1 تيموتاوس 2:5 - ثريفيث 2020

⁵ لِأَنَّا ذِنِّي يجّن ن أَربِّـي وَاحْذس ذ يِجّن لْوَاسِيط وَاحْذس جَار أَربِّـي ذ يِوْذَان يعْنِي اَرْيَاز-أَ ذ عِيْسَى لْمَسِيح.

1 تيموتاوس 2:5 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 1:1

وَا ذ لْكِتَاب ن ڒجْذُوْذ ن عِيْسَى لْمَسِيح، ونِّي يدْجَان زِي دُّوْرِّيث ن دَاود ذ بْرَاهِيم.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:23

<أَقَا ثَعْزْرِيث اَذ تيْسِي اَعدِّيس، أَذ تجّ يجّن ن وحنْجِير اَذَاس سمَّان إِمَّانْوِيل.> (ڒْمَعْنَا نّس: أَربِّـي اَقَاث اَكِذْنغ.)

لوقا 14:22

ينَّا-ٱس وخدَّام: أَقَايِي ݣِّيغ مِين ذَايِي ثنِّيذ آ سِيذِي وَلَكِن عَاذ قِّيمن يمُوْشَان خْوَان.

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 17:3

ثُوْذَارْث ن ڒبدَا ذ ثَا يعْنِي اَش سّْنن بلِّي شك ذ أَربِّـي نِيشَان وَاحْذش، أَذ سّْنن عَاوذ عِيْسَى لْمَسِيح يعْنِي ونِّي إِي ثسّكّذ.

ڒخذايم 4:12

وَار يزمَّر حَدّ اَذ ينْجم بْڒَا زَّايس نتَّا. لِأَنَّا وَار ذِنِّي ؤُڒَا ذ يجّن ن يِيسم نّغْنِي جَار إِ يرْيَازن ذِي دُّنشْت-أَ اَزَّايس نتْوَاسنْجم إِلَّا نتَّا."

أيث-روما 1:3

أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

أيث-روما 10:12

لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان.

1 أيث-كورينث 8:4

أَمَّا لْمَكْلَا يتْقدَّامن إِ لْأَصْنَام، نسّن لْأَصْنَام دْجَان ذِي دُّنشْت-أَ وَلَكِن ذ يخَرِّيقن وَاهَا. نسّن نشِّين يجّن ن أَربِّـي إِݣ يدْجَان، وَاحْذس.

1 أيث-كورينث 8:6

وَلَكِن نشِّين غَارْنغ يجّن ن أَربِّـي وَاحْذس، نتَّا ذ بَابَاثْنغ. زَّايس نتَّا دْجَانْت مَارَّا ثِمسْڒَايِين، نشِّين ندْجَا إِ نتَّا. عَاوذ غَارْنغ يجّن ن سِيذِيثْنغ، يعْنِي عِيْسَى لْمَسِيح. زِي نتَّا مِيزِي خڒْقنْت مَارَّا ثِمسْڒَايِين، زَّايس مِيزِي نخْڒق نشِّين.

أيث-ݣلاطيا 3:20

نتَّا ذ لْوَسِيط وَاهَا، يعْنِي وَار يخدّم شَا وَاحْذس. وَلَكِن أَربِّـي نتَّا إِݣ يدْجَان وَاحْذس.

أيث-ؤفسوس 4:6

أَربِّـي بَابَاثْنغ ن مَارَّا ذ يجّن. أَقَاث خ مَارَّا، يعدُّو-د خ مَارَّا، أَقَاث ذِي مَارَّا.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

يعيبرانيين 12:24

ثْقَارّْبم-د غَار عِيْسَى ونِّي يتْشَفَاعن ذَايْنغ س يِجّن ن ڒْعَهذ ذ جْذِيذ. ثْقَارّْبم-د كنِّيو غَار يذَامّن نّس يتْوَارُوْشّن إِي قَّارن يجّن ن وَاوَاڒ حْسن زݣ ونِّي ن نَّبِي هَابِيل.

يعيبرانيين 7:25

خ مَانَايَا يِنِّي زَّايس يتْقَارَّابن غَار أَربِّـي يزمَّر عِيْسَى اَثن يسنْجم إِ ڒبْدَا. مَايمِّي؟ لِأَنَّا نتَّا يدَّر إِ ڒبْدَا اَذَايْسن يتْشَفَاع.

يعيبرانيين 8:6

وَلَكِن شّْغڒ نِّي ن ڒفْقِي إِي ذَاس يُوْشَا إِ عِيْسَى يمْغَار اَطَّاس خ شّْغڒ نِّي اَقْذِيم ن ڒْفُقَهَا نّغْنِي. أُو ڒْعَهذ-أَ إِي خف يتْشَفَاع نتَّا يمْغَار اَطَّاس خ ونِّي اَقْذِيم لِأَنَّا يبدّ خ يِجّن ن دْسَاس ن لْوُعُوْد إِي يدْجَان حْسن.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

1 يوحنا 2:1

آ يحنْجِيرن ينُو، تَارِيغ-اَوم-د ثِمسْڒَايِين-أَ حمَا وَار ثْعصِّيم شَا أَربِّـي. وَلَكِن مڒَا نعْصَا-ث اَقَا غَارْنغ يجّن ن لْوَسِيط اَك أَربِّـي بَابَاثْنغ نتَّا ذ عِيْسَى لْمَسِيح ونِّي إِݣ يدْجَان نِيْشَان.

لواحي ن يوحنا 1:13

ذِي ڒْوسْط ن ڒقْنَاذڒ نِّي ؤُفِيغ ذِنِّي يجّن يتْشَابَّاه ذِي مِّيس ن بْنَاذم، غَارس تْشَامِّير ذ اَزيْرَار حتَّا اَڒ يضَارن نّس. غَارس يجّن ن وحزَّام ن دّْهب يقْضع-د زݣ وغِيڒ غَار نّصّ.