1 بطرس 2:4 - ثريفيث 2020

⁴ خْمِي غَارس د ثْقَارَّابم غَار نتَّا إِي يدْجَان ذ اَزْرُو نِّي يدَّرن عِيفّن-ث يرْيَازن وَلَكِن أَربِّـي يخْضَر-يث يعِيزّ خَاس،

1 بطرس 2:4 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 11:28

آ يِيْن يُوْحْڒن س دْقڒ إِي ثَرْبُوْم، أَرَحم-د غَارِي مَارَّا كنِّيو نش اَكنِّيو سْريّْحغ.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:18

<ذ وَانِيتَا ذ اَخدَّام ينُو إِݣ يخْضَرغ، ونِّي إِي خَافِي يعِيزّن إِي خف اَرْضِيغ. أَذَايس ݣّغ أَرُّوْح يقدّْسن، أَذ يخبَّار يِنِّي زِي ڒݣْنُوْس س ڒْحَقّ.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:42

ينَّا-ٱسن عِيْسَى: "مَا عمَّارْص وَار ثغْرِيم مِين يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس. ذ سِيذِي أَربِّـي إِݣ يݣِّين مَانَايَا، ذ يجّن ن ڒْحَاجث ذ ثَمقّْرَانْت!>

يوحنا 14:19

شْوِيت ن ڒْوقث إِݣ يقِّيمن وَار ذَايِي ثْࢲرّ شَا دُّنشْت-أَ، وَلَكِن كنِّيو اَذَايِي ثࢲرم. وَامِي نش دَّرغ، ؤُڒَا ذ كنِّيو اَذ تدَّرم.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 5:26

أَم بَابَاس غَارس ثُوْذَارْث ذݣ يِيخف نّس، أَمُّو إِي ذَاس يُوْشَا إِ مِّيس اَغَارس ثِيڒِي ثُوْذَارْث ذݣ يِيخف نّس.

يوحنا 5:40

وَاخَّا اَمنِّي كنِّيو وَار ثْخِيسم شَا اَغَارِي د تَاسم حمَا اَغَارْوم ثِيڒِي ثُوْذَارْث.

يوحنا 6:37

مَارَّا مِين ذَايِي د يتِيشّ بَابَا يتَاس-د غَارِي. ونِّي إِي د يتَاسن غَارِي وَار ث سِݣّوِيجغ شَا.

يوحنا 6:57

مَامّش إِي ذَايِي د يسّكّ بَابَا يدَّرن أُو نش دَّرغ زِي بَابَا، أَمنِّي ونِّي ذَايِي غَا يشّن اَزَّايِي إِي يدَّر.

أيث-روما 5:10

نشِّين نْمصْڒَاح اَك أَربِّـي س ڒْموْث ن مِّيس وَامِي تُوْغَانغ نشِّين عَاذ ذ ڒْعَذْيَان نّس. ڒخُّو وَامِي كِذس نْمصْڒَاح، أُو لَابُد زَّايس إِي غَا ننْجم س ثُوْذَارْث نّس!

1 أيث-كورينث 3:11

وَار ذِنِّي حَدّ يزمَّر اَذ يݣّ يج ن دْسَاس نّغْنِي خ ونِّي ذِنِّي يتْوَاݣّن، أُو دْسَاس-أَ وَانِيتَا ذ عِيْسَى لْمَسِيح.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

1 بطرس 1:19

لَّا، ئِسُّوْفغ-يكنِّيو-د س يذَامّن نِّي إِي يغْڒَان س وَاطَّاس ن لْمَسِيح يعْنِي يزْمَار نِّي يدْجَان بْڒَا ڒْعِيب بْڒَا ڒوْسخ.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 بطرس 2:7

فَا اَزْرُو-يَا يسوَّا اَطَّاس إِ كنِّيو إِي يُوْمْنن، يِنِّي وَار يُوْمِينن شَا لَّا. أَقَا يُوْرَا ذِي لْكِتَاب: <أَزْرُو نِّي إِي عِيفّن ئِبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

2 بطرس 1:4

عْلَاحْسَاب ثِمسْڒَايِين-أَ نتَّا يُوْشَا-ٱنغ-د لْوُعُوْد نّس يمْغَارن إِݣ يسوَّان اَطَّاس. حمَا س لْوُعُوْد-أَ اَذ تْشَرْشم ذِي طَّبِيعَا ن ونِّي يُوْعْڒَان وَامِي ثَروْڒم زِي مِين يفنَّان ذِي دُّنشْت-أَ عْلَاحْسَاب شّهَاوَاث ثِعفَّانِين.