1 أيث-سلونيك 2:10 - ثريفيث 2020

¹⁰ نتْعِيش اَكِذْوم كنِّيو إِي يُوْمْنن س يِجّن ن صّْفَا ذ يِجّن ن وبْرِيذ نِيشَان بْڒَا ڒْعِيب. كنِّيو ذ ڒشْهُوْذ خ مَانَايَا ؤُڒَا ذ أَربِّـي.

1 أيث-سلونيك 2:10 Σταυροειδείς Αναφορές

لوقا 23:41

نشِّين حكّْمن خَانغ نِيشَان، نسْذَاهدْج لْحُكم-أَ عْلَاحْسَاب مِين نݣَّا. وَلَكِن اَرْيَاز-أَ وَار يݣِّي شَا مِينْخف."

ڒخذايم 20:18

وَامِي غَارس د ؤُسِين يمقّْرَانن نِّي ينَّا-ٱسن: "كنِّيو قَا ثسّْنم مَامّش تْعِيْشغ مَارَّا ڒْوقْث نِّي إِي تُوْغَا ٱكِذْوم قِّيمغ، زِي نْهَار نِّي اَمزْوَارُو إِي د ؤُذْفغ غَار آسْيَا.

ڒخذايم 20:26

خ مَانَايَا قَّارغ-اَوم نش زِي نْهَارَا تْبرِّيغ يخف ينُو زݣ يذَامّن نْوم مَارَّا.

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 11:11

مَايمِّي؟ مَا وَار كنِّيو تخْسغ شَا؟ قَا أَربِّـي يسّن بلِّي ثْعِيزّم خَافِي.

22 أيث-كورينث 11:31

ونِّي يتْوَابَرْكن إِ ڒبْدَا يعْنِي أَربِّـي بَابَاس ن سِيذِيثْنغ عِيْسَى، ئِسّن إِلَّا نش قَّارغ لْحَقِيقَا.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

22 أيث-كورينث 5:11

فَلِهَاذَا وَامِي نسّن أَ نݣّْوذ زِي سِيذِيثْنغ، نْرزُّو يوْذَان اَذ قْتَنْعن. ئِي مِين نعْنَا نشِّين يسّن-يث أَربِّـي مْلِيح، أُو تْمنِّيغ عَاوذ ضَّمِير نْوم اَذ يسّن مَانَاينِّي.

22 أيث-كورينث 7:2

اَرزْمم-اَنغ كنِّيو يمُوْشَانْ ذݣ وُوْڒَاون نْوم. ؤُڒَا ذ يجّن وَار ث نضْڒِيم شَا، وَار ث نسْعوّج شَا، وَار ث نْغشّ شَا.

1 أيث-سلونيك 1:5

لِأَنَّا لْإِنْجِيل إِي نتْبشَّار وَار د يُوْسِي شَا غَارْوم س وَاوَاڒن وَاهَا، يُوْسَا-د غَارْوم س ثْزمَّار ذ أَرُّوْح يقدّْسن ذ يِج وقنَّاع يمْغَر. أَقَا ثسّْنم مَامش تُوْغَا نتْعِيش جَارَاوم عْلَاحْسَاب كنِّيو.

1 أيث-سلونيك 2:5

شُوْف، قَا ثسّْنم عمَّارْص مَا نْسڒْهَا حَدّ س وَاوَاڒن نِغ عمَّارْص مَا نضْمع حَدّ عْلَاحْسَاب شَا ن سَّبَاب. ئِشهّذ خَانغ أَربِّـي!

2 أيث-سلونيك 3:7

كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

2 تيموتاوس 3:10

وَلَكِن شك ثسّْنذ مْلِيح تَّعْلِيم ينُو ذ وبْرِيذ ن ثُوْذَارْث ينُو ذ لْغَرَض ينُو ذ لْإِيمَان ينُو ذ تَّاسِع ن ڒْخَاضَر ينُو ذ ڒمْحِبّث ينُو ذ صّْبَر ينُو

1 بطرس 5:3

مَاشِي اَخَاسن ثْحكْمم س ؤُزِيَّار خ يِنِّي إِي خف تْكلَّافم؛ لَّا، أَذ تِيڒِيم ذ لْمِثَال إِ ثْحِيْمرْث إِي غَا تبْعن.