِذس.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

1 بطرس 2:25

تُوْغَا كنِّيو اَم يحُوْڒِيْين يتْودَّرن، ڒخُّو ثْذوْڒم-د غَار ونِّي إِي كنِّيو يرَاسّن يتْكلَّافن زِي ڒَعْمَار نْوم.

1 بطرس 4:15

حْضَام اَكِذْوم يِيڒِي يجّن جَارَاوم إِݣ يتْوَاعدَّابن مِينْزِي ينْغَا بْنَاذم نِغ يُوْشَار نِغ ذ لْمُجْرِيم نِغ يتَاذف ذِي شّْغُوْڒَاث ن مِدّن.

1 بطرس 5:2

اَروْسث ثْحِيْمرْث نِّي ن أَربِّـي إِي خف كنِّيو يتْكلَّاف نتَّا. حْضَام-تث س ڒْخَاضَر نْوم مَاشِي س يِجّن ن بزّز إِي خَاوم تݣّن مِينْزِي اَمُّو إِي يخس أَربِّـي. مَاشِي س طّْمَع ن ڒفْضِيحث، لَّا س وُوْڒَاون نْوم.