1 بطرس 1:17 - ثريفيث 2020

¹⁷ مڒَا ثقَّارم-اَس "آ بَابَا" إِ ونِّي يتحْسَابن ڒخْذَايم ن كُڒ بْنَاذم بْڒَا ؤُذمَاون اَتَاف يتْخصَّا اَذ تْعِيشم س يِجّن ن ثِيݣّْوْذِي اَخْمِي غَا ثْعزّْبم ذِي ثْمُوْرْث-أَ.

1 بطرس 1:17 Σταυροειδείς Αναφορές

أَسڒْمذ ن سِيذِيثْنغ عِيْسَى لْكِتَاب ن مَتَّى 16:27

أَقَا مِّيس ن بْنَاذم اَذ د يَاس س لْعَظَمَا ن بَابَاس اَك لْمَلَائِكَاث نّس، أُوشَا اَذ يجَازَا مْكُڒ يجّن عْلَاحْسَاب ڒْخذْمث نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:16

سّكّن غَارس شَان يمحْضَارن نْسن اَك شَان يِوْذَان زِي ڒْحِزب ن وزدْجِيذ هِيرُوْدُس اَذَاس ينِين: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:9

هَا مَامّش إِي غَا ثࢲَّادْجم: آ بَابَاثْنغ يدْجَان ذݣ وجنَّا، ذ اَمقّْرَان إِݣ يدْجَا يِسم نّش.

أيث-روما 11:20

وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ!

22 أيث-كورينث 1:2

أَكِذْوم يِيڒِي اَرْضَا ذ ڒْهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

22 أيث-كورينث 5:6

إِذن عمَّارص أَ نفْشڒ نشِّين. نسّن مڒَا عَاذ اَقَانغ ذِي دَّات-أَ ن دُّنشْت-أَ نْتَاݣّْوَاج زِي سِيذِيثْنغ.

22 أيث-كورينث 7:1

إِذن آي يمْعِيزّن ينُو، وَامِي ذَانغ يعَاهذ أَربِّـي خ ثْمسْڒَايِين-أَ لَابُد أَ نسِّيصْفَا يخف نّغ زِي مَارَّا مِين ذَانغ يسخْنِيزن ذِي دَّات ذ اَرُّوْح حمَا أَ نِيڒِي ذ صَّالِحِين بْڒَا اَخطِّي س ثِيݣّْوْذِي ن أَربِّـي.

22 أيث-كورينث 7:11

فكَّارث كنِّيو ذِي مِين ذَايْوم د يتَارو وخِيّق-أَ زِي أَربِّـي. يعْنِي مشْحَاڒ تْحَوَاڒم س وُوْڒ ثْرزُّوْم اَذ تْحلّم مَانَايَا ذغْيَا. يعْنِي مشْحَاڒ ثْندْمم مشْحَاڒ ثنْخڒْعم، ذَايْوم يجّن ن مزْڒِي ذ ثِيݣّْوْذِي. يعْنِي مشْحَاڒ ثسْوجْذم اَذ تْحكْمم نِيشَان. مِين مَا يدْجَان ذِي ثْمسْڒَايْث-أَ كنِّيو وَار ذَايْوم بُو ڒْعِيب.

أيث-ݣلاطيا 2:6

أَمَّا يِنِّي تْغِير-اَوم ذ يمقّْرَانن خَاوم، نِثْنِي وَار اَرْنِين ؤُڒَا ذ يجّن ن وَاوَاڒ زِي مِين بشَّرغ نش. قَّارغ مَانَايَا، مِين مَا عْنَان يِيْنَا غَارِي كِيف-كِيف، يعْنِي أَربِّـي وَار يتݣّ بُو س وُوْذمَاون جَارَانغ.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 3:14

نِّيغ-اَوم خ مَانَايَا نش ترْكَاعغ خ يفَادّن ينُو زَّاث إِ بَابَاثْنغ.

أيث-ؤفسوس 6:9

أُو كنِّيو آي أَيثْبَاب ن يسمْغَان اَذَاسن ثݣّم كِيف-كِيف، مَاشِي اَثن تْسِݣّْوْذم. أَقَا ثسّْنم بلِّي بَاب نْوم ذ بَاب نْسن نتَّا ذ يجّن اَقَاث ذݣ وجنَّا، وَار يتݣّ بُو س وُوْذمَاون.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

أيث-كولوس 3:25

شُوْف، ونِّي يضدْجْمن اَتَاف اَذ يشّ اَعْمُوْذ خ مِين يضدْجم. أَربِّـي وَار يتݣّ بُو س وُوْذمَاون جَار يِوْذَان.

يعيبرانيين 12:28

خ مَانَايَا أَ نْشكَّر أَربِّـي ڒَاحقَّاش نقْبڒ يجّن ن ڒْمُلْك وَار يتنْهزِّين شَا. أَمُّو اَذَاس نْقدّم إِ أَربِّـي يجّن ن لْعِبَادَا س ڒُوقَّار ذ ثِيݣّْوْذِي اَخَاس يَارْضَا نتَّا،

يعيبرانيين 4:1

إِذن فَا عَاذ نْزمَّر أَ نَاذف ذِي اَرَّاحث ن سِيذِي أَربِّـي مِينْزِي ذَانغ يوْعذ. وَا لَابُد أَ نݣّْوذ بَاش وَار يتْغِيمِي ؤُڒَا ذ يجّن زَّايْوم وَار ذِنِّي د يخطّڒ.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

1 بطرس 3:15

لَّا، سمْغَارث لْمَسِيح ذݣ وُوْڒَاون نْوم اَرّم-ث ذ سِيذِيثْوم. إِڒِيث ڒبْدَا ثْوجْذم بَاش اَذ تْدَافْعم خ يِيخف نْوم اَذ تْجَاوْبم ونِّي يرزُّوْن خ سَّبَاب ن لْأَمَال إِي ذَايْوم. وَلَكِن جَاوْبم-ث س يِجّن ن تَّوَاضُع ذ لْإِحْتِرَام