1 تيموتاوس 2:7 - ثريفيث 2020

⁷ خ مَانَاينِّي إِي تْوَاخْضَرغ نش بَاش اَذ حدّْثغ اَذ يڒِيغ ذ اَرَّسُوْل اَذ يڒِيغ ذ اَمْسڒْمَاذ عْلَاحْسَاب لْإِيمَان ذ ڒْحَقّ جَار يِنِّي وَار يدْجِين شَا زِّي أَيث-إِسْرَائِيل. قَّارغ لْمَعْقُوْل مَاشِي ذ يخَرِّيقن.

1 تيموتاوس 2:7 Σταυροειδείς Αναφορές

يوحنا 7:35

مْسقْسَان يسْرَائِيلِيْين جَارَاسن نَّان: "مَانِي غَا يرَاح وَانِيتَا وَار ث نْتِيف شَا؟ مَا ٱذ يرَاح غَار يسْرَائِيْلِيْين إِي يتمْزدْجَاعن ذِي ثْمُوْرَا ن ييُوْنَانِيْين بَاش اَذ يسڒْمذ ييُوْنَانِيْين؟

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

ڒخذايم 22:21

ينَّا-ٱيي سِيذِي: رُوْح، شك اَش سّكّغ غَار يمُوْشَان ݣّْوْجن اَطَّاس، غَار يِنِّي وَار يدْجِين شَا زِي أَيث-إِسْرَائِيل."

ڒخذايم 26:20

لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.

ڒخذايم 9:15

ينَّا-ٱس سِيذِيثْنغ: "لَّا رُوْح، قَا اَرْيَاز-أَ ذ نش إِي ث يخْضَرن اَث سّكّغ حمَا اَذ يسِّيوض يسم ينُو إِ ينِّي وَار يدْجِين شَا زِي أَيث-إِسْرَائِيل، ذ يزدْجِيذن نْسن، ذ يسْرَائِيلِيْين.

أيث-روما 1:9

لِأَنَّا أَربِّـي إِي عبّْذغ س مَارَّا ؤُڒ ينُو تْبشَّارغ س لْإِنْجِيل ن مِّيس، نتَّا قَا يسّن تْفكَّرغ ذَايْوم ڒبْدَا ذِي ثْࢲَادْجِيث ينُو. تتَّارغ مڒَا يخس أَربِّـي اَڒ ونݣَّارُو اَذ اَفغ اَبْرِيذ اَغَارْوم د اَسغ.

أيث-روما 10:14

إِذن، مَامّش غَا ݣّن اَذ ڒَاغَان خ ونِّي إِي زِي وَار يُوْمِينن شَا؟ مَامّش غَا ݣّن اَذ اَمْنن زݣ ونِّي ؤُمِي وَار خَاس سْڒِين شَا؟ مَامّش غَا ݣّن اَخَاس سْڒن مڒَا وَار ذَاسن يتْحدِّيث حَدّ؟

أيث-روما 11:13

فَا نش قَّارغ-اَوم مَانَايَا إِ كنِّيو وَار يدْجِين شَا زِي أَيث-إِسْرَائِيل. نش ذ اَرَّسُوْل غَار يِنِّي وَار يدْجِين شَا زِي أَيث-إِسْرَائِيل، نش ڒْخذْمث ينُو حسّْبغ-ت غَارس يجّن ن شّان يمْغَر.

أيث-روما 9:1

سَّاوَاڒغ ڒْحَقّ ذِي لْمَسِيح وَار يدْجِي بُو ذ يخَرِّيقن. ڒَعْقڒ ينُو أُو ذ اَرُّوْح يقدّْسن اَذَايِي صَحّن مِين غَا ينِيغ.

1 أيث-كورينث 9:1

غَارِي لْحُرِّيَا يعْنِي نش مَاشِي ذ يسْمغ. نش ذ اَرَّسُوْل، ࢲْرِيغ سِيذِيثْنغ عِيْسَى. يَاش ذ كنِّيو إِي يدْجَان ذ نَّتِيجَا ن ڒْخذْمث ينُو ذِي سِيذِيثْنغ، نِغ لَّا؟

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

أيث-ݣلاطيا 1:20

مِين ذَاوم د تَارِيغ، تَارِيغ-ث-يذ أُو أَربِّـي يخزَّر ذَايِي وَار يدْجِي بُو ذ يخَرِّيقن.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-ݣلاطيا 2:9

يَعْقُوْب ذ بُطْرُس ذ يُوْحَنَّا يتْوَاحْسَابن ذ يمقّْرَانن ذِي جْمَاعث نِّي، فهْمن اَرْضَا إِي ذَايِي يُوْشَا أَربِّـي سدْجْمن خَانغ نش ذ بَرْنَابَا س وفُوْس اَفُوْسِي نْسن اَمْعَاشَر. قبْڒن-اَنغ نشِّين أَ نْرَاح أَ نْبشَّر إِ يِنِّي يدْجَان ذ ييُوْنَانِيْين، نِثْنِي اَذ بشَّرن إِ يِنِّي يدْجَان زِي أَيث-إِسْرَائِيل.

أيث-ݣلاطيا 3:9

خ مَانَاينِّي يِنِّي يُوْمْنن اَذ تْوَابَرْكن اَك بْرَاهِيم يعْنِي ونِّي ؤُمِي قَّارن اَرْيَاز ن لْإِيمَان.

2 تيموتاوس 1:11

عْلَاحْسَاب لْإِنْجِيل-أَ تْوَاخْضَرغ نش اَذ بشَّرغ اَذ يڒِيغ ذ اَرَّسُوْل ذ يجّن ن ؤُمْسڒْمَاذ.

2 بطرس 2:5

وَار يحِنّ شَا عَاوذ خ دُّنشْت-أَ ن زْمَان اَقْذِيم وَامِي خَاسن د يسهْوَا يجّن ن طُّوْفَان ن وَامَان خ يِنِّي وَار ذَاس يتْطِيعِين شَا. تُوْغَا يحْضَا غِير نُوْح ونِّي يتْبشَّارن س ڒْحَقّ ذ يِجّن ن سبْعَا اَكِذس.