1 تيموتاوس 1:14 - ثريفيث 2020

¹⁴ أَرْضَا ن سِيذِيثْنغ ينْفيّض-د خَافِي س وَاطَّاس ذ وَاطَّاس، أَكِذس يجّن ن لْإِيمَان ذ يِجّن ن ڒمْحِبّث إِݣ يدْجَان ذِي عِيْسَى لْمَسِيح.

1 تيموتاوس 1:14 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 20:9

يِنِّي يبْذَان ڒْخذْمث غَار خمْسَا وعشِّي، يُوْشَا-ٱسن دِينَار دِينَار.

ڒخذايم 15:11

نشِّين مِين نْتَامن؟ نْتَامن بلِّي نشِّين أَ ننْجم س اَرْضَا ن سِيذِيثْنغ عِيْسَى مَامّش غَا نجْمن ؤُڒَا ذ يِنِّي وَار يدْجِين شَا زِي أَيث-إِسْرَائِيل."

أيث-روما 16:20

أَربِّـي ن ڒهْنَا نتَّا عْڒَاين اَذ يڒْبࢲ شِّيطَان سْوَادَّاي إِ يضَارن نْوم. أَكِذْوم يِيڒِي اَرْضَا ن سِيذِيثْنغ عِيْسَى لْمَسِيح.

1 أيث-كورينث 15:10

وَلَكِن نش س اَرْضَا ن أَربِّـي ذوْڒغ مَامّش دْجِيغ ڒخُّو. ثُمَّا اَرْضَا نّس وَار يدْجِي بُو خَافِي س بْڒَا نّْفَع؛ لَّا، نش شَّاثغ تَمَارَا كْتَار زَّايْسن مَارَّا. مَاشِي ذ نش زَعْمَا؛ لَّا، ذ اَرْضَا ن أَربِّـي إِي كِذِي.

1 أيث-كورينث 3:10

نش عْلَاحْسَاب اَرْضَا إِي ذَايِي يُوْشَا أَربِّـي ݣِّيغ يجّن ن دْسَاس اَم يِجّن ن لمْعَلّم يفْسُوْس نتَّا. يُوْسَا-د يجّن نّغْنِي يبنَّا خ دْسَاس-أَ. وَلَكِن أُو لَابُد كُڒ يجّن اَذ يَارّ ڒْبَاڒ مَامّش غَا يبْنَا خ دْسَاس-أَ.

22 أيث-كورينث 13:14

أَرْضَا ن سِيذِيثْنغ عِيْسَى لْمَسِيح ذ ڒمْحِبّث ن أَربِّـي ذ ومْعَشَار ن أَرُّوْح يقدّْسن اَكِذْوم يِيڒِي مَارَّا. آمِين.

22 أيث-كورينث 4:15

شُوْف، مَانَايَا يوْقع مَارَّا بَاش اَكنِّيو ينْفع. خْمِي يتنْتَاشَار اَرْضَا غَار يِوْذَان اَطَّاس س وَاطَّاس يعْنِي اَرْضَا-يَا اَذ د يسْفيّض شُّكر إِ لْعَظَمَا ن أَربِّـي.

22 أيث-كورينث 8:9

أَقَا ثسْنم اَرْضَا ن سِيذِيثْنغ عِيْسَى لْمَسِيح. تُوْغَا نتَّا غَارس كُڒْشِي، وَلَكِن عْلَاحْسَاب نشِّين يسْمح ذِي كُڒْشِي مَانَاينِّي بَاش اَغَارْنغ يِيڒِي كُڒْشِي س مَانَاينِّي إِي ذِي يسْمح.

أيث-ݣلاطيا 1:13

أَقَا ثسْڒِيم خَافِي مَامّش تُوْغَا تْعِيشغ زِي قْبڒ وَامِي تُوْغَا تْبَاعغ دِّين ن أَيث-إِسْرَائِيل، يعْنِي مَامّش تُوْغَا تْعدَّابغ جْمَاعث ن ڒْمُوْمِنِين ن أَربِّـي س ومنْغِي، رزُّوْغ اَخَاسن قْضِيغ.

1 أيث-سلونيك 1:3

نتْخمَّام زَّاث ن أَربِّـي يدْجَان ذ بَابَاثْنغ مشْحَاڒ يخدّم لْإِيمَان نْوم، مشْحَاڒ ثربّڒ ڒمْحِبّث نْوم، أُو مشْحَاڒ يصبَّر لْأَمَال نْوم ذِي سِيذِيثْنغ عِيْسَى لْمَسِيح.

1 أيث-سلونيك 5:8

نشِّين لَّا، نشِّين ذ ثَارْوَا ن نْهَار، أَغَارْنغ يِيڒِي ڒَعْقڒ. أَ نݣّ ثْجِيلِيت نِّي ن ڒحْذِيذ يدْجَان نتَّاث ن لْإِيمَان ذ ڒمْحِبّث. أَ نݣّ لْكَاسْك نّغ يدْجَان نتَّا ذ لْأَمَال ن ؤُفكِّي.

1 تيموتاوس 2:15

ثَمْغَارْث اَذ تْوَاسنْجم عْلَاحْسَاب ثَارْوَا وَلَكِن يتْخصَّا وَا لَابُد اَذ قِّيمنْت نِثنْتِي ذِي لْإِيمَان ذ ڒمْحِبّث ذ ڒصْفِيّث عْلَاحْسَاب لْمَعْقُوْل.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

2 تيموتاوس 1:13

مثّل تَّعْلِيم نِّي نِيشَان إِي ثسْڒِيذ زَّايِي، أَكِذس إِي غَا يِيڒِي يجّن ن لْإِيمَان ذ يِجّن ن ڒمْحِبّث إِي يدْجَان ذِي عِيْسَى لْمَسِيح.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

ثبرات غار تيتوس 2:2

يِنِّي يمْغَارن اَذَايْسن يِيڒِي لْمَعْقُوْل، أَذ يڒِين مْوقّْرِين، أَذ حكْمن خ ثْنفْسِيث نْسن، أَذ يڒِين نِيشَان ذِي لْإِيمَان ذ ڒمْحِبّث ذ صّْبَر.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

لواحي ن يوحنا 22:21

أَذ يِيڒِي اَرْضَا ن سِيذِيثْنغ عِيْسَى اَك كُڒ يجّن. آمِين.