1 تيموتاوس 1:7 - ثريفيث 2020

⁷ رزُّوْن اَذ دوْڒن ذ يمْسڒْمَاذن ن شَّرِيعَا، وَلَكِن وَار فهّْمن شَا مِين قَّارن ؤُڒَا ذ مِينْخف تْأَكَّادن اَطَّاس.

1 تيموتاوس 1:7 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 15:14

اجّم-ثن! نِثْنِي ذ يضَرْغَاڒن تْجَرَّان يضَرْغَاڒن. مڒَا اَضَرْغَاڒ يجَرّ اَضَرْغَاڒ، أَتَاف اَذ وْضَان س ثْنَاين إِذْسن ذِي شَان ثسْرَافْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:27

كَّرن نَّان-اَس إِ عِيْسَى: "وَار نسِّين شَا." ئِنْدق-د عِيْسَى ينَّا-ٱسن: "إِيوَا ؤُڒَا ذ نش وَار ذَاوم قَّارغ شَا مَانِيس ذَايِي د ثكَّا سُّلْطَا-يَا إِي زِي تݣّغ ثِمسْڒَايِين-أَ."

لوقا 2:46

كِّين ثڒْتِيَّام أُوْشَا ؤُفِين-ث يقِّيم ذِي ثمْزِيذَا ثَمقّْرَانْت جَار يِنِّي يسڒْمَاذن، ئِتْسْڒَا-يَاسن يتْسقْسَا-ثن.

ڒخذايم 15:1

ؤُسِينْ-د شَا ن يرْيَازن زِي يَهُوْذِيَا سڒْمَاذن اَيثْمَاثْنغ ذݣ وَانْطَاكْيَا نَّان-اَسن: "وَار ثْزمَّرم شَا اَذ تْنجْمم إِلَّا مڒَا ثݣِّيم طَّهَارث عْلَاحْسَاب شَّرِيعَا ن مُوْسَى."

أيث-روما 1:22

حسّْبن خ يِيخف نْسن ذ يمِيغِيسن، نِثْنِي ذوْڒن ذ يبُوْهَاڒِيْين.

أيث-ݣلاطيا 3:2

أَكنِّيو سّقْسِيغ خ يِجّن ن ثْمسْڒَايْث وَاهَا. مَا يهْوَا-د خَاوم أَرُّوْح يقدّْسن وَامِي ثْطَاعم إِ شَّرِيعَا ن مُوْسَى؟ لَّا، ئِهْوَا-د وَامِي ثسْڒِيم إِ لإِنْجِيل ثُوْمْنم زَّايس.

أيث-ݣلاطيا 3:5

إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.

أيث-ݣلاطيا 4:21

إِنِيم-اَيِي كنِّيو يتخْسن اَخَاوم ثْحكّم شَّرِيعَا ن مُوْسَى. مَا وَار ثسِّينم مِين ذَايس ذِي شَّرِيعَا نِّي نِغ؟

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

2 تيموتاوس 3:7

ڒبْدَا تسْڒَانْت غَار تَّعْلِيم وَلَكِن عمَّارْص اَذ اَوْضنْت اَذ سّْننْت لْحَقِيقَا.

ثبرات غار يعقوب 3:1

آي أَيثْمَا، ئِتْخصَّا وَار زَّايْوم يتِيڒِي بُو اَطَّاس ن يمْسڒْمَاذن، أَقَا ثسّْنم بلِّي نشِّين يمْسڒْمَاذن اَتَاف اَخَانغ يزيَّار أَربِّـي ذِي لْحِسَاب.

2 بطرس 2:12

ئِثَرَّاسن-أَ نِثْنِي قَّارن اَوَاڒن وَار يحْڒِين خ ثْمسْڒَايِين وَار فهّْمن شَا. نِثْنِي ݣِّين اَم ڒُوْحُوْش يقفْڒن اَم لْحَيَوَانَاث يدْجَان س طَّبِيعَا نْسن يوْعَارن. خڒْقن-د يثَرَّاسن-أَ بَاش اَذ تْوَاطّْفن اَذ تْوَانْغن مَامّش تْوَانقّن ڒُوْحُوْش.