1 بطرس 2:12 - ثريفيث 2020

¹² عِيْشث س لْمَعْقُوْل جَار ڒݣْـنُوْس. مڒَا تَهَامن-كنِّيو خ شَان ڒْحَاجث ذ ثَعفَّانْت أُوْشَا نِثْنِي ࢲرّن لْحَسَانَاث نْوم اَتَاف اَذ حمْذن أَربِّـي ذِي نْهَار نِّي إِي خَاسن د غَا يخْضڒ.

1 بطرس 2:12 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 10:25

بَرَكَا غِير اَذ يِيڒِي ومحْضَار اَم لْمُعَلِّم نّس، أَذ يِيڒِي وخدَّام اَم ؤُوقَّاف نّس. مڒَا ڒَاغَان إِ بَاب ن ثدَّارْث <آ إِبْڒِيس>، إِيوَا مَامّش غَا ڒَاغَان إِ ڒحْبَاب ن ثدَّارْث نّس؟

أَسڒْمذ ن سِيذِيثْنغ عِيْسَى لْكِتَاب ن مَتَّى 5:11

سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:8

وَامِي ࢲْرِين يِوذَان مَانَاينِّي، ݣّْوْذن حمْذن أَربِّـي خ سُّلْطَا إِي ذَاسن يتِيشّ إِ يِوْذَان.

لوقا 1:68

"لْحَمْدُ لِلَّه إِ سِيذِي أَربِّـي ن أَيث-إِسْرَائِيل، ڒَاحقَّاش يفْقذ شَّعْب نّس يفكّ-يث.

لوقا 19:44

أَشم سْهذْمن شم ذ ثَارْوَا نّمْ إِي يدْجَان غَار ذَاخڒ نّم. وَار ذَايم تجِّين بُو وزْرُو خ ونّغْنِي مِينْزِي يفْقذ-يشم أَربِّـي، شم وَار خَاس ثعْقِيڒذ."

لوقا 6:22

سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

يوحنا 13:31

وَامِي يفّغ يَاهُوْذَا ينَّا عِيْسَى: "ڒخُّو يتْوَاسمْغَار مِّيس ن بْنَاذم، يتْوَاسمْغَار س مِّيس ؤُڒَا ذ أَربِّـي.

ڒخذايم 15:14

ئِعَاوذ-اَنغ سِمْعَان خ مَامّش ذݣ ومزْوَارُو يفْقذ أَربِّـي يِنِّي وَار يدْجِين شَا زِي أَيث-إِسْرَائِيل يخْضَر شَا زَّايْسن اَذ يڒِين ذ شَّعْب نّس.

ڒخذايم 24:13

وَار غَارْسن بُو دَّلِيل خ تُّهْمَاث-أَ إِي خَافِي تْقدَّامن ڒخُّو.

ڒخذايم 25:7

وَامِي د يحْضَار ذِنِّي، مُوْنن-د خَاس يسْرَائِيلِيْين نِّي إي د يُوْسِين زِي لْقُدْس. تَاهَامن-ث س وَاطَّاس ن ثْمسْڒَايِين إِي وْعَارنْت وَلَكِن وَار غَارْسن بُو دَّلِيل.

ڒخذايم 28:22

وَلَكِن نخْس اَذَاش نْصنّط لْأَفْكَار نّش، مِينْزِي نسّن اَطَّاس ن يِوْذَان ذِي مْكُڒ اَمْشَان تْعَارَّاضن إِ ڒْحِزب-أَ وَانِيتَا."

أيث-روما 12:17

وَار تَارَّام شَا شَّرّْ س شَّرّْ. أَرّم-د ڒْبَڒ نْوم بَاش اَذ تحْتَرْمم مَارَّا يوْذَان ذِي مِين تݣّم.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 14:18

ونِّي إِي غَا يخذْمن إِ لْمَسِيح اَمنِّي، أَقَا أَربِّـي يرطَّا خَاس يوْذَان تْشكَّرن-ث.

أيث-روما 15:9

عَاوذ بَاش يِنِّي وَار يدْجِين شَا زِي أَيث-إِسْرَائِيل اَذ حمْذن أَربِّـي خ اَرَّحْمث نّس. مَامّش يقَّار لْكِتَاب: <س مَانَايَا إِي شك غَا حمْذغ جَار ڒݣْـنُوْس، أَذ غنّْجغ يزْڒَان إِ يِيسم نّش.>

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 13:7

نْتتَّار-اَس إِ أَربِّـي بَاش وَار ثْعصِّيم شَا، مَاشِي بَاش اَذَانغ اَفن يِوْذَان وَار نسْقِيط شَا ذِي تُّهْمَا-يَا إِي خَاوم نْقدّم؛ لَّا، نشِّين نْرزُّو اَذ تݣّم مِين يدْجَان نِيشَان. مڒَا زْغِيڒ-اَسن إِ ڒبْعَاض قَا نسْقط زَعْمَا ذِي تُّهْمَا-يَا إِي خَاوم نْقدّم، إِيوَا مَعْلِيش.

22 أيث-كورينث 8:21

نْتݣّ ثِزمَّار بَاش أَ نݣّ مِين يدْجَان ذ اَصبْحَان مَاشِي عْلَاحْسَاب سِيذِي أَربِّـي وَاهَا، نْتݣّ عَاوذ عْلَاحْسَاب مِين تْوَاڒَان يِوْذَان.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

1 أيث-سلونيك 4:12

حمَا اَذ تُوْيُوْرم س لْمَعْقُوْل اَك يِنِّي غَار بَارَّا نْوم وَار يُوْمِينن شَا، وَار تحْذِيجِيم وَالُو زِي حَدّ.

1 تيموتاوس 2:2

ذ يزدْجِيذن ذ مَارَّا يِنِّي يحكّْمن بَاش أَ نْعِيشث ذݣ يِجّن ن ڒهْنَا بْڒَا سّْدَع ذݣ يِجّن ن طَّاعَا ن أَربِّـي ذ يِجّن ن لْمَعْقُوْل.

1 تيموتاوس 4:12

وَار تجَّا حَدّ اَش يسحْقَر عْلَاحْسَاب ثمْࢲِي نّش. لَّا، شك لَابُد اَذَاسن تِيڒِيذ إِ ڒْمُوْمِنِين ذ لْمِثَال عْلَاحْسَاب اَوَاڒن نّش ذ ثِيشْرِي نّش ذ ڒمْحِبّث نّش ذ لْإِيمَان ذ ڒصْفِيّث.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

يعيبرانيين 13:18

تَّارث إِ أَربِّـي خَانغ. أَقَا نشِّين متْأَكدِّين ضَّمِير نّغ مرْتَاح، نْرزُّو أَ نخْذم س ڒحْيَا مَارَّا ثِمسْڒَايِين.

يعيبرانيين 13:5

أَذ تْعِيشم بْڒَا مَا ٱذ تْحِبّم تْمنْيَاث، أَذ تْقنْعم س مِين غَارْوم. أَربِّـي س يِيخف نّس ينَّا قَا عمَّارْص اَش جّغ، عمَّارْص اَذَايك سمْحغ.

ثبرات غار يعقوب 3:13

مَا ٱكِذْوم ونِّي إِي ذِي ثدْجَا ڒفْهَامث ذ ثُوْسْنَا؟ ئِتْخصَّا-يَاس اَذ د يسْمظْهَار مَانَايَا س مَامّش يتْعِيش س لْمَعْقُوْل ذ لْحَسَانَاث نّس إِݣ يتݣّ اَك يِجّن ن تَّوَاضُع إِي د يتَاسن س ڒفْهَامث.

1 بطرس 2:15

لِأَنَّا مَانَايَا ذ ڒْخَاضَر ن أَربِّـي يعْنِي مڒَا ثݣِّيم مِين يدْجَان ذ اَصبْحَان اَتَاف اَذ تقْضَام خ وَاوَاڒن يجَهْڒن ن يرْيَازن نِّي إِي ذِي ثدْجَا ثُوْبُّوْهْڒِيَا أُو صَافِي.

1 بطرس 3:16

ذ يِجّن ن ضَّمِير مرْتَاح. أَمُّو يِنِّي خَاوم يقَّارن ڒْبَاطڒ اَتَاف اَذ سذْحَان س ثِيْشْرِي نْوم ثَصبْحَانْت إِي خَاوم تْعيَّابن نِثْنِي.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.

2 بطرس 3:11

مڒَا اَمنِّي إِي غَا تْوَامْحَانْت مَارَّا ثِمسْڒَايِين-أَ، مَامّش إِي غَا ثِيڒِي ثُوْذَارْث نْوم؟ إِيوَا أُو لَابُد اَذ تْعِيشم س يِجّن ن ثُوْذَارْث ثصْفَا اَذ طَاعم إِ أَربِّـي