1 أيث-سلونيك 5:10 - ثريفيث 2020

¹⁰ نتَّا يمُّوْث خَانغ بَاش أَ ندَّر اَكِذس وَاخَّا نشِّين نْفَاق نِغ نطّص ذݣ ونْضڒ.

1 أيث-سلونيك 5:10 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

يوحنا 10:11

نش إِݣ يَروّْسن ذ صَّح. ونِّي إِݣ يَروّْسن ذ صَّح يتْصدَّاق ثُوْذَارْث نّس خ يحُوْڒِيْين نّس.

يوحنا 10:17

س مَانَايَا بَابَا يتْحِبَّا-ٱيي مِينْزِي نش تْصدَّاقغ ثُوْذَارْث ينُو حمَا عَاوذ اَتِيد اَرّغ.

يوحنا 15:13

وَار ذِنِّي بُو ڒمْحِبّث كْتَار زِي ثنِّي ن بْنَاذم اَذ يصدّق ثُوْذَارْث نّس عْلَاحْسَاب يمدُّوْكَاڒ نّس.

أيث-روما 8:34

وِي يزمَّرن اَخَاسن يحْكم؟ ؤُڒَا ذ يجّن! لِأَنَّا نتَّا عِيْسَى لْمَسِيح إِݣ يمُّوْثن. أُو كْتَار، يكَّر-د زِي ڒْموْث أُو ذ نتَّا إِي يدْجَان خ وفُوْسِي ن أَربِّـي، ئِتْشَافَاعن ذَايْنغ.

1 أيث-كورينث 15:3

شُوْف، سِيْوْضغ-اَوم-د مَانَاينِّي يدْجَان مُهِم تُوْغَا قبْڒغ-ث نش س يِيخف ينُو، يعْنِي لْمَسِيح يمُّوْث عْلَاحْسَاب ڒْمُعْصِيَاث نّغ مَامّش يقَّار لْكِتَاب.

22 أيث-كورينث 5:15

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

1 أيث-سلونيك 4:13

فَا آي أَيثْمَا، وَار نخْس شَا اَذ تْقفْڒم إِ يِيخف نْوم عْلَاحْسَاب يِنِّي يطّْصن ذݣ يمضْڒَان بَاش وَار تْخيِّيقم شَا اَم يِنِّي نّغْنِي وَار ذِي يدْجِي بُو لْأَمَال.

1 أيث-سلونيك 4:15

عْلَاحْسَاب اَوَاڒ ن سِيذِيثْنغ نقَّار-اَوم قَا نشِّين يعْنِي يِنِّي عَاذ يدَّرن يعْنِي يِنِّي عَاذ يقِّيمن ذِي دُّنشْت-أَ خْمِي د غَا يَاس سِيذِيثْنغ قَا نشِّين وَار نتْݣَعِّيذ شَا ذ يمزْوُوْرَا خ يِنِّي يطّْصن ذݣ يمضْڒَان.

1 أيث-سلونيك 4:17

سّنِّي نشِّين يعْنِي يِنِّي عَاذ يدَّرن يعْنِي ينِّي عَاذ اَقَانغ ذِي دُّنشْت-أَ اَتَاف اَكِذْسن نتْوَارْفع غَار وجنَّا ذݣ يسيْنُوْثن بَاش أَ نْمڒْقَا اَك سِيذِيثْنغ ذِي لْهَوَا. وَا ٱمنِّي اَكِذس نِيڒِي إِ ڒبْدَا.

1 أيث-سلونيك 5:6

إِذن، وَار نْتطّص شَا اَم يِوْذَان نّغْنِي، ئِتْخصَّا أَ نِيڒِي نْفَاق اَغَارْنغ يِيڒِي ڒَعْقڒ.

1 تيموتاوس 2:6

نتَّا يصدّق ثُوْذَارْث نّس ذ يجّن ن لْفِدْيَا بَاش اَزَّايس يسنْجم مَارَّا يوْذَان، مَانَايَا اَذ يتْوَاشْهذ ذِي ڒْوقْث نّس.

2 تيموتاوس 2:11

أَقَا يجّن وَاوَاڒ ذَايس تِّقث: مڒَا نمُّوْث اَكِذس، أُوْشَا أَ ندَّر اَكِذس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

1 بطرس 2:24

نتَّا س يِيخف نّس ييْسِي ڒْمُعْصِيَاث نّغ ذِي دَّات نّس خ ثحْنَاشْت نِّي حمَا أَ نمّث نشِّين س وُوْڒَاون نّغ إِ ڒْمُعْصِيَاث، أَ ندَّر إِ مِين يدْجَان نِيْشَان. أَقَا س وجَرِّيح نّس إِي زِي ثْݣنْفَام كنِّيو.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.