1 بطرس 3:4 - ثريفيث 2020

⁴ لَّا، زِّين نْكنْت يتْخصَّا اَذ يِيڒِي غَار ذَاخڒ نْكنْت يعْنِي زِّين نِّي يتِيڒِين ينُوْفَّر ذݣ وُوْڒ. زِّين-أَ وَار يفنِّي شَا عمَّارْص، غَارس اَرُّوْح مْهدّن ذَايس تَّوَاضُع ذ يِجّن ن شَّان ذ اَمقّْرَان زَّاث إِ ثِيطَّاوِين ن أَربِّـي.

1 بطرس 3:4 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:5

"إِيْنِيم-اَس إِ يدْجِيس ن لْقُدْس: خْزَر، أَزدْجِيذ نّمْ يُوْسَا-د غَارم، وَار ذَايس بُو تَّكبُّر. ئِنْيَا خ يِجّن ن ثغْيُوْڒْث، ذ وسْنُوْس مِّيس ن ثغْيُوْڒْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 23:26

آي اَفَرِّيسِي اَضَرْغَاڒ، ذ اَمزْوَارُو سِيرذ ڒْكَاس غَار ذَاخڒ حمَا اَذ يِيڒِي يسِيرذ غَار بَارَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:5

سَّعْذ نْسن إِ يِنِّي يدْجَان ذ دْرَاوش، أَقَا اَذ وَرْثن دُّنشْت.

لوقا 11:40

آ يِنِّي وَار يفهّْمن! أَربِّـي ذ نتَّا إِݣ يݣِّين دَّات، ذ نتَّا عَاوذ إِݣ يݣِّين مِين ذَايس غَار ذَاخڒ.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

أيث-روما 1:23

بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.

أيث-روما 2:29

وَلَكِن اَئِسْرَائِيلِي يدْجَان ذ صَّح يتِيڒِي غَارس مَانَايَا غَار ذَاخڒ. أُو ذ طَّهَارث ن صَّح تِيڒِي ذݣ وُوْڒ س أَرُّوح ن أَربِّـي، وَار يدْجِي بُو س شَّرِيعَا. بْنَاذم-أَ وَار ث تْشكَّرن شَا يِوْذَان، ئِتْشكَّر-يث أَربِّـي.

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أيث-روما 7:22

لِأَنَّا ذِي نّفْس ينُو نش فَرْحغ س شَّرِيعَا ن أَربِّـي،

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 4:16

خ مَانَايَا نشِّين وَار نْتفْشِيڒ شَا. وَاخَّا طَّبِيعَا ن دَّات نّغ غَار بَارَّا تْرَاح، طَّبِيعَا نّغ غَار ذَاخڒ تجْهِيذ نْهَار خ نْهَار.

أيث-ݣلاطيا 5:23

ذ تَّوَاضُع ذ بْنَاذم يحكّْمن خ شّهْوث نّس. وَار ثدْجِي بُو شَان ن شَّرِيعَا إِݣ يسْبدَّان ثِمسْڒَايِين-أَ.

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

أيث-كولوس 3:3

مِينْزِي زَعْمَا كنِّيو ثمُّوْثم، ثُوْذَارْث نْوم اَقَا ثْنُوْفَّر اَك لْمَسِيح ذِي أَربِّـي.

1 أيث-سلونيك 4:11

نتْوصَّا عَاوذ اَذ تْحَوْڒم بَاش اَذ تْعِيشم ذِي ڒْهُدْنث، أَذ تَاذْفم ذِي شّْغُوْڒَاث نْوم وَاهَا، أَذ تْخذْمم س يفَاسّن نْوم. أَمنِّي إِي كنِّيو نتْوصَّا قْبڒ.

2 أيث-سلونيك 3:12

ئِوْذَان-أَ نتْوصَّا-ثن نقَّار-اَسن س يِيْسم ن سِيذِيثْنغ عِيْسَى لْمَسِيح اَذ خذْمن س لْمَعْقُوْل اَذ شّن اَغْرُوْم إِي يدْجَان نْسن.

1 تيموتاوس 2:2

ذ يزدْجِيذن ذ مَارَّا يِنِّي يحكّْمن بَاش أَ نْعِيشث ذݣ يِجّن ن ڒهْنَا بْڒَا سّْدَع ذݣ يِجّن ن طَّاعَا ن أَربِّـي ذ يِجّن ن لْمَعْقُوْل.

2 تيموتاوس 2:25

أَذ يصحَّاح س يِجّن ن وُوْڒ يصبَّارن إِ يِنِّي إِي ذَاس يتْعَارَّاضن؛ حمَا مڒَا يخس أَربِّـي اَثن يجّ اَذ تُوْبن اَذ سّْنن لْحَقِيقَا.

ثبرات غار تيتوس 3:2

سْفكَّر-اَثن حمَا وَار تْعيِّبن حَدّ، وَار تْمنْغِين شَا س وَاوَاڒن، أَذ يڒِين تْرَانْكِيڒ، أَذ سْخذْمن يجّن ن تَّوَاضُع اَك مَارَّا يوْذَان.

ثبرات غار يعقوب 1:21

بعّْذث خ مَارَّا مِين يدْجَان ذ اَعفَّان ذ مِين يدْجَان ذ شَّرّْ. بْڒَا تَّكبُّر قبّْڒث اَوَاڒ نِّي ن أَربِّـي يتْوَاࢲُّوْن ذَايْوم يزمَّر اَذ يسنْجم ڒَعْمَار نْوم.

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام