1 بطرس 3:2 - ثريفيث 2020

² يِـيْنَا غِير اَذ ࢲرّن ثِيْشْرِي نْكنْت ثصْفَا تْسذْحَانْت زَّايْسن اَتَاف اَذ اَمْنن.

1 بطرس 3:2 Σταυροειδείς Αναφορές

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-ؤفسوس 6:5

آي يسمْغَان، طَاعم إِ أَيثْبَاب نْوم ذِي دُّنشْت-أَ، وقَّرم-ثن ݣّْوْذم-ثن س يِجّن ن وُوْڒ يصْفَا اَمشْنَاو مَّامش ثْطَاعَام إِ لْمَسِيح.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

أيث-كولوس 3:22

آي يسمْغَان، طَاعث إِ أَيثْبَاب نْوم ن دُّنشْت-أَ ذِي مَارَّا ثِمسْڒَايِين. طَاعم-اَسن مَاشِي غِير خْمِي ذَاوم تْبدَّان غَار وزدْجِيف وَاهَا حمَا اَذَاسن تْعجْبم؛ لَّا، طَاعم-اَسن س ڒْخَاضَر نْوم اَكِذْوم ثِيڒِي يجّن ن ثِيݣّْوْذِي ذِي سِيذِيثْنغ.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

1 بطرس 1:15

لَّا، ئِتْخصَّا اَذ تِيڒِيم ثصْفَام ذِي مَارَّا مِين تݣّم اَم مَامّش يصْفَا أَربِّـي ونِّي إِي ذَاوم د يڒَاغَان.

1 بطرس 2:12

عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 3:1

آ ثِمْغَارِين، أَمنِّي عَاوذ يتْخصَّا اَذ طَاعنْت إِ يرْيَازن نْكنْت. حمَا يِنِّي وَار يتݣّن شَا اَرَّاي إِ وَاوَاڒ ن أَربِّـي اَتَاف ثِمْغَارِين نْسن اَثن د اَرّنْت غَار ڒْمُوْمِنِين بْڒَا مَا ٱكِذْسن سِّيوْڒنْت س وَاوَاڒ غِير س ثِيْشْرِي نْسنْت أُو صَافِي.

1 بطرس 3:3

زِّين نْكنْت مَاشِي ذ لْمُهِم غَار بَارَّا يعْنِي اَذ تْمُوْذنْت يشوَّافن نِغ اَذ تݣّنْت ثِسنْسْڒِين ذ ثمْقيَّاسِين ن دّْهب نِغ ذ اَرُّوْض إِي يغْڒَان.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي